من نهل الانوار المحمديه (ج٣)

للامام جعفر الصادق

للصادق تهل العين
نهيم بعالم احزانه
امام الطائفه المهيوب
ليش تغيرت الوانه
نهيم بعالم احزانه
......
سادس نور من الال
عليه تطاولت الاوغاد
بالسم ينغدر ياحيف
حقدهم عالوصي ينعاد
وسفه للعلم سموه
مو جرح ويفيد ضماد
ننعاه بحزن وهموه
فگد الوصي اذانه
.......
بينه للبقيع نروح
نبچي ونلطم اعله الراس
ننعى جعفر المضلوم
راعي الحكمه والنوماس
امام الطائفه سموه
البيه البشر تنقاس
بعلمه حقق الامجاد
باب الحكمه عنوانه
نهيم بعالم احزانه
......
بحر المكرمه والجود
عليه تجرت الاشرار
يالمنصور بالمحشر
بدمه تحوز النار
نشلت يمنتك ضالم
متفيدك بعد اعذار
للشيعه حر گة گلوب
للمعصوم ولهانه
نهيم بعالم احزانه
.....
جعفر بالگلب والعين
لمصابه الدمع يجره
تلاميذه تون وتنوح
مدرسته تهل عبره
نور الله يشع بالكاع
امام ومن بني الزهره
بفگده ينثلم الاسلام
وتهدمت اركانه
نهيم بعالم احزانه
....
مضلوم الامام يروح
والشيعه يندبونه
الامام انحمل عالاكتاف
للمغسل يودونه
تشيع سادس العتره
وبلحده يدفنونه
نذكر بالمصاب حسين
سليب وعاري جثمانه
نعاه الكون ويانه
......
للخادمه ام عباس الخفاجي