قصص عراقية:
ﺍﻟﺒﺎﺭﺕ ﺍﻟﺜﺎﻧﻲ ﺟﺰﺀ 2
ﺭﻭﺍﻳﺔ ... ﺟﻮﻟﻴﻴﺖ ﻭﺍﺳﺮﻫﺎ ... ﻏﻴﺎﻫﺐ ﺍﻹﻧﺘﻘﺎﻡ
ﺑﻘﻠﻤﻲ .. ﻧﻮﺭ ﺳﻤﻮ ﺍﻟﻌﺮﺍﻕ
💔💔💔💔💔💔💔💔💔💔
ﻩ
ﻡ ﺍﻟﺬﻳﻦ ﻳﺤﺘﺮﻗﻮﻥ ﺑﻨﻴﺮﺍﻥ ﺍﻟﻌﻼﺝ ﺗﺎﺭﺓً ﻭﻳﺘﺒﺮﺩﻭﻥ ﺑﺎﻟﻤﺤﺒﺔ ﻭﺍﻷﻣﻞ ﻃﻮﺭﺍً ..
ﻫﻢ ﺍﻟﺬﻳﻦ ﻳﺘﺴﺎﻗﻂ ﺍﻟﺸﻌﺮ ﻋﻦ ﺭﺅﻭﺳﻬﻢ ﻓﺘﺸﺮﻕ ﻭﺟﻮﻫﻬﻢ ﻭﺗﻬﻞ ﺻﺒﺮﺍً ﻭﺇﻳﻤﺎﻧﺎً ..
ﻫﻢ ﺍﻟﺬﻳﻦ ﺗﺆﻟﻤﻬﻢ ﻋﻈﺎﻣﻬﻢ ﺇﻻ ﺇﻧﻬﻢ ﻳﺒﻘﻮﻥ ﻟﻨﺎ ﺍﻟﺴﻨﺪ ﻭﺍﻟﻘﻮﺓ .
ﺍﻟﺮﺣﻤﻪ ﻟﻤﻮﺗﺊ ﺍﻟﺴﺮﻃﺎﻥ 😥💔
...........................
ﺍﻟﺴﺮﻃﺎﻥ ﺍﺣﺴﻪ ﻣﺮﺽ ﺳﻤﻌﺘﻪ ﻣﻮ ﺣﻠﻮﻩ ﻭﺭﺣﻠﺘﻪ ﻭﻳﻪ ﺍﻟﻌﻼﺝ ﻃﻮﻭﻭﻳﻠﻪ ﺑﺤﻴﺚ ﻳﺎ ﺍﻣﺎ ﺗﻜﻮﻥ ﺑﻘﺪﺭﺓ ﻗﺎﺩﺭ ﺍﻻﻧﺴﺎﻥ ﻳﻄﻴﺐ ﻳﺎ ﺍﻣﺎ ﺗﺼﻔﺮ ﺍﻭﺭﺍﻗﻪ ﻭﺗﻮﻛﻊ ﻭﺣﺪﻩ ﻭﺭﻩ ﺍﻟﺦ ...
ﻭﻣﺮﺍﺕ ﺍﻟﻤﻮﻗﻒ ﻳﺨﻠﻴﻨﻪ ﺧﺮﺳﺎﻥ ﻭﺣﺘﺊ ﺣﻮﺍﺳﻨﺎ ﺗﻨﻠﺠﻢ ﻭﻣﺎ ﻧﻌﺮﻑ ﻧﻌﺒﺮ ﻋﻦ ﺷﺊ ﺍﺻﻌﺐ ﻣﺮﺽ ﻫﻮ ﻣﺮﺽ ﺍﻟﺴﺮﻃﺎﻥ ﺑﺤﻴﺚ ﻣﺮﺍﺕ ﺍﻟﻮﺍﺣﺪ ﺣﺘﺊ ﻳﺨﺎﻑ ﻳﻨﻄﻖ ﻫﻞ ﻣﺮﺽ ﻳﺨﺎﻑ ﻻ ﻳﺤﺘﻞ ﺟﺴﻤﻪ
ﺑﺲ ﻳﻀﻞ ﻣﺮﻳﺾ ﺍﻟﺴﺮﻃﺎﻥ ﻣﺠﺎﻫﺪ ﻭﻣﺜﺎﺑﺮ ﻭﻗﻮﻭﻭﻱ ﻻﻥ ﻭﺍﺟﻬﻪ ﻫﻴﺞ ﺍﻓﻪ ﻓﺘﺎﻛﻪ ﺑﺎﻟﺒﺸﺮ ﻳﺎﺭﻳﺖ ﻳﻜﻮﻥ ﻣﺮﻳﺾ ﺍﻟﺴﺮﻃﺎﻥ ﺷﻬﻴﺪ ﻋﻨﺪ ﺍﻟﻠﻪ ﻻﻥ ﻓﻌﻼ ﺍﻟﻮﺟﻊ ﺍﻭﺻﻔﻪ ﻣﺜﻞ ﺟﻨﺪﻱ ﺷﺠﺎﻉ ﻭﺟﺮﻭﺣﻪ ﺗﻌﻔﻨﺖ ﻣﻦ ﻫﺠﻤﺔ ﻋﺪﻭﻭ ﻣﺜﻞ ﻫﺸﻢ ﺑﺎﻗﻲ ﺍﺟﺰﺍﺋﻪ ....
ﺩﺍ ﺍﻏﺺ ﺑﺎﻟﻜﻼﻡ ﺣﻴﻴﻞ ﻻﻥ ﺍﻟﻜﻴﻤﻴﺎﻭﻱ ﻭﻛﻊ ﺷﻌﺮﻱ ﻭﻏﻴﺮ ﻟﻮﻥ ﺟﻠﺪﻱ ﻟﻼﺻﻔﺮ ﻭﺍﻟﺤﻴﺎﺓ ﺟﺎﻧﺖ ﺑﻌﻴﻨﻲ ﻭﺭﺩﻳﻪ ﺻﺎﺭﺕ ﺻﻔﺮﻩ ﻣﺜﻞ ﺍﻟﻤﻮﺕ ...
ﺭﺟﻔﺖ ﺑﺨﻮﻑ ﺑﻜﺎﺀ ﻭﺍﻧﻲ ﺍﺗﻤﺴﻚ ﺑﺼﻼﺡ ... ﻳﻌﻨﻲ ﺍﻧﻲ ﺑﻴﻪ ﺳﺮﻃﺎﻥ
ﻧﺰﻝ ﻋﻴﻮﻧﻪ ﺑﺤﺰﻥ ﻭﺩﻣﻌﺖ ﻋﻴﻮﻧﻪ ﻟﻌﻴﻮﻧﻲ ﻭﺭﺩ ﺑﺤﻴﺮﻩ ... ﺣﺒﻴﺒﺘﻲ ﻣﻴﺨﺎﻟﻒ ﺍﻧﺘﻲ ﻣﺆﻣﻨﻪ ﺑﻘﻀﺎﺀ ﺍﻟﻠﻪ ﻭﻗﺪﺭﻩ ﻭﺍﻛﻴﺪ ﺭﺍﺡ ﺗﻮﺍﺟﻬﻴﻨﻪ ﻭﻣﺘﺨﻠﻴﻨﻪ ﻳﺴﺘﻔﺤﻞ ﻋﻠﻴﺞ
ﺍﺑﺘﻌﺪﺕ ﻋﻨﻪ ﻭﺍﻧﻲ ﺍﺟﺮ ﺛﻴﺎﺏ ﺍﻟﻘﻬﺮ ﻭﺍﻟﺤﺰﻥ ﻛﻌﺪﺕ ﻋﻠﺊ ﺍﻟﺴﺮﻳﺮ ﻭﺑﺠﻴﺖ ﺑﻬﺪﻭﺀ ... ﺷﺪﻛﻮﻝ ﺻﻼﺡ ﺷﺤﺎﺭﺏ ﻫﺬﺍ ﻭﺣﺶ ﻓﺘﺎﻙ ﻫﺬﺍ ﻣﺮﺽ ﺧﺒﻴﻴﺚ ﺗﻌﺮﻑ ﺷﻨﻮ ﺧﺒﻴﻴﺚ
ﺟﻨﺖ ﻣﻦ ﺯﻣﺎﻥ ﻣﺎ ﺍﺣﺐ ﺍﺳﻤﻊ ﻛﻠﻤﺔ ﻣﺮﺽ ﺧﺒﻴﺚ ﺍﻭ ﺳﺮﻃﺎﻥ ﺩﺍﺋﻤﺎ ﺍﻃﺮﺩﻩ ﻣﻦ ﻋﻘﻠﻲ ﻭﺗﺎﻟﻴﻬﺎ ﻳﺴﺘﻮﻃﻦ ﺟﺴﻤﻲ
ﺣﻂ ﺍﻳﺪﻩ ﻋﻠﺊ ﻛﺘﻔﻲ،ﻭﺍﺣﺘﻀﻨﻲ ... ﺍﻟﻤﺆﻣﻦ ﻣﺒﺘﻠﺊ ﻭﻫﺬﺍ ﺃﻣﺮ ﺭﺑﺞ
ﺑﺎﻭﻋﺘﻠﻪ ﺑﺒﺘﺴﺎﻣﻪ ﻣﻘﺘﻮﻟﻪ .. ﻭﻧﻌﻢ ﺑﺎﻟﻠﻪ ﺍﻟﺤﻤﺪ ﻟﻠﻪ ﻋﻠﻰ ﻛﻞ ﺣﺎﻝ ﺍﻧﻲ ﺭﺍﺿﻴﻪ ﺑﻘﻀﺎﺀ ﺍﻟﻠﻪ ﻭﻗﺪﺭﻩ ...
ﺑﺎﺳﻨﻲ،ﺑﺮﺍﺳﻲ ﻭﺭﺟﻊ ﺿﻤﺎﻧﻲ ﺍﻟﺼﺪﺭﻩ ﻭﺍﻧﻲ ﺗﺮﺳﺖ ﻗﻤﻴﺼﻪ ﺩﻣﻮﻭﻉ ﻣﻘﻬﻮﺭﻩ ﻋﻠﺊ ﻧﻔﺴﻲ ﻭﺭﺍﺡ ﺍﺑﺪﻱ ﺭﺣﻠﺔ ﻋﻼﺝ ﺗﻌﺬﺑﻨﻲ ...
ﺧﻠﻴﺖ ﻭﺭﺣﺖ ﻧﺰﻋﺖ ﺍﻟﺤﺠﺎﺏ ﻭﻭﺿﻞ ﺷﻮﻳﻪ ﺷﻌﺮ ﺯﺣﺘﻪ ﻣﻦ ﺭﺍﺳﻲ ﻟﺒﺴﺖ ﻛﺐ ﺍﻭ ﻋﺼﺎﺑﻪ ﻭﻟﺒﺴﺖ ﻓﻮﻛﺎﻫﺎ ﺍﻟﺸﺎﻝ ﺣﺘﺊ ﻣﺎ ﻳﺰﻟﻚ ﻣﻦ ﺭﺍﺳﻲ
ﻃﻠﻌﺖ ﺷﻔﺖ ﺻﻼﺡ ﻻﺯﻡ ﻛﻤﺎﻣﻪ ﺑﻴﺪﻩ ﻛﺎﻝ ﺑﺤﺰﻥ ... ﺭﻫﻮﻣﺘﻲ ﻳﺮﻭﺣﻲ ﻫﺎﻱ ﺍﻟﻜﻤﺎﻣﻪ ﺍﻟﺒﺴﻴﻬﺎ ﻻﻥ ﺍﻟﻨﻔﺲ ﻣﻮ ﺯﻳﻦ ﻋﻠﻴﺞ ﻭﺣﺎﻭﻟﻲ ﻻ ﺗﺨﺘﻠﻄﻴﻦ ﻭﻳﻪ ﺍﻟﻤﻮﺟﻮﺩﻳﻦ ﺑﺎﻟﺒﻴﺖ ﻻﻥ ﻣﻮ ﺯﻳﻦ ﻋﻠﻴﺞ ﺗﻤﺎﻡ ﻳﺮﻭﺣﻲ
ﻫﺰﻳﺖ ﺭﺍﺳﻲ ﺑﻘﺒﻮﻝ ﻭﺑﺮﻭﺡ ﻣﺴﻠﻮﺑﻪ ﺍﺧﺬﺕ ﺍﻟﻜﻤﺎﻣﻪ ﻭﻟﺒﺴﺘﻬﺎ ﺍﺑﺎﻭﻉ ﺍﻟﺤﻮﺍﺟﺒﻲ ﻣﺎﻛﻮﻭ ﺍﺧﺬﺕ ﺍﻟﻜﺤﻞ ﻭﺩﻣﻮﻋﻲ ﺗﻨﺰﻝ ﻭﺧﻄﻴﺖ ﻣﻜﺎﻥ ﺣﻮﺍﺟﺒﻲ ...
ﻫﻮ ﺗﻘﺮﺏ ﻣﻨﻲ ﻭﻣﺴﺢ ﺩﻣﻮﻋﻲ ﻭﺑﺎﺳﻨﻲ ﺑﺨﺪﻱ ﺷﺎﻟﻨﻲ ﺑﻴﻦ ﺍﺩﻳﻪ ﻣﺜﻞ ﺍﻟﻄﻔﻠﻪ ﻭﻣﺪﺩﻧﻲ ﻋﻠﺊ ﺍﻟﺴﺮﻳﺮ ﻭﺣﻀﻦ ﺟﺴﻤﻲ ﺍﻟﻬﺰﻳﻞ ﺑﺠﺴﻤﻪ ﺟﻨﺖ ﺍﺑﺠﻲ،ﺑﻴﻦ ﺍﺣﻀﺎﻧﻪ ﻭﺍﻧﻮﺡ ﻭﻫﻮ ﻳﻄﻤﻦ ﺑﻴﻪ ...
ﺭﻓﻊ ﻭﺟﻬﻲ ﻭﺑﺎﻭﻋﻠﻲ ﻭﺍﻧﻲ ﻻﺑﺴﻪ ﺍﻟﻜﻤﺎﻣﻪ ﻛﺎﻝ ﺑﺒﺘﺴﺎﻣﻪ ﺣﻠﻮﻩ ... ﺭﻳﻬﺎﻣﻲ ﺗﺪﺭﻳﻦ ﻋﻴﻮﻧﺞ ﺻﺎﻳﺮﻩ ﺣﻠﻮﻭﻩ ﻭﻣﻦ ﻻﺑﺴﻪ ﻫﻞ ﻛﻤﺎﻣﻪ ﻃﺎﻟﻌﻪ ﻋﺒﺎﻟﻚ ﺩﻛﺘﻮﺭﻩ
ﺍﺑﺘﺴﻤﺖ ﻣﻦ ﺑﻴﻦ ﺩﻣﻮﻋﻲ ﺣﻠﻮﻭ ﺟﺒﺮ ﺍﻟﺨﻮﺍﻃﺮ
ﺭﺩﻳﺖ ﻋﻠﻴﻪ ﺑﺘﻨﻬﻴﺪﻩ ﻃﻮﻭﻳﻠﻪ ... ﺻﻼﺡ ﺍﻧﻲ ﺍﺭﻳﺪ ﺍﻛﻤﻞ ﺩﺭﺍﺳﺘﻲ ﺷﻨﻮ ﺭﺍﻳﻚ ﻳﻌﻨﻲ ﺑﺲ ﺍﺧﺬ ﻛﻴﻤﻴﺎﻭﻱ ﻭﻳﺼﻔﺮ ﺍﻟﻤﺮﺽ ﺍﺭﺟﻊ ﺍﻗﺪﻡ ﺟﺎﻣﻌﻪ ﻭﺍﺩﺍﻭﻡ ؟
ﺑﺎﺳﻨﻲ ﺑﺠﺒﻴﻨﻲ،ﻭﺍﺑﺘﺴﻢ ... ﺣﺒﻴﺒﺘﻲ ﺍﻛﻴﻴﺪ ﺑﺲ ﺻﻴﺮﻱ ﺯﻳﻨﻪ ﻟﻮ ﺗﺮﺩﻳﻦ ﺭﻭﺣﻲ ﻫﻢ ﺍﻧﻄﻴﻬﺎ ﺍﻟﺞ ﺑﺲ ﺍﻥ ﺷﺎﺀ ﺍﻟﻠﻪ ﻳﺼﻔﺮ ﺍﻟﻤﺮﺽ ﺍﻗﺪﻣﻠﺞ ﻋﻠﺊ ﺟﺎﻣﻌﻪ
ﻭﺍﺭﺩﻑ ﺑﺘﺴﺎﺋﻞ ... ﺍﻱ ﺭﻫﻮﻣﻪ ﺍﻧﺘﻲ ﻟﻴﺶ ﻣﻦ ﻧﺠﺤﺘﻲ ﻣﻦ ﺍﻟﺴﺎﺩﺱ ﻣﺎ ﺩﺧﻠﺘﻲ ﺟﺎﻣﻌﻪ
ﺭﺩﻳﺖ ﺑﻬﺪﻭﺀ ... ﻭﺍﻟﻠﻪ ﻣﺎ ﺍﻋﺮﻑ ﻛﻮﻭﻟﺸﻲ ﺗﻮﻓﻴﻖ ﻣﻦ ﺭﺏ ﺍﻟﻌﺎﻟﻤﻴﻦ ﻗﺪﻣﺖ ﻋﻠﺊ ﺟﺎﻣﻌﻪ ﻭﻃﻠﻊ ﻣﺤﺎﻓﻈﺎﺕ ﻭﺍﻧﻲ ﻣﺎ ﺍﻛﺪﺭ ﻓﻜﻌﺪﺕ ﻭﺍﻧﺖ ﺧﻄﺒﺘﻨﻲ ﻭﺗﺰﻭﺟﺖ ﻫﻬﻬﻬﻬﻪ
ﺿﺮﺏ ﺧﺪﻱ ﺑﻤﺮﺡ ... ﻫﻬﻬﻪ ﺍﺣﻠﺊ،ﺯﻭﺟﺔ ﻭﺍﻟﻠﻪ
ﺍﻧﺪﻙ ﺍﻟﺒﺎﺏ ﻭﺻﻼﺡ ﺭﺍﺡ ﻳﻔﺘﺤﻪ ﻭﺍﻧﻲ ﻋﺪﻟﺖ ﻛﻌﺪﺗﻲ ﺭﻏﻢ ﺍﺿﺤﻚ ﺑﺲ ﺑﺪﺍﺧﻠﻲ ﺣﺰﻥ ﺩﻓﻴﻴﻦ ..
ﺩﺧﻠﺖ ﻋﻤﺘﻲ ﺍﻡ ﻓﻼﺡ ﻭﻣﺎﻣﺎ ﺭﺿﻴﻪ ﻛﻌﺪﻥ ﻳﻤﻲ ﺿﻠﻦ ﻳﺒﻮﺳﻦ ﺑﻴﻪ ﻭﻳﺴﻠﻤﻦ ﻋﻠﻴﻪ ﻭﻳﻄﻤﻨﻨﻲ ﺑﺲ ﻋﻤﻪ ﺍﻡ ﻓﻼﺡ ﺿﻠﺖ ﺗﺒﺠﻲ ﻋﻠﻴﻪ ...
ﻭﻣﺎﻣﺎ ﺭﺿﻴﻪ ﺳﻜﺘﺘﻬﺎ ﻛﻠﺖ ﺍﻟﻬﺎ ... ﻻ ﺗﺨﻮﻓﻴﻦ ﺍﻟﺒﻨﻴﻪ
ﺿﻠﻦ ﺷﻮﻳﻪ ﻭﻃﻠﻌﻦ ﻭﺍﻧﻲ ﺍﺑﺒﺪ ﻣﺎ ﻃﻠﻌﺖ ﻣﺎ ﺍﺭﻳﺪ ﺍﺷﻮﻑ ﺍﻱ ﺑﺸﺮ ﻧﻔﺴﻴﺘﻲ ﺗﻌﺒﺎﻧﻪ ﺷﻜﺪ ﻣﺎ ﺍﺣﺎﻭﻝ ﺍﻛﻮﻥ ﺻﺎﻣﺪﻩ ﺑﺲ ﻣﺎ ﺍﻛﺪﺭ ﻣﺎ ﻋﻨﺪﻱ،ﻃﺎﻗﻪ ﻟﻼﺳﻒ ﺗﻌﺒﺎﻧﻪ ﺣﻴﻴﻞ ...
ﺷﻐﻠﺖ ﺍﻟﻤﻮﺑﺎﻳﻞ ﻭﻓﺘﺤﺖ ﻗﺮﺍﻥ ﻭﺿﻠﻴﺖ ﺍﺳﺘﻤﻊ ﻣﻨﺎ ﻟﻤﻦ ﻧﻤﺖ ﻭﺍﻟﺪﻣﻮﻉ ﺑﻌﻴﻨﻲ ...
...............................
ﺟﻮﻟﻴﻴﺖ
ﺟﻨﺖ ﻛﺎﻋﺪﻩ ﺍﺻﻠﻲ ﻭﺍﺩﻋﻲ ﺭﺑﻲ ﻭﺍﺑﺠﻲ ﺍﺣﺲ ﻧﻔﺴﻲ ﺳﺠﻴﻨﻪ ﻋﻨﺪﻫﻢ ﺣﺎﺑﺴﻨﻲ،ﻣﺜﻞ ﺍﻻﺳﻴﺮ ...
ﻭﻣﺠﺘﺒﺊ ﻭﻣﺮﺗﻀﺊ ﻋﻨﺪﻱ ﻣﺮﺍﺕ ﺍﻟﻜﺎﻫﻢ ﻣﺎ ﺧﺬﻳﻨﻬﻢ ﻣﻦ ﺍﺷﻮﻓﻬﻢ ﻣﺎﻛﻮ ﻳﻤﻲ ﺍﻧﻬﺎﺭ ﻭﺍﺿﻞ ﺍﺑﺠﻲ ﺑﻌﺪ ﻣﺎ ﻋﻨﺪﻱ ﺍﻱ ﺛﻘﻪ ﺑﻲ ﻛﺮﻫﺘﻪ ﺣﻴﻴﻞ ...
ﺣﺠﻴﺖ ﻭﻳﻪ ﺭﺿﻴﻪ ﻛﻠﺘﻠﻬﺎ ... ﺧﻠﻲ ﻳﻄﻠﻜﻨﻲ،ﻛﺎﻟﺖ ﺣﺎﺟﻴﺘﻪ ﻳﻜﻮﻝ ﺍﻟﻠﻪ ﻛﺮﻳﻢ
ﺟﺎﻭﺑﺘﻬﺎ ﺑﺤﺪﻩ .. ﻭﺍﻱ ﺍﺩﺭﻱ ﺍﻟﻠﻪ ﻛﺮﻳﻢ ﻭﺍﻛﺮﻡ ﻣﻦ ﻭﻣﻦ ﻛﻞ ﺑﻨﻲ ﺍﺩﻡ ﻻ ﻳﻜﻌﺪ ﻳﺒﻨﺞ ﺑﻴﻪ ﻭﺗﺮﺉ،ﻣﻮ ﺭﺟﻮﻟﻪ ﻣﻨﻪ ﺣﺎﺑﺴﻨﻲ ﻫﻨﺎ ﺧﻠﻲ،ﻳﻄﻠﻌﻨﻲ
ﻛﺎﻟﺖ ﺑﺤﺰﻥ ... ﻫﺴﻪ ﻋﻮﻓﻴﻨﺎ ﻣﻦ ﻫﻞ ﻛﻼﻡ ﻳﻤﻪ ﻭﺧﻠﻴﻨﻪ ﺑﻴﺞ ﺍﻧﺘﻲ ﻟﻴﺶ ﻣﺎ ﺗﻘﺒﻠﻴﻦ ﻧﺮﻭﺡ ﻟﻠﺪﻛﺘﻮﺭ ﻧﻌﺎﻟﺠﺞ
ﺭﺩﻳﺖ ﻋﻠﻴﻬﺎ ﺑﺎﺳﺘﻬﺰﺍﺀ ... ﺍﺧﺬﻭﻧﻲ ﻭﺍﻓﻀﺤﻜﻢ ﻫﻨﺎﻙ ﻭﺧﻠﻴﻬﻢ ﻳﺮﺟﻌﻮﻧﻲ ﺍﻻﻣﻲ ﻭﺑﻌﺪﻳﻦ ﻋﻠﺊ ﺷﻨﻮ ﺗﻌﺎﻟﺠﻮﻧﻲ ﻭﺍﻧﺘﻢ ﺟﺮﺣﺘﻮﻧﻲ ....
ﺭﺩﺕ ﺑﺨﻔﻮﺕ ... ﻳﺎ ﻳﻤﻪ ﻫﻮ ﻫﻢ ﻣﺠﺮﻭﺡ ﻳﻌﻨﻪ ﺳﻬﻠﻪ ﻋﻠﻴﻪ ﺑﻴﻮﻡ ﻭﺍﺣﺪ ﻳﺪﻓﻦ ﺗﻼﺛﻪ ﻫﺎﺝ ﺷﻮﻓﻲ ﻧﻔﺴﺞ ﺷﺼﺎﺭ ﺑﻴﺞ ﻣﻦ ﻣﺎﺕ ﺍﺧﻮﻭﺝ ﻣﻮ ﺗﺒﻬﺬﻟﺘﻲ ﻭﺍﻧﺘﻲ،ﺑﺲ،ﻭﺍﺣﺪ ﺷﺤﺎﻟﻪ ﻫﻮ ﺗﻼﺛﻪ
