Uni
"ကြာပန်းသခင်ကို ခေါ်ပေး သူနဲ့တွေ့ချင်တယ် "
ပန်းခြံထဲ ရောက်သွားသကဲ့သို့ ပန်းမျိုးစုံစိုက်ပျိုးထားသော ခြံဝန်းကြီးအလယ်ရှိ
တခန်းတနားတည်ဆောက်ထားသည့် နှစ်ထပ်အိမ်ကြီး အရှေ့တွင် ဖြစ်သည်။"မမပန်း မနိုးသေးပါဘူးရှင့် ဟိုလေ တွေ့ချင်ရင်နိုးတာကိုစောင့်တာပဲဖြစ်ဖြစ် ဟို ဟို ကုမ္ပဏီ မှာ ရက်ချိန်းယူပြီး....."
"ဟား! မလိုချင်ဘူး အခုခေါ်ပေး မရရင် ငါအထဲဝင်မှာ ဖယ် ဖယ်! "
အသံကိုစူးနေအောင် အော်ပြီး အိမ်ကြီး၏ အရှင်သခင်မ ကိုတွေ့ခွင့်တောင်းနေသော ခပ်ငယ်ငယ် မိန်းကလေးတစ်ဦး၏ ဒေါသများမှ အငွေ့တစ်ထောင်းထောင်း။
အိမ်ထဲဝင်မည်အပြုကို တားဆီးနေသော အိမ်အကူကောင်မလေးအား ရန်ပြုလျက်။
"အဲ့ဒါ ဘာတွေဖြစ်နေတာလဲ "
ခပ်ရုတ်ရုတ်ဖြစ်နေသောအခြေအနေကို ရပ်တန့်လိုက်သော စကားတစ်ခွန်း ။
ထိုစကား ပြောလိုက်သူမှာ သူ၏ ခပ်သေးသေး ကိုယ်လုံးလေးကို ကျောက်စိမ်းရောင်
ဖဲသားညအိပ်ဝတ်စုံ တို့ဖြင့်ဖုံးထားသည်။
ဖြူစွတ်စွတ်အသားအရေကိုမှ ပါးမို့
ဖောင်းဖောင်းများကပန်းရောင်သန်းလျက်။အိပ်ယာနိုးနိုးချင်းမို့ခပ်ရှုပ်ရှုပ်ဖြစ်နေသော
ဂုတ်ဝက်လောက် ဆံပင်ကို နှဖူးထိပ်မှ လက်ဖြင့်လှန်သပ်၍ မိမိရှေ့က အော်ဟစ်နေတဲ့လူကို အင်တင်တင်အကြည့်ဖြင့်…"အစောကြီး ရှိသေးတယ် လူအိပ်နေတာလေ
လူလိုနားမလည်ဘူးလား? လူ့ကျင့်ဝတ်မသိတာလား? စောစောစီးစီး လာအော်နေတဲ့ အသံကိုက မယားငယ် တုံးပိအသံနဲ့. ကျက်သရေယုတ်တယ် "သူမအရှေ့ရှိ လူ၏ဒေါသများမှာ မြင်ရလျှင် ငရဲမီးလောက်ရှိပေလိမ့်မည်။
ကြာပန်းသခင် ဆိုတဲ့ ၂၅ နှစ်အရွယ် မိန်းမပျိုလေးက နာမည်အတိုင်းမွေးကထည်းက သခင်လိုနေလာခဲ့တဲ့သူ။
သူ့လက်အောက်ကလူတွေကို သူ ထားရာနေ စေရာသွား ပြန်ခံမပြောရဲအောင်တစ်ယောက်မကျန်ပုံသွင်းနိုင်တဲ့အထိ အာဏာစက်ပြင်း၏။ ဒီခြံဝင်းတစ်ခုလုံးရဲ့ အရှင်သခင်မ ဆိုရင်လည်းမမှား။
![](https://img.wattpad.com/cover/309589075-288-k715164.jpg)
YOU ARE READING
Flower & Fox {f & f}
Fantasy"မိသားစု မရှိတော့တဲ့ လူတစ်ယောက်နဲ့ ရှိတဲ့ မိသားစုက မကြင်နာတဲ့ သူ..။ သူတို့နှစ်ယောက်ပေါင်းဖက်လိုက်ရင် မိသားစုဖြစ်လာနိုင်လား.." မတူညီတဲ့ စရိုက်နဲ့ မိန်းကလေးနှစ်ဦး ချစ်မိသွားကြတဲ့အခါမှာ သူတို့အချစ်က တည်မြဲပါ့မလား။ ဘယ်လိုအခက်အခဲတွေ ရင်ဆိုင်ရမှာလဲ။ ဘယ်...