قصص عراقية:
ﺍﻟﺒﺎﺭﺕ 37
ﺭﻭﺍﻳﺔ ... ﺟﻮﻟﻴﻴﺖ ﻭﺍﺳﺮﻫﺎ ... ﻏﻴﺎﻫﺐ ﺍﻹﻧﺘﻘﺎﻡ
ﺑﻘﻠﻤﻲ ... ﻧﻮﺭ ﺳﻤﻮ ﺍﻟﻌﺮﺍﻕ ...
💔💔💔💔💔💔💔💔💔💔
ﺍﺭﻳﺪﻥ ﻫﻴﺞ ﺣﺎﺭ ﻭﻳﺎﻱ ﻣﻠﻜَﺎﻙ ...
ﻣﺜﻞ ﻣﻠﻜَﻪ ﺟﻬﻨﻢ ﻟﻠﻴﻜﻔﺮﻭﻥ
..............................................
ﺭﻳﻬﺎﻡ ...
ﺍﻛﻮ ﺷﺨﺺ ﺗﺤﺘﺮﻣﻪ ﻷﻥ ﻫﻮ ﻣﺤﺘﺮﻡ ﻭﺍﻛﻮ ﺷﺨﺺ ﺗﺤﺘﺮﻣﻪ ﻷﻥ ﺍﻧﺖ ﻣﺤﺘﺮﻡ ..
ﻭﺍﻟﻠﻪ ﺑﺎﻟﻨﺴﺒﻪ ﺍﻟﻴﻪ ﻣﺤﺘﺮﻣﻪ ﺍﻟﻜﻞ ﺍﻥ ﻛﺎﻥ ﻣﺤﺘﺮﻡ ﺍﻭ ﻻ ﺑﺲ ﻧﻮﺍﻝ ﻃﻐﺖ ﻭﺗﻔﺮﻋﻨﺖ ﻭﻫﻤﺎﺗﻴﻦ ﻣﺎ ﺭﺩﺕ ﺍﻓﻀﺤﻬﺎ
ﺑﺲ ﺍﻧﻲ ﺧﺠﻮﻟﻪ ﻛﺪﺍﻡ ﻭﻟﺪ ﻋﻤﻲ ﻭﺧﺎﺻﻪ ﺟﺎﺳﺮ ﻻﻥ ﻫﻮ ﺍﻟﻜﺒﻴﺮ ﻭﺍﻻﻣﺮ ﺍﻟﻨﺎﻫﻲ ﺑﺎﻟﺒﻴﺖ
ﺍﻧﻲ ﺷﻔﺘﻬﺎ ﺗﺘﻠﻔﺖ ﺍﻭﻝ ﻣﺎ ﺩﺧﻠﺖ ﺍﻟﻤﻄﺒﺦ ﺷﻔﺘﻬﺎ ﺩﺍﺭﺕ ﺍﻟﻤﻠﺢ ﻛﻮﻟﻪ ﺑﺨﺒﺚ ﻋﻠﺊ ﺍﻟﺸﻮﺭﺑﻪ ...
ﻣﺤﺠﻴﺖ ﺍﻧﻲ ﻣﺎ ﺭﺩﺕ ﺍﺳﻮﻱ ﻣﺸﻜﻠﻪ ﻛﻠﺖ ﺑﻠﻜﻲ ﺟﻮﻟﻲ ﺗﺤﻠﻬﺎ ﻫﻲ،ﻭﺯﻭﺟﻬﺎ ﺑﺲ ﺗﻔﺎﺟﺌﺖ ﻣﻦ ﺍﺳﺘﺪﻋﺎﻧﻲ ﺍﺑﻮ ﻏﺰﻝ ﻭﻃﻠﺐ ﻣﻨﻲ ﺍﻋﺘﺮﻑ ...
ﺍﻧﻲ ﺃﺣﻤﺪ ﺍﻟﻠﻪ ﻭﺍﺷﻜﺮﻩ ﻋﻠﺊ ﺻﻼﺡ ﻣﺎ ﻓﺪﻳﻮﻡ ﺧﺸﻦ ﺧﺎﻃﺮﻱ ﻭﻻ ﻫﻀﻤﻨﻲ ... ﻭﺍﻟﺤﻤﺪ ﻟﻠﻪ ﺍﻧﻲ ﻛﻮﻭﻟﺶ،ﻣﺤﺘﺮﻣﻪ ﻭﻳﺎﻩ ..
ﺟﻌﻔﺮ ﻣﺎ ﻗﺼﺮ ﻟﺰﻡ ﻧﻮﺍﻝ ﺳﻜﻄﻬﺎ ﺗﺴﻜﻂ ﻭﻫﻲ ﻣﺎ ﺷﺎﺀ ﺍﻟﻠﻪ ﻟﺴﺎﻧﻬﺎ ﻣﺤﺪ ﻳﻠﺤﻚ ﻋﻠﻴﻪ ﺗﻐﻠﻂ ﻭﺗﻔﺸﺮ ﻋﻠﺊ ﺟﻌﻔﺮ
ﻭﻣﻦ ﻃﺮﺩﻫﺎ ﺍﻧﻬﺰﻣﺖ ﺍﻟﻐﺮﻓﺘﻬﺎ ﻭﻣﺪﺕ ﺭﺍﺳﻬﺎ ﻣﻦ ﺍﻟﺸﺒﺎﻙ ﻭﻫﻲ ﺗﺼﻴﺢ ﺑﺴﻴﻄﻪ ﺍﺑﻮ ﺍﻟﻌﺮﻙ ﺍﺑﻮ ﺍﻟﻨﺴﻮﺍﻥ ﺍﻟﻪ ﺍﻧﺪﻣﻚ
ﻋﺎﺩ ﻫﻮ ﺷﻤﺮ ﺣﺬﺍﺋﻪ ﻋﻠﻴﻬﺎ ﺍﺟﺖ ﺑﺎﻟﺤﺪﻳﺪ ﻣﺎﻟﺖ ﺍﻟﺸﺒﺎﻙ ﺳﺪﺕ ﺍﻟﺸﺒﺎﻙ ﻭﺭﺟﻌﺖ ﻓﺘﺤﺘﻪ
ﺑﺎﻭﻋﺘﻠﻲ ﻛﺎﻟﺖ ... ﺍﻟﻠﻪ ﻳﻨﺘﻘﻢ ﻣﻨﺞ ﻳﺎ ﻋﻴﺎﺭﻩ ﺍﻥ ﺷﺎﺀ ﺍﻟﻠﻪ ﺑﻨﺎﺭ ﺟﻬﻨﻢ ﺣﺮﻛﺘﻲ ﻛﻠﺒﻲ ﺍﻟﻠﻪ ﻳﺤﺮﻙ ﻛﻠﺒﺞ ﻣﺴﻮﻳﻪ ﺭﻭﺣﻬﺎ ﻣﺘﺪﻳﻨﻪ ﺍﻣﺪﺍﺝ ﺍﻣﺪﻩ ﺍﻟﻌﻠﻤﺞ ﺍﻟﺪﻳﻦ
ﺟﻌﻔﺮ ﻋﺾ ﺍﻳﺪﻩ ﺑﻘﻬﺮ ﻛﻠﻬﺎ .. ﻛﻮﻥ ﺍﻟﻘﻨﺪﺭﻩ ﺟﺎﻳﻪ ﻋﻠﺊ ﺣﻠﻜﺞ ﻭﺍﻟﻠﻪ ﺍﻟﻪ ﺍﻃﻠﻊ ﺍﻟﻔﻠﺮ ﻣﻦ ﺍﺫﺍﻧﺞ
ﺩﺧﻞ ﺻﻼﺡ ﺷﺎﻑ ﺍﻟﺒﻴﺖ ﺧﺒﺼﻪ ﻭﺟﺎﺳﺮ ﺭﺍﺡ ﺍﻟﻐﺮﻓﺘﻪ ﻛﻮﻥ ﺻﺎﺣﻲ ﺍﻟﻪ ﺳﺤﻠﻬﺎ ﻭﺷﻤﺮﻫﺎ ﺑﺎﻟﺸﺎﺭﻉ
ﺻﻼﺡ ﺑﻌﺼﺒﻴﺔ . ﺷﻜﻮﻭﻭ ﺍﻧﺖ ﻣﺎ ﺗﻤﻞ ﻧﻬﺎﺭ ﻛﻠﻪ ﺗﺘﻌﺎﺭﻙ ﻭﻳﻪ ﻣﺮﺗﻚ
ﺟﻌﻔﺮ ﺑﺘﻔﺎﺟﺊ ... ﻣﻨﻮﻭﻭ ﻣﺮﺗﻲ ﻭﺟﻬﻪ ﺍﻟﻄﺎﻭﻩ ؟ّّّ .. ﻏﻢ ﺭﻭﺣﻪ . ﺍﻣﺪﺍﻧﻲ ﺍﺫﺍ ﺍﻋﺘﺮﻓﺖ ﺑﻨﻮﻳﻠﻪ ﻣﺮﺗﻲ
ﺧﺎﻟﺘﻲ ﻛﻠﺘﻠﻪ ﺑﻘﻬﺮ . . ﻫﺴﻪ ﺷﺒﻴﻚ ﻭﻳﺎﻫﺎ ﻫﺴﻪ ﻫﻲ ﻣﻮ ﺗﺤﻠﻒ ﺩﻛﻮﻝ ﻣﺎ ﻣﺨﻠﻴﻪ ﻣﻠﺢ ﺍﻧﺖ ﻟﻴﺶ ﺗﻀﺮﺑﻬﺎ ﺣﺮﺍﻡ ﻋﻠﻴﻚ ﻛﻠﺸﻲ ﻭﺫﺑﻴﺘﻮﺍ ﺑﺮﺍﺳﻬﺎ ﻳﺠﻮﺯ ﺫﻳﺞ ﻣﺨﻠﻴﻪ ﻣﻠﺢ ﻫﻮﺍﻱ ﺍﻧﺘﻢ ﻣﻮ ﻛﻞ ﻣﺼﻴﺒﻪ ﺧﻠﻴﺘﻮﻫﺎ ﺑﺮﺍﺳﻬﺎ ﻭﺗﻜﻀﻬﺎ ﺗﻜﻄﻌﻬﺎ ﺗﻜﻄﻊ
ﺣﻂ ﺍﻳﺪﻩ ﺑﺎﺳﺘﻨﻜﺎﺭ ﻛﺪﺍﻡ ﻭﺟﻬﻪ ﺍﻣﻪ . ﺭﺟﺎﺀﺍ ﻳﻤﻪ ﻻ ﺍﺩﺍﻓﻌﻴﻦ ﻟﻨﻮﻳﻠﻪ ﺍﻧﻲ ﻭﻣﺮﺗﻲ ﻣﺎ ﺍﺣﺐ ﻭﺍﺣﺪ ﻳﺘﺪﺧﻞ ﺑﻴﻨﻪ ﺍﺣﺘﺮﻣﻮﺍ ﺧﺼﻮﺻﻴﺘﻨﺎ
ﻫﻲ ﻋﺎﻃﺖ ﻣﻦ ﺍﻟﺸﺒﺎﻙ ... ﺧﺼﻮﺻﻴﺘﻚ ﻭﻟﻚ ﺍﺑﻮ ﺍﻟﻌﺮﻙ ﺗﺬﻛﺮﻧﻲ ﺑﺲ ﺑﺎﻟﻜﺘﻞ ﺍﻥ ﺷﺎﺀ ﺍﻟﻠﻪ ﺍﻟﻠﻪ ﻳﻨﺘﻘﻢ ﻣﻨﻚ ﻭﺗﻠﺤﻚ ﺍﺧﻮﻭﻭﻙ ﺑﺤﻖ ﺍﻟﺤﺴﻴﻦ ﺍﻟﺸﻬﻴﺪ
ﻋﺎﺩ ﻫﻮ ﻫﺠﻢ ﻋﻠﻴﻬﺎ ﻭﻟﺰﻣﺘﻪ ﺍﻣﻪ ﻭﺻﻼﺡ
ﻫﻲ ﺻﺎﺣﺖ ﺑﺼﻮﺕ ﻋﺎﻟﻲ ﻭﺗﺼﺮﺥ ﻭﺗﺒﺠﻲ . ﺧﻮﻳﻪ ﺻﻼﺡ ﻛﻠﻪ ﻣﻦ ﻭﺭﻩ ﻣﺮﺗﻚ ﻣﺼﺎﺣﺒﻪ ﺫﻳﺞ ﺍﺧﺖ ﺍﻟﻤﺠﺮﻡ ﻭﺍﺗﻔﻘﺖ ﻋﻠﻴﻪ ﻫﻲ ﻭﻳﺎﻫﺎ ﻭﺷﻬﺪﺕ ﺿﺪﻱ ﺗﻘﺒﻠﻬﺎ ...
ﺧﺎﻟﺘﻲ ﻋﺎﻃﺖ ﺑﻴﻬﺎ .. ﻛﺎﻓﻲ ﻭﻟﺞ ﺍﻟﻠﻪ ﻳﺼﺨﻢ ﻭﺟﻬﺞ ﺷﻠﻮﻥ ﺗﺪﻋﻴﻦ ﻋﻠﺊ ﺟﻌﻔﺮ
ﺭﺩﺕ ﺑﻐﻀﺐ . ﻛﻮﻥ ﺍﻟﻠﻪ ﻣﺎﺧﺬﻩ ﻭﻣﺨﻠﻲ ﻓﻼﺡ
ﺟﻌﻔﺮ ﺑﺘﺬﻣﺮ ... ﻻ ﻭﺍﻟﻠﻪ ﻛﻮﻥ ﺍﻟﻠﻪ ﻣﺎﺧﺬﺝ ﺍﻧﺘﻲ،ﻭﻣﺰﻭﺟﻴﻦ ﻓﻼﺡ ﻫﻢ ﺧﻠﺼﺎﻧﻴﻦ ﻣﻨﺞ ﻭﻫﻢ ﻓﺮﺣﺎﻧﻴﻦ ﺑﻌﺮﺱ ﺍﺧﻮﻧﻪ
ﻫﻮ ﺍﻧﺘﻲ ﻟﻮ ﺑﻴﺞ ﺧﻴﺮ ﻣﺎ ﻋﺎﻓﺞ ﺍﻟﻄﻴﺮ ﻭﺻﺪﻙ ﻟﻮ ﻛﺎﻟﻮ ﺍﻻﻏﻢ ﻣﺎ ﻳﻤﻮﺕ
ﻧﻮﺍﻝ . ﺍﻱ ﻣﺎ ﺗﺸﻮﻑ ﺭﻭﺣﻚ ﻣﺎ ﻣﺘﺖ
ﺟﻌﻔﺮ . ﺍﻧﻲ ﺿﺎﻝ ﺣﺘﺊ ﺍﻛﺴﺮ ﺭﺍﺳﺞ ﻣﻦ ﺗﺮﻭﺣﻴﻦ ﻓﺪﻭﻩ ﻟﻮﺟﻬﻪ ﺍﻟﻄﺎﻭﻩ ...
ﺻﻼﺡ ﺿﻞ ﻳﺼﻴﺢ ﻭﻃﺮﺩ ﺟﻌﻔﺮ ﺍﻟﻐﺮﻓﺘﻪ ﻭﻋﺎﻁ ﺑﻴﻬﺎ ﺳﺪﺕ ﺍﻟﺸﺒﺎﻙ ﻭﺭﺍﺣﺖ ﺍﻧﻮﺏ ﺍﺷﻮ ﻫﺬﺍ ﺿﻞ ﻳﺤﺠﻲ ﻋﻠﻴﻪ ﻭﻳﺮﺯﻝ ﺑﻴﻪ
ﺻﺪﻙ ﺍﻧﻘﻬﺮﺕ ﻭﺧﻠﻴﺖ ﻭﺭﺣﺖ ﺍﻟﻔﺮﻓﺘﻲ ﻭﺍﻟﻨﺎﺭ ﺗﺴﻌﺮ ﺑﺼﺪﺭﻱ ﺍﺧﺮ ﺷﺊ ﺟﻨﺖ ﺃﺗﻮﻗﻌﻪ ﺻﻼﺡ ﻳﺮﺯﻟﻨﻲ ﻛﺪﺍﻡ ﺍﻟﻜﻞ .
ﺩﺧﻠﺖ ﺑﺴﺮﻋﻪ ﻟﻠﺤﻤﺎﻡ ﺍﺭﻳﺪ ﺍﻃﻔﻲ ﺍﻟﻨﺎﺭ ﺍﻟﺒﻴﻪ ﻣﻜﺪﺭﺕ ﻛﺘﻤﺖ ﻋﺒﺮﺗﻲ ﻭﻏﺴﻠﺖ ﻭﺟﻬﻲ ﺍﻛﺜﺮ ﻣﻦ ﻣﺮﻩ .
ﺗﻮﺿﻴﺖ ﺑﺴﺮﻋﻪ ﻭﻃﻠﻌﺖ ﻓﺮﺷﺖ ﺍﻟﺴﺠﺎﺩﺓ ﻛﻠﺖ ﺧﻠﻲ ﺍﺻﻠﻲ ﺭﻛﻌﺘﻴﻦ ﺑﻠﻜﻲ ﺍﻫﺪﺉ ﺷﻮﻳﻪ
ﻣﺎ ﻣﺘﻌﻠﻤﻪ ﺍﺣﺪ ﻳﺮﺯﻟﻨﻲ ﻛﻮﻭﻟﺶ ﺍﻧﻬﻀﻤﺖ .
ﺣﺴﻴﺖ ﺑﻲ،ﺩﺧﻞ ﻟﻠﻐﺮﻓﻪ ﺿﻠﻴﺖ ﺍﺻﻠﻲ ﺑﺲ،ﺍﺣﺲ ﺑﺮﻳﺤﺔ ﺍﻟﺪﺧﺎﻥ ﺗﺪﺍﻋﺐ ﺑﺨﺸﻤﻲ ﺍﺧﺘﻨﻜﺖ ﻛﻤﻠﺖ ﺻﻼﻩ ﻭﺩﺭﺕ ﻭﺟﻬﻲ ﻋﻠﻴﻪ ﺷﻔﺘﻪ ﻣﺘﻤﺪﺩ ﻋﻠﺊ ﺍﻟﺠﺮﺑﺎﻳﻪ ﻭﻳﺪﺧﻦ ...
ﺗﻨﻬﺪﺕ ﺑﻀﻴﻖ ﻭﻟﻔﻴﺖ ﺍﻟﺴﺠﺎﺩﻩ ﺓﺍﻟﻌﺒﺎﻳﻪ ﺩﺍ ﺍﺿﻤﻬﻦ ﻫﻮ ﺿﻞ ﻳﺒﺎﻭﻋﻠﻲ ﻭﻣﻼﻣﺢ ﺍﻟﺠﻤﻮﺩ ﻣﺴﺘﻮﻃﻨﻪ ﻭﺟﻬﻪ
ﻫﻤﺴﺖ ﺑﺼﻌﻮﺑﻪ . ﺻﻼﺡ ﺍﻧﻲ ﺍﺳﻔﻪ ﻣﻮ ﻗﺼﺪﻱ ﺍﺿﻮﺟﻚ ﻭﻻ ﺍﺣﺐ ﺍﺗﺪﺧﻞ ﻭﺍﺗﻄﻔﻞ ﺑﺲ ﻭﺍﻟﻠﻪ ﺟﺎﺳﺮ ﺟﺒﺮﻧﻲ
ﻋﺪﻟﺖ ﻛﺎﻋﺪﺗﻪ ﻭﺑﺎﻭﻋﻠﻲ ﻭﻫﻮ ﻋﺎﻗﺪ ﺣﻮﺍﺟﺒﻪ ﻛﺎﻝ . ﺍﻧﻲ ﻣﻦ ﺍﻭﻝ ﻟﻴﻠﺔ ﺑﻴﻨﻪ ﻭﺻﻴﺘﺞ ﻟﻮ ﺗﺤﺘﺮﻙ ﺍﻻﻣﻪ ﺑﻬﺬﺍ ﺍﻟﺒﻴﺖ ﻻ ﺗﺘﺪﺧﻠﻴﻦ ﻭﺍﻧﺘﻲ ﺍﻧﺴﺎﻧﻪ ﻣﺘﺪﻳﻨﻪ ﻣﺎ ﺗﻮﻗﻌﺘﺞ ﺗﻔﺘﻨﻴﻦ ﺑﻬﻴﺞ ﻣﻮﻗﻒ ...
ﺣﺴﻴﺖ ﺭﻣﺎﻧﻲ ﺑﺴﻬﻢ ﻣﻮ ﺣﺠﻪ ﻭﻳﺎﻳﻪ ﺍﻧﻲ ﺻﺎﻳﺮﻩ ﻛﻮﻟﺶ ﺣﺴﺎﺳﻪ ﻣﻦ ﺍﻟﺤﻤﻞ ﻣﺎ ﺍﻋﺮﻑ ﺷﻨﻮ
ﺗﻌﺼﺒﺖ ﺑﺴﺮﻋﻪ ﻛﺘﻠﻪ ﺑﺼﺪﻣﻪ . ﻫﻴﺞ ﺿﻨﻚ ﺑﻴﻪ ﻋﻨﺪﻙ ﺍﻧﻲ ﻣﻨﺎﻓﻘﻪ ﻭﻓﺘﺎﻧﻪ ﺩﺍ ﺍﻛﻮﻟﻚ ﻣﺠﺮﺩ ﺷﻬﺪﺕ ﺑﺎﻟﺤﻖ ﻭﺍﻟﺴﺎﻛﺖ ﻋﻦ ﺍﻟﺤﻖ ﺷﻴﻄﺎﻥ ﺍﺧﺮﺱ
ﺭﺩ ﺑﻌﺪﻡ ﺍﻫﺘﻤﺎﻡ ... ﺩﻳﻠﻪ ﻛﺎﺍﺍﻓﻲ
ﺭﺟﻔﺖ ﺷﻔﺎﻳﻔﻲ ﺑﻘﻬﺮ ﻭﺍﻟﺪﻣﻌﻪ ﺗﻠﺌﻠﺌﺖ ﺑﻌﻴﻨﻲ ﺧﻠﻴﺖ ﻭﺭﺣﺖ ﺩﺧﻠﺖ ﻟﻠﺤﻤﺎﻡ ﺍﺭﻳﺪ ﺍﺳﻴﻄﺮ ﻋﻠﺊ ﺩﻣﻮﻋﻲ ﻣﺎ ﺍﻛﺪﺭ ...
ﻫﻮ ﺩﻙ ﺍﻟﺒﺎﺏ ﻛﺎﻝ ... ﺭﻫﻮﻣﻪ ﺣﺒﻴﺒﺘﻲ ﺍﻃﻠﻌﻲ ﻣﺎ ﻗﺼﺪﻱ ﺍﺟﺮﺣﺞ ﻭﺍﻟﻠﻪ ﺑﺲ ﻫﺎﻱ ﻧﻮﺍﻝ ﺗﺪﻋﻲ ﻭﺗﺤﻂ ﻧﻔﺴﻬﺎ ﻣﺎ ﺍﺭﻳﺪﻫﺎ ﺗﺎﺫﻳﺞ ﻭﺍﻟﻠﻪ ﺧﺎﻳﻒ ﻋﻠﻴﺞ ﻻ ﺍﻛﺜﺮ ﻭﻻ ﺍﻗﻞ
ﺑﻠﻌﺖ ﺭﻳﻜﻲ ﻭﺭﺩﻳﺖ ﺑﺨﻔﻮﺕ ... ﻣﺎﺑﻴﻪ ﺷﺊ ﺻﻼﺡ ﻫﺴﻪ ﺍﺳﺒﺢ ﻭﺍﻃﻠﻊ
ﻫﻮ ﺿﻞ ﻳﺤﺠﻲ ﻭﻳﺎﻳﻪ ﻭﺍﻧﻲ ﻃﻤﻨﺘﻪ ﺿﻠﻴﺖ ﻛﺎﻋﺪﻩ ﺷﻮﻳﻪ ﺑﺎﻟﺤﻤﺎﻡ ﺣﺴﻴﺖ ﻣﻼﺑﺴﻲ ﺗﺪﻣﺮﺕ ﺩﻡ
ﺭﻓﻌﺖ ﺛﻮﺑﻲ ﺷﻔﺖ ﺍﻟﺪﻡ ﻣﺄﺧﺬ ﻣﺴﺎﺭ ﻋﻠﺊ ﺭﺟﻠﻲ ﺍﻧﺮﻋﺒﺖ ﺑﺨﻮﻭﻑ ﻭﻗﻬﺮ
ﻭﻃﻠﻌﺖ ﺍﺭﻛﺾ ﻭﻣﻠﻬﻮﻓﻪ ﻟﻜﻴﺘﻪ ﻣﺎﻛﻮﻭ ﻃﻠﻌﺖ ﺑﺮﻩ ﺷﻔﺖ ﺟﻮﻟﻲ ﺩﺗﻨﻀﻒ ﺑﺎﻟﻤﻄﺒﺦ ﺗﻘﺮﺑﺖ ﻣﻨﻬﺎ ﻭﺍﻧﻲ ﻻﺯﻣﻪ ﺑﻄﻨﻲ ﻭﻣﻨﻬﺎﺭﻩ ﺑﺎﻟﺒﺠﻲ ... ﺟﻮﻟﻲ ﺩﺍ ﺍﻧﺰﻑ
