١_ وطبان ليش ما سرد القصة ؟ كل الشخصيات اني متحكمه بيهه كوني كاتبه لكنِ تقصدت ابعد وطبان من السرد حتى يبقى طابع الغموض بلقصه
٢_ خزعل بقى بالبتاوين ؟ لو بس يشتغل بيها
ج-بقه بيهه هو وارقم بنفس البيت
٢-هواي اسئله نريد جوابهم منو الي قتل الولد؟ ج-اكثر الشبهات تدل على فاهم لان بعد قتله عم الهدوء عليهم
٣ميسم من اتخيلت وطبان ضربها ابرة وحظنها حقيقة لو خيال ..وليث وين صار؟
ج-حقيقه اما ليث مع والدته وميعرفون بأي دوله
شنو اخبار عمر وشهلاء تشافت من مرضه ....ويمته انتهت القصه اي سنه ......خزعل وزهراء تزوجوا؟
-شهلاء مازالت تعاني من مرض الاكتآب اما السنه لو اريد اذكرهه جان ذكرتهه بالروايه وحتى اذا ذكرتهه الكم راح اكذب بيهه لان المنطقه معروفه تجنباً للمشاكل الي احتمال اوكع بيهه بالاضافه مااتوقع البطله حتى وياي صادقه بالسنه الي ذكرتهه وماالوم ولا ادقق لان كل الي يهمني انطتني قصه جداً راقيه
اما خزعل وزهراء الى ان وصلتني الاحداث قبل سنه همه فقط خطوبه
وصارت احداث جديده لكن وقفتهه بهاي النقطه حتى متيه عليه السنين خاف اضيف جزء للروايه
س/.كلتي صار سنه النهايه عندي صحيح النهايه واصلتني من سنه
نريد مقتطفات من نهايه القصه لحد الان 😘 اكو مفتطف جديد وهو يتركز بالذات على زهراء لكن مااذكره لان ذكرت الكم من المحتمل اضيف جزء للروايه
شلون انربطت القصتين يعني انت من خلال القصة الاولى وصلتي للثانية
من خلال اولاد حاتم الي همه شهلاء وسعيد متابعين للروايه كلهم بحكم القرابه حتى اذا بعيده لكن يجمعهم سعيد
-فريده ماعرفو نهايتهه لا ما زالت نهايتهه مجهوله
وطبان يعرف بلقصه نتشرت وميسم ولباقين يقرون بتعليقات ويعرفون لو لا
نعم والدليل ذكرت المنطقه بدون تغيير
ضلت حسرة بكلبي اعرف اللي شافته ميسم من راحت للشلالات وطبان لو يتخيللهه
- لا متتخيل شافت وطبان
شرشوبة وين؟ ذكرت بالنهايه وين تسكن يم وطبان لكن بمملكتهه الخاصه هي وابنهه
ليلى عرفت قصته مرتبطه باازقه الموت وشنو جان موقفها هم عرفت بطل القصه هو الي خطفها وهم تعرفت ع ميسم وشلون تعرفو
اي تعرف وبالاساس هي جانت شكهه بحاتم يعني ماكو شي جديد وتعرف بيئة حاتم شنو وبالبارت الي مقرره اجهزه للحب الحرام راح تشوفون هواي احداث تتسائلون تجاهه
شلون وصلتج القصه؟ قصة الحب الحرام من خلال عمر وصلتني وجان مفروض فقط قصة شهلاء وسعيد متشوفون اعلانهه بقه سنه كامله لان جنت مخليه ببالي اضيف للبطوله الدكتوره لان هي الشخصيه الاقوى بالروايه
بس اني لحيت الحاح لم يلحه اللحاحون من قبل حتى اضيف بطوله الهه وبهيج من ضفت الدكتوره فصلت الروايتين حتى توصل الكم وانطي استحقاق للبيئتين
وشخبار اخو ميسم؟ ويه والدته من اول مسافر ميعرفون عنه شي لان ماعدهم اي صله قرابه او معرفه توصلهم اله
منو من الابطال يتابع تعليقاتنه؟ هواي تكدرون تگولون اكثرهم
ليش اختصرتي النهاية رغم بيهه تفاصيل هواي
لان ركزت على العبره اكثر من الاحداث لو مناهيتهه ببارت واحد جان تفرعت العبره ومصار عليهه تركيز وهدفي هو الفائده اكثر من الاحداث بحد ذاتهه كوني كاتبه فيوجب عليه تقديم العبر الي تفيد المجتمع بالاضافه يتابعني فئه من كافة الاعمار فحرصت على التوعيه وتقديم النصيحه واذا تسألوني شنو قصدج بالعبره قصدي هي نهاية الطريق المظلم ياخذ الانسان الى الهاويه والخسارة
لو مذاكره وفاة دحام وابو ماشه بنفس البارت الاخير فتصنف القصه تشجيع للمحرامات وسلك الطريق الخطئ
ومع ذلك مخلت الروايه من الانتقادات السلبيه لكن يكفيني ان فئه من المتابعين وصلوا للمغزى الي تقصدته من الروايه
