من نهل الانوار المحمديه (ج٣)

رد الروس

ياحادي الضعن مرنه اعله البدور
نرد الروس ليهم ونروي الكبور
من اليسر جايين ندور اهلنه
نبجي بدمع جراي وندك عالصدور
.....
حگ لو نهل العين من منبعه سيول
قطر الدمه عالكاع واثار الخيول
مر بينه عند حسين نرد اله الراس
نروي الكبر بالماي للطاح مجتول
.....
ياحادي ريض هون رگدها للنوك
نبجي بحيح الصوت والنفس مخنوك
شيخ الهواشم وين غايب عن العين
اتلفت بحسرات وبگلب محروك
......
مر بينه للمسناة ودنه عنايه
نسمع رفيف هناك وخفگة الرايه
نشكيله بينه شصار عملة الكوم
نرد عليه الراس للبي كفايه
.......
يمهم علكنه شموع كل كبر شمعه
للقاسم العريس نجريها دمعه
يامجمع الشبان من هاشم ابطال
ويافجعة الوليان فجعتها فجعه
........
حگها  الرباب تنوح رادتولدها
محسبه بحساب يصبح سندها
دورت ضناها تريد تنطي حليبه
ايست منه وصار ذابل وردها
......
للخادمه ام عباس الخفاجي