Be happier than me
အခန်း ၂ : အတိတ်ဆိုတာ တိမ်လိုပဲ
လီချန်နှင့် လီရွေ့တို့က ညီအကိုများမဟုတ်ကြပေမယ့် မျိုးရိုးနာမည်တူကြပြီး ငယ်စဉ်ကပင် မိဘများက အချင်းချင်းလည်း သိကြသည်။
ဘန်ဂလိုတွင် နေထိုင်ကြသည့် မိသားစုနှစ်စုက ခြံဝင်းတစ်ခုတည်းတွင် နေထိုင်ကြသည်။ ဘန်ဂလိုများ ဖြိုဖျက်ပြီးနောက် တူညီတဲ့ အဆောက်အအုံသို့ ပြောင်းရွှေ့နေထိုင်ကြပြီး မျက်နှာချင်းဆိုင် တိုက်ခန်းများတွင် နေထိုင်ကြသည်။
မိခင်နှစ်ယောက်က ကိုယ်ဝန်ရှိလာတဲ့အခါ ဇနီးမောင်နှံနှစ်တွဲက သူတို့ရဲ့ဗိုက်ထဲရှိ ကလေးငယ်များကို လက်ထပ်ထိမ်းမြားရန် စီစဉ်မည့်အကြောင်းကို မကြာခဏ နောက်ပြောင်ပြောဆိုကြသည်။
လီရွေ့က လီချန်ထက် တစ်လခွဲစောပြီး မွေးသောကြောင့် သူ့ကိုယ်သူ လီချန်ရဲ့အစ်ကိုကြီးအဖြစ် အမြဲမှတ်ယူသည်။ လီချန်နဲ့ကစားတဲ့အခါ သူပြောသမျှကို နားထောင်သည်။
ထို့အပြင် သူတို့နှစ်ဦးသည် ငယ်စဉ်ကတည်းက ခွဲခွာခြင်း မရှိခဲ့ပေ။ သူငယ်တန်းကနေ တက္ကသိုလ်အထိ ကျောင်းအတူတူတက်ကြသည်။ နောက်ပိုင်းမှာ လီရွေ့ရဲ့အဖွားက သူတို့အလုပ်လုပ်နေတဲ့ လက်ရှိဆေးရုံမှာ နေရာကောင်းတွေရအောင် ကူညီပေးခဲ့သည်။
လီချန်က အသက်ဆယ့်သုံးနှစ်သားအရွယ်တွင် ကမ်းခြေ၌ နွေရာသီအားလပ်ရက် အပန်းဖြေခရီးတွင် လီရွေ့အပေါ် ပုံမှန်မဟုတ်သောခံစားချက်ရှိနေကြောင်း တွေ့ရှိခဲ့သည်။ မိုးပြာရောင်ကောင်းကင်အောက်တွင် ကြည်လင်သောရေနှင့် နူးညံ့တဲ့ သဲသောင်ပြင်များရှိသည်။ လီရွေ့ရဲ့ ခန္ဓာကိုယ်အပေါ်ပိုင်းက လှစ်ဟထားပြီး သူ့မျက်နှာပေါ်ရှိအပြုံးက နေရောင်ထက် ပိုတောက်ပနေသည်။
လီချန်ရဲ့နှလုံးခုန်သံက တစ်နေ့လုံး မြန်နေပြီး လီရွေ့ရဲ့ပြုံးနေတဲ့ မျက်နှာကို မကြည့်ရဲသော်လည်း နောက်ပိုင်းမှာ သူ့ကို အနှောင့်အယှက်ပေးနေတဲ့ ငါးတစ်ကောင်လို ဖြစ်လာသည်။
လီရွေ့ရဲ့လက်ချောင်းထိပ်တွေက သူရဲ့ ပူနွေးတဲ့အရေပြားကို ထိလိုက်တဲ့အခါ အနည်းငယ် တုန်လှုပ်သွားပြီး သူ့ကိုယ်သူ ထိန်းမနိုင်သိမ်းမနိုင် ဖြစ်သွားသည်။
STAI LEGGENDO
ငါ့ထက်ပိုပြီး ပျော်ပါစေ
Storie breviTitle - Be Happier Than Me Author -慕了侠 Type - Web novel Genre - Shounen Ai, Slice of life, Tragedy Status - 5 chapters (completed) Description ကျေးဇူးပြုပြီး ငါ့ထက်ပိုပြီးပျော်ရွှင်ပါစေ ငါရှက်ရွံ့စွာနဲ့ အရှုံးမပေးခင် ဘယ်လောက်ပဲ နာကျင်ပါစေ၊ အဲဒါကို ပ...