قصص عراقية:
ﺍﻟﺒﺎﺭﺕ ﺍﻟﺜﺎﻧﻲ ﻭﺍﻟﻌﺸﺮﻭﻥ
ﺭﻭﺍﻳﺔ ... ﺟﻮﻟﻴﻴﺖ ﻭﺍﺳﺮﻫﺎ ... ﻏﻴﺎﻫﺐ ﺍﻹﻧﺘﻘﺎﻡ
ﺑﻘﻠﻤﻲ ... ﻧﻮﺭ ﺳﻤﻮ ﺍﻟﻌﺮﺍﻕ
💔💔💔💔💔💔💔💔💔💔
...................
ﺻﻤﺖ ﻣﻬﻴﺐ ﺧﻴﻢ ﻋﻠﺊ ﺍﻟﻤﻜﺎﻥ ﺍﺭﻳﺪ ﺍﺳﺘﻮﻋﺐ ﺍﻟﻜﻼﻡ ﺍﻟﻲ ﺩﻳﺤﺠﻲ ﺟﻌﻔﺮ ﻣﻦ ﻛﺜﺮ ﺻﺮﺍﺧﻪ ﻣﺎ ﻓﻬﻤﺖ ﻣﻌﻘﻮﻭﻭﻟﻪ ... ﺍﻣﻲ ﺭﺿﻴﻪ ﺍﻟﺤﻨﺎﻧﻪ ﺍﻡ ﺭﻭﺡ ﺍﻟﻄﻴﺒﻪ ﺗﻤﻮﺕ ...
ﻣﻌﻘﻮﻟﻪ ﺗﻨﺪﻓﻦ ﺍﻟﻤﺤﻨﻪ ﻭﺗﺮﻭﺡ ﻣﻨﻪ ﻫﻲ ﺟﺎﻧﺖ ﺩﺍﺋﻤﺎ ﺗﻮﻛﻒ ﻭﻳﺎﻱ ...
ﺻﺮﺧﺖ ﺑﺼﻮﺕ ﻋﺎﻟﻲ .... ﻻﺍﺍﺍﺍﺍﺍ ﻳﻤﻤﻪ ﺭﺿﻴﻪ ﻻﺍﺍﺍﺍﺍ
ﺍﺟﺖ ﺧﺎﻟﺘﻲ ﺗﺮﻛﺾ ﻭﺍﺷﻮﻭﻭﺍﻕ ﺗﺮﻛﺾ ﻭﺧﺎﻟﺘﻲ ﺍﻡ ﻫﺎﻟﻪ ﻭﺟﺎﺳﺮ ..
ﻟﺰﻣﻨﻲ ﺟﺎﺳﺮ ﺑﻘﻠﻖ ... ﺷﻜﻮﻭﻭﻭ ﺷﻜﻮﻭﻭﻭﻭ ﻣﻨﻮ ﻣﺎﺍﺍﺕ
ﻟﻄﻤﺖ ﻋﻠﺊ ﺻﺪﺭﻱ ﺑﻨﺤﻴﺐ ﻭﺻﺮﺍﺥ ... ﺍﻣﻲ ﺍﻣﻴﻴﻴﻲ ﺍﻣﻴﻴﻲ ﺭﺿﻴﻪ ﻣﺎﺗﺖ ﺍﻣﻴﻲ ﺭﺿﻴﻪ ﻛﺘﻠﻮﻫﺎ ...
ﻓﺘﺤﺖ ﻋﻴﻮﻧﻪ ﺑﺼﺪﻣﻪ ﻭﺍﺣﺘﺪﺕ ﻣﻼﻣﺤﻪ ﻋﺼﺮﻧﻲ ﺑﻴﻴﻦ ﺍﺩﻳﻪ ﺑﻜﻞ ﻗﺴﻮﻩ ﻭﺯﻣﺠﺮ ﺑﻮﺟﻬﻲ ﺑﻐﻀﺐ ... ﺍﻧﺘﻲ ﺷﺘﺤﺠﻴﻦ ﻣﻨﻮ ﻛﻠﻠﻠﺞ
ﺧﺎﻟﺘﻲ ﺍﻡ ﻓﻼﺡ ﻭﺍﺷﻮﺍﻕ ﺗﺨﺒﻠﻦ ﺿﻠﻦ ﻳﺼﺮﺧﻦ ﻭﻳﻠﻄﻤﻦ ﻭﻫﺎﻟﻪ ﻭﺧﺎﻟﺘﻲ ﻳﺤﺎﻭﻟﻦ ﻳﻬﺪﻧﻬﻦ ...
ﺟﺎﺳﺮ ﺻﺮﺥ ﺑﻮﺟﻬﻴﻲ ... ﺍﺣﺠﻴﻴﻲ ﻣﻨﻮ ﻛﻠﺞ
ﻭﻛﻌﺖ ﻋﻠﺊ ﺍﻻﺭﺽ ﻭﺣﻀﻨﺖ ﻭﺟﻬﻲ ﺑﻜﻔﻮﻓﻲ ... ﺟﻌﻔﺮ ﺟﻌﻔﺮ ﺧﺎﺑﺮ ﻭﻛﺎﺍﺍﻝ ﺍﻣﻲ ﺩﻋﻤﻮﻫﺎ ﺑﺴﻴﺎﺭﻩ ﻭﻣﺎﺗﺖ ...
ﺭﻓﻌﻨﻲ ﺑﻘﺴﻮﻭﻭﻩ ﻣﻦ ﻛﺘﻔﻲ ﺣﺴﻴﺖ ﺍﺻﺎﺑﻌﻪ ﻣﺜﻞ ﺍﻟﺴﺠﺎﺟﻴﻦ ﻧﺒﺘﺖ ﺑﻜﺘﻔﻲ ... ﻛﺘﻠﻮﻭﻭﻭﻫﺎ ﻛﺘﻠﻮﻭﻭﻫﺎ
ﺩﻓﻌﻨﻲ ﺑﻐﻀﺐ ﻭﻃﻠﻊ ﻣﻦ ﺍﻟﻤﻄﺒﺦ ﻳﺮﻛﺾ ﻭﻫﻮ ﻳﺨﺎﺑﺮ ﺑﺼﻼﺡ ﺯﻣﺠﺮ ﺑﺼﻮﺕ ﻋﺎﻟﻲ ... ﻟﻚ ﺭﺩﺩﺩﺩ ﺭﺩﺩﺩ ..
ﺑﻌﺪﻩ ﻣﻄﺎﻟﻊ ﻣﻦ ﺍﻟﺒﻴﺖ ﺍﻧﻔﺘﺢ ﺍﻟﺒﺎﺏ ﻭﺩﺧﻞ ﺟﻌﻔﺮ ﻭﻫﻮ ﻳﺼﺮﺥ ... ﻭﻟﺞ ﻳﻤﻤﻤﻪ ﺭﺿﻴﻪ ﻭﻟﺞ ﻳﺎﻟﺤﻨﻴﻨﻪ ﻭﺍﻟﻠﻪ ﺍﺣﺒﺞ ﺍﻛﺜﺮ ﻣﻦ ﺭﺿﻴﻪ .. ﺍﻧﺖ ﺍﺻﻼ ﺍﺣﺒﺞ ﺍﻛﺜﺮ ﻣﻦ ﺍﻣﺞ
ﺧﻄﻴﻪ ﺍﺷﻮﺍﻕ ﺫﺑﺤﺖ ﺭﻭﺣﻬﺎ ﺫﺑﺢ ...
ﻟﺤﻈﺎﺕ ﺟﺎﺳﺮ ﺗﺤﻮﻝ ﻣﻦ ﺑﺮﻛﺎﻥ ﻟﺜﻼﺟﺔ ﻟﺤﻀﺎﺕ ﺻﻤﺖ ﻫﺎﺩﺉ ﻭﻫﻮ ﻳﺒﺎﻭﻉ ﺍﻟﺠﻌﻔﺮ ﺑﺎﻣﺘﻌﺎﻥ ....
ﻟﺰﻣﻪ ﻣﻦ ﻳﺎﺧﻪ ﻗﻤﻴﺼﻪ ﻭﺳﺤﺒﻪ ﺑﻘﺴﻮﺓ ﺑﺤﻴﺚ ﺟﻌﻔﺮ ﻃﺎﺭ ﻋﻨﺪ ﺟﺎﺳﺮ ...
ﻫﻤﺲ ﺟﺎﺳﺮ ﻣﻦ ﺑﻴﻦ ﺍﺳﻨﺎﻧﻪ ... ﺳﻜﺮﺭﺭﺭﺍﻥ
ﺟﻌﻔﺮ ﺩﻙ ﻋﻠﺊ ﺻﺪﺭﻩ ﺑﻐﻀﺐ .... ﺍﻣﻴﻴﻴﻲ ﻣﻴﺘﻪ ﻭﺍﺳﻜﺮ ﺍﻣﻲ ﻣﺎﺗﺖ ﻣﻜﺘﻮﻟﻪ ﻛﺘﻠﻮﻫﺎ ﻳﺮﺩﻭﻥ ﻳﻐﺴﻠﻮﻥ ﻋﺎﺭﻫﻢ
ﻋﻘﺪ ﺣﻮﺍﺟﺒﻪ ﻭﻫﻮ ﻳﺒﺎﻭﻋﻠﻪ ﺑﻐﻤﻮﻭﻭﺽ ﺻﺮﺥ ﺑﻮﺟﻬﻪ ... ﻟﻚ ﺍﺣﺠﻲ ﻋﺪﻝ ﻻ ﺍﺷﻚ ﺣﻠﻜﻚ
ﺩﻓﻊ ﺟﺎﺳﺮ ﻭﺍﺑﺘﻌﺪ ﻋﻨﻪ ﻭﻫﻮ ﻳﺪﻙ ﻋﻠﺊ ﺻﺪﺭﻩ ﻭﻳﺼﺮﺥ ﻭﺷﻚ ﻗﻤﻴﺼﻪ ... ﺍﻛﻠﻪ ﺣﺒﻮﺑﺘﻲ ﺭﺿﻴﻪ ﻣﺎﺗﺖ ﻣﺎﺗﺖ ...
ﻟﺰﻣﻪ ﺟﺎﺳﺮ ﺑﻐﻀﺐ ﺑﻌﺪﻡ ﻣﺎ ﻋﺮﻑ ﺑﻲ ﺳﻜﺮﺍﻥ ﻭﺟﺎﺑﻪ ﺑﺮﺍﺷﺪﻱ ﺑﺤﻴﺚ ﺣﺴﻴﻨﻪ ﺑﺎﻟﺼﺪﺉ ﻭﻭﻥ ﺑﺎﻟﺒﻴﺖ ...
ﻭﻛﻊ ﺟﻌﻔﺮ ﻭﺑﻌﺪﻫﺎ ﻭﻛﻒ ... ﺗﻀﺮﺑﻨﻲ ﻟﻚ ﺍﺑﻮ ﺍﻟﻨﺴﻮﺍﻥ ﺑﻴﻚ ﺧﻴﺮ ﻣﺎ ﺍﻏﺘﺼﺒﺖ ﺻﺒﺮﻳﻪ ...
ﺟﺎﺳﺮ ﺑﺘﻬﺪﻳﺪ ... ﺑﺴﻴﻄﻪ ﺑﺲ ﺧﻠﻲ ﺍﺷﻮﻑ ﺭﺿﻴﻪ ﻭﻳﻦ ﻭﺍﻟﻠﻪ ﺍﻟﻪ ﺍﻧﺪﻣﻚ
ﺩﺧﻠﺖ ﺭﺿﻴﻪ ﻭﻫﻲ ﺷﺎﻳﻠﻪ ﺟﻴﺲ ﺟﻜﻠﻴﺖ ﻟﻜﻞ ﺭﻛﺾ ﻋﻠﻴﻬﺎ ﺑﻠﻬﻔﻪ ﻭﻳﺒﻮﺱ ﺑﻴﻬﺎ ﺍﻧﻲ ﻭﺧﺎﻟﺘﻲ ﻭﺍﺷﻮﺍﻕ
ﻫﻲ ﺗﻔﺎﺟﺄﺕ ﻛﺎﻟﺖ ... ﻳﺎﺍﺍﺍ ﺷﺒﻴﻜﻢ ﺷﻨﻮ ﻭﻳﻦ ﺟﻨﺖ ﺑﺎﻟﻌﻤﺮﺓ ...
ﺭﺩ ﺟﺎﺳﺮ ﺑﺎﺳﺘﻬﺰﺍﺀ ... ﻻ ﺑﻌﺎﻟﻢ ﺍﻟﺒﺮﺯﺥ ﺟﻌﻔﺮ ﻧﻘﻠﺞ ﺍﻟﻌﺎﻟﻢ ﺍﻷﻣﻮﺍﺕ ...
ﻭﻛﻒ ﺟﻌﻔﺮ ﻭﻫﻮ ﻳﺘﻤﺎﻳﻞ ﻭﻳﺼﻴﺢ ... ﻭﻟﺞ ﺧﺎﻟﻪ ﺍﻡ ﻋﮕﺎﺏ ﻣﺎﺗﺖ ﺣﺒﻮﺑﺘﻲ ﺭﺿﻴﻪ
ﻫﻮ ﻫﺴﻪ ﻭﻛﻒ ﻭﺍﺳﺘﻤﻠﻪ ﺟﺎﺍﺍﺳﺮ ﻛﻄﻌﻪ ﺗﻜﻄﻊ ﺑﻮﻛﺴﻴﺎﺕ ﻭﺭﻓﺴﺎﺕ ﻭﺭﺍﺷﺪﻳﺎﺕ ﻭﻫﻮ ﻫﻢ ﻳﺼﻴﺢ ﺑﺲ ﻣﻨﻔﺘﻬﻢ ﻣﻨﻪ ...
ﺟﺎﺳﺮ ﺩﺍﺋﻤﺎ ﻣﻦ ﻳﻠﺰﻡ ﺟﻌﻔﺮ ﻳﺠﺮﻡ ﺑﻲ ﺍﻛﻮ ﺟﺎﻥ ﺑﻮﺭﻱ ﻣﺎﻟﺖ ﺍﻟﻤﺮﺟﻮﺣﻪ ﻫﻮ ﻫﺬﺍ ﺍﻟﺒﻮﺭﻱ ﺩﻭﻡ ﻳﻜﺘﻠﻮﻧﻪ ﺑﻲ
ﻟﺰﻣﻪ ﺟﺎﺳﺮ ﻛﺴﺮﻩ ﺗﻜﺴﺮ ﻋﻠﻴﻪ ﻭﻫﻮ ﻳﺼﻴﺢ ... ﻭﻟﻚ ﺣﻴﻮﻭﻭﺍﻥ ﺯﻣﺎﺍﺍﺍﺍﻝ ﻭﺍﻟﻠﻪ ﺍﻟﻴﻮﻡ ﺍﻟﻪ ﺍﺣﻂ ﻃﻠﻘﻪ ﺑﺮﺍﺳﻚ ﻭﺍﻛﺘﻠﻚ ﻭﻟﻚ ﻣﻮﺗﺘﻨﻪ ﻳﻮﻣﻴﻪ ﺳﻜﺮﺍﻥ ...
ﺧﻄﻴﻪ ﺭﺿﻴﻪ ﻟﺰﻣﺘﻪ .. ﻳﻤﻪ ﺟﺎﺳﺮ ﻋﻠﺊ ﻛﻴﻔﻚ ﻳﻤﻪ ﺟﺎﺳﺮ ﻛﺎﻓﻲ ﻣﻮﺗﻪ
ﻭﺧﺎﻟﺘﻲ ﻭﺍﺷﻮﺍﻕ ﺭﺍﺩﻥ ﻳﺨﻠﺼﻦ ﺟﻌﻔﺮ ﻣﻦ ﺍﻳﺪﻩ ﻣﺎﻛﻮﻭ
ﺍﻧﻲ ﺣﻴﻞ ﺍﻧﻘﻬﺮﺕ ﻋﻠﺊ ﺟﻌﻔﺮ ﻫﻮ ﺧﻄﻴﻪ ﻣﻦ ﻳﺸﺮﺏ ﺑﻌﺪ ﻣﺎ ﻳﻌﺮﻑ ﺍﻟﻌﺎﻟﻢ ﻃﺸﺖ ﺭﺷﺖ ﻭﻳﻠﺰﻣﻮﺍ ﻳﻤﻮﺗﻮﺍ ﻛﺘﻞ ﻻﻥ ﻫﻮ ﻣﺎ ﺗﻔﻴﺪ ﻭﻳﺎﻩ ﻧﺼﻴﺤﻪ ...
ﺗﻘﺮﺑﺖ ﻣﻦ ﺟﺎﺳﺮ ﺑﺨﻮﻭﻭﻑ ﻣﻦ ﺷﻔﺘﻪ ﻳﻀﺮﺑﻪ ﻟﺰﻣﺘﻪ ﺑﺘﺮﺟﻲ .. ﻛﺎﻓﻲ ﺟﺎﺳﺮ ﻓﺪﻭﻭﻩ ﺧﻄﻴﻪ ﻣﺎﺕ ﻣﻦ ﺍﻟﻀﺮﺏ
ﺩﻓﻌﻨﻲ ﺑﻘﺴﻮﺓ ﻭﻫﻮ ﻳﺼﻴﺢ .. ﻭﺍﻟﻠﻪ ﺍﻟﻲ ﺗﺪﺍﻓﻊ ﻟﺠﻌﻔﺮ ﺍﺭﺑﻄﻬﺎ ﻭﻳﺎﻩ ﻭﺍﺧﺒﺰﻫﺎ ﺧﺒﺰ ...
ﺭﺟﻌﺖ ﻟﺰﻣﺘﻪ ﻣﺮﻩ ﺛﺎﻧﻴﻪ ﻫﻮ ﺩﻓﻌﻨﻲ ﺑﻜﻞ ﻗﻮﻭﻭﺗﻪ ﺍﻧﻀﺮﺑﺖ ﺑﺤﺎﻓﺔ ﺍﻟﺒﺎﺏ ﻋﻠﺊ ﻭﺟﻬﻲ ﺻﺮﺧﺖ ﺑﺼﻮﺕ ﻋﺎﻟﻲ ﻭﺍﻧﻲ ﺍﻟﺰﻡ ﻭﺟﻬﻲ . .... ﺍﺍﺍﺍﺍﺍﺍﺍﻩ ﺍﺍﺍﺍﺍﺍﻩ ﻳﻤﻪ ﺭﺍﺳﻲ
ﻫﻮ ﻋﺎﻑ ﺟﻌﻔﺮ ﻭﺭﻛﺾ ﻋﻠﻴﻪ ﻭﺍﺷﻮﺍﻕ ﻭ ﺭﺿﻴﻪ ﺧﻄﻴﻪ ﻫﻤﺎﺗﻴﻦ ﺍﺟﻦ ﻳﺮﻛﻀﻦ ﻋﻠﻴﻪ
ﻫﻮ ﺳﺤﺒﻨﻲ ﺧﻼﻧﻲ ﺑﺤﻀﻨﻪ ﻭﺳﺤﺐ ﺍﻳﺪﻱ ﺍﻟﻲ ﺗﻠﻮﺛﺖ ﺑﺎﻟﺪﻡ ...
ﺩﻓﻌﺘﻪ ﺑﻘﻬﺮ ﻭﺍﻧﻲ ﺍﺭﺟﻒ ﻭﺍﺭﺍﻓﺲ ﺑﺮﺟﻠﻴﻪ ﻣﻦ ﺍﻟﻮﺟﻊ
ﻟﺰﻡ ﺍﺩﻳﻪ ﺑﺜﻨﻴﻦ ﺍﺩﻳﻪ ﻭﻟﺰﻡ ﺭﺍﺳﻲ ﺑﺎﻭﻉ ﻟﻠﺠﺮﺡ ﺻﺎﺡ ﺑﻴﻪ .... ﺷﻜﻮ ﺗﺠﻴﻦ ﺗﺪﺍﻓﻌﻴﻦ ﻟﺠﻌﻴﻔﺮ ..
ﺷﻬﻜﺖ ﺑﺒﻜﺎﺀ ... ﺭﺍﺳﻲ ﻳﻤﻤﻤﻪ ﻓﻠﺸﺖ ﺭﺍﺳﻲ ﺍﺍﺍﺍﻩ ﻳﻤﻪ
ﺳﺤﺐ ﺷﺎﻟﻲ ﻭﺣﻄﻪ ﻋﻠﺊ ﺍﻟﺠﺮﺡ ... ﻳﺎﻟﻠﻪ ﻳﺎﻟﻠﻪ ﺍﻫﺪﻱ ﺍﻥ ﺷﺎﺀ ﺍﻟﻠﻪ ﻣﺎ ﺑﻴﺞ ﺷﺊ
ﺭﺿﻴﻪ ﺑﻘﻬﺮ .... ﻳﻤﻪ ﻓﻠﺸﺖ ﺭﺍﺱ ﺍﻟﺒﻨﻴﻪ ﻫﻴﺞ ﻛﺎﻟﻮﻫﺎ ﺗﺮﺉ ﻭﺍﻟﻠﻪ ﺧﻄﻴﻪ ﺑﻬﺬﻟﺘﻮﻫﺎ ...
ﻫﻮ ﺗﺠﺎﻫﻞ ﻛﻼﻣﻬﺎ ﻭﺷﺎﻟﻨﻲ ﺑﻴﻦ ﺍﺩﻳﻪ ﻭﻣﺸﻪ ﺑﻴﻪ ﺧﻄﻮﺍﺕ ﺍﻟﻐﺮﻓﺘﻲ . ﻓﺘﺤﺖ ﻋﻴﻮﻧﻲ ﺑﻐﻮﺍﺵ ﺷﻔﺖ ﻧﻈﺮﺍﺕ ﻫﺎﻟﻪ ﺣﺰﻳﻨﻪ ﺣﻴﻴﻞ ﻭﻋﺒﺎﻟﻚ ﺗﺮﻳﺪ ﺗﺒﺠﻲ ...
ﺗﺒﺎﻭﻋﻠﻲ ﺑﺤﺰﻥ ﻭﺣﻘﺪ ﻭﻛﻮﻩ ﻛﺎﺗﻤﻪ ﻋﺒﺮﺗﻬﺎ ﺭﻏﻢ ﺍﻧﻲ ﻭﻳﺎﻫﺎ ﻣﻮ ﻋﻠﺊ ﺻﻠﺢ ﺑﺲ ﺍﻧﻘﻬﺮﺕ ﻋﻠﻴﻬﺎ ﺣﻴﻴﻞ ..
ﺩﺧﻠﻨﻲ ﻟﻠﻐﺮﻓﻪ ﺧﻼﻧﻲ ﻋﻠﺊ ﺍﻟﺠﺮﺑﺎﻳﻪ ﻭﻫﻮ ﻳﻔﺢ ﻣﻦ ﺍﻟﻌﺼﺒﻴﺔ ﻟﺰﻣﺖ ﺭﺍﺳﻲ ﻭﺍﻧﻲ ﺍﺑﺠﻲ ...
ﺻﺎﺡ ﺑﺼﻮﺕ ﻋﺎﻟﻲ ﻓﺰﺯ ﺍﻻﻃﻔﺎﻝ .... ﺍﺷﻮﻭﻭﺍﺍﻕ
ﺍﺟﺖ ﺍﺷﻮﺍﻕ ﺗﺮﻛﺾ ﻛﺎﻟﺖ ... ﻫﺎﺍﺍ ﺧﻮﻭﻭﻳﻪ ﺭﺍﻳﺪ ﺷﺊ
ﺟﺮ ﻧﻔﺲ ... ﺑﺎﻟﻠﻪ ﺷﻮﻓﻴﻠﻨﻪ ﻣﺎﻛﻮ ﻟﺼﻘﻪ ﻣﺎﻝ ﺟﺮﻭﺡ ﻛﻄﻦ ﺩﻳﺘﻮﻝ
ﺧﻄﻴﻪ ﺭﺍﺣﺖ ﺍﺷﻮﺍﻕ ﺗﺮﻛﺾ ﻭﺍﻧﻲ ﻻﺯﻣﻪ ﺭﺍﺳﻲ ﻭﻣﺨﻠﻴﻪ ﺍﻟﺸﺎﻝ ﻋﻠﺊ ﺍﻟﺠﺮﺡ ﻭﺍﺑﺠﻲ ...
ﻫﻮ ﺩﺍﺭ ﻭﺟﻬﻪ ﻋﻠﻴﻪ ﻛﺎﻝ ﺑﻠﻮﻡ ... ﺍﻧﺘﻲ ﻛﻢ ﻣﺮﻩ ﻛﺘﻠﺞ ﻣﻦ ﺗﺸﻮﻓﻴﻨﻲ ﻋﺼﺒﻲ ﻻ ﺗﺘﻘﺮﺑﻴﻦ ﻣﻨﻲ ﻫﺴﻪ ﺣﺼﻠﺘﻠﺞ ﺿﺮﺑﻪ ﻭﺍﻧﺘﻲ ﻻ ﺑﻴﻬﺎ ﻭﻻ ﻋﻠﻴﻬﺎ ...
