من نهل الانوار المحمديه (ج٣)

للسيده شريفه عليها السلام

علويه شريفه الدللوها
اهلها شلون غربو وتركوها
صغيره وشافت ايام
بدرب اليسر الام
علويه شريفه الدللوها
.....
ابوها الحسن وصه حسين بيها
لو راح الابو عمها يباريها
دك صدره ابو اليمه وكال راعيها
وياهم للسفر طفله خذوها
......
ياحاله غدة من ذبحو حسين
تتلفت صفت لشمال ويمين
طفله وتركض بنص الميادين
بنص نار وعداهم روعوها
......
تصد العين تنشد وين عباس
تلوذ بزينب وتحبس بالانفاس
ياحاله صفت بت اشرف الناس
ماتعرف عليمن سلبوها
.....
حضرت الاربعين وخلصت الروح
خزن كل جسمه بلجم الجروح
طفلها تريد عمها لجله تنوح
طفله وبدربهم يزرعوها
......
مشت ويه الضعن بيها اثر سوط 
نحلت والمرض وصلها للموت
حضنته العقيله تون بسكوت
خافن للصغيره ضيعوها
......
شريفه ياحسافه غمضت العين
ماحملت تعب صغيرة سنين
دفنته العقيله تنادي يحسين
ماتت بالدرب لحكت ابوها