Trapped In Midnight (Complete)

Chapter 27

"Night! Parang awa mo na, kausapin mo naman ako!" paos niyang sigaw sa labas ng mansiyon ng mga Valencia. Hindi niya alintana ang malakas na pagbagsak ng ulan at ang maingay na kidlat na nanggagaling sa madilim na kalangitan.

"Night!" sigaw niya ulit ngunit kinain lang ito ng malakas na kulog.

Pinaghahampas niya ang malaking gate na gawa sa bakal, hindi na nararamdaman ang bawat hampas niya. Her hands were numb, and so her heart.

Nanlalamig na ang kaniyang katawan dahil sa ulan, pati ang kaniyang damit ay basang-basa na rin.

"Night, kausapin mo ako! N-Night!"

Ang kaniyang luha ay humahalo sa ulang tumatama sa kaniyang mukha.

May naramdaman siyang mainit na kamay na humawak sa kaniyang braso.

"Risha, tama na. Maawa ka naman sa sarili mo at sa bata-"

Hindi na niya ito pinatapos magsalita dahil agad siyang humarap at sinampal ang lalaking nasa harapan niya.

"Kasalanan n-niyo ang lahat ng nangyayari sa buhay ko ngayon! Pinlano niyo lahat ng 'to, Anthony!" she shouted, crying hard. "Sinira niyo ang... lahat dahil sa ginawa niyo." nanghihina niyang iyak.

Hindi nagsalita ang lalake ngunit kita niya rin ang paglandas ng luha nito, dalawa na silang basang-basa.

"M-Masaya na kayo ni Olivia? Ha?" she pushed his chest. "Masaya na kayong nasira ako sa taong mahal ko? Ha?!"

Umiling si Anthony at sinubukan siyang hawakan pero lumayo siya.

Nanlalabo ang mga mata niya dahil sa walang tigil na pagbagsak ng kaniyang luha.

"Wala kayong awa! Hindi lang pagkatao ko ang sinira niyo, pati 'yong tiwala sa akin ni Night nawala dahil sa inyo!"

"That's not what I want-"

"Ginusto niyo! Kaya mo ako sinama sa resort na 'yon ng tatlong araw dahil may plano kayo!"

"W-Wala akong intensyon na gano'n, Risha. I don't even know you're pregnant with Maximus' child."

"Hindi totoo 'yan! Plano niyo ang lahat. Sinabi sa akin mismo ni Olivia." may diin niyang sigaw. "Sa loob ng tatlong araw na kasama kita, pinalabas niyong nagtanan tayo. Na sumama ako sa'yo dahil buntis ako at ikaw ang ama ng dinadala ko. Iyon ang sinabi niyo! Iyon ang sinabi niyo kay Night at Don Enrico! Iyon ang kinalat niyo! At hindi pa kayo nakuntento, nagbigay din kayo ng larawan na magkama tayo?" she bitterly spat. "May k-konsensya pa ba kayo?"

"B-Believe me, wala akong alam-"

She slapped him hard, again.

Gusto niyang ilabas ang galit na nararamdaman niya.

"Huwag mo nang bilugin ang ulo ko, Anthony. Tama na 'yong kasinungalingan niyo, ang paninira niyo sa akin." she weakly muttered. "S-Sirang-sira na ako, eh. Sira na ang lahat. S-Sira na 'yong relasyon na handa ko nang... ipaglaban."

Tuluyan na siyang bumagsak sa damuhan, niyakap ang kaniyang sarili at humagulhol.

"Anak, gising."