من نهل الانوار المحمديه (ج٣)

لطميه للقاسم

روح الله وياك ياكل العمر
روح الله وياك ياوجه البدر
يبني يجسام يبني يجسام
.....
ياسلوه الروح لخيامي عمد
فرحة سنيني ياطير السعد
عطر الحسن بيك يبني ياسند
كدامك البيد وادخل للحرب
خليه العين للفرگه تصب
ياحلم الايام يبني يجسام
.......
وصه الحسن بيك يالصرت الرهن
لحسين مذخور ساعات المحن
وايد المنايا عليك يلوحن
انهض يجيدوم عمك بالخطر
من العطش نار دلاله استعر
انصر الاسلام يبني يجسام
.....
يگله عوناج مارد كلمتج
بالكلب والعين يمه وصيتج
العمد شيلي من نص خيمتج
نازل الميدان ما ارجع بعد
العمي الحسين انه اصبح سند
تكله ارفع الهام يبني يجسام
.....
جسام لو صال مغضب من يهد
يسطر ارگاب يحسبها ويعد
بالحومه وفاي ويادي العهد
شوف العساكر من عده تفر
من هاشم الزود صولات الصكر
اتحمل الام  يبني  يجسام
....
بهيبه زفوك عمامك ياشهم
للخيمه جابوك ياراعي العزم
يبني ولو طيف اشوفنك حلم
من خيمتي طاح يوليدي العمد
بالدنيه ما ضال من بعدك سند
بفراكك انضام يبني يجسام
......
للخادمه ام عباس الخفاجي