تكله افزع يجاسم حَشم حسين
وصية والدك ياكرة العين
البس لامتك وادخل الميدان
اريدن بالحرب تلعب لعب زين
((كوم ادخل الحومه حشمت رمله كوم ادخل الحومه))
.......
راسه دخنت لعيونه الحلوه
گلهه نروح كلنه للولي فدوه
رمله جهزته والدمع جراي
لحسين حشم وانته اهل نخوه
((جسام اغضب.وارث غيره من العباس))
....
طب جنه صكر يرعب العدوان
صارت كلها اله ساحة الميدان
هد شبل الحسن وتحيرو بهاي
من لحومهم يترس الكيعان
((منهو اليلاوينه صاح ابن الحسن))
......
صاحلها يرمله نصبي الافراح
علكي شمعتي مارايد نياح
عرسي بالحرب واتفاخر بهاي
ارد خضابي من دموم الجراح
((عريس بالحومه رمله هلهلت))
.....
من كل كتر حاوطو جسام
فصلو جثته بسيوف وسهام
شاله حسين منه الدمع جراي
بالطف فرشته المعرس ينام
((عمامه يزفونه معرس كربلا ))
.....
رمله تلكته ويه اليزفون
مامش هيل تنثر دمع العيون
الجنه رادتك ونزفك الهاي
امه خلته مابين المتون
((التمو يحنونه من فيض الدمه))
......
للخادمه ام عباس الخفاجي
![](https://img.wattpad.com/cover/309370163-288-k366494.jpg)
STAI LEGGENDO
من نهل الانوار المحمديه (ج٣)
Poesiaقصائد نعي ابوذيات شعر في رحاب اهل البيت افراحهم واحزانهم