قلوب سرقهاالحب💔
الحلقه السادسه
:
:
كان يدوي في التلفون سكتت وصبيت نرجى في يكمل مكالمته عشن ندويله هو كان عاطي الباب بظهره بابا/كيف حاله يا اشرف؟
اشرف/........
بابا/ياراجل شن تقول؟ تي ششن تقول مات ؟ اشرف.................
بابا/انا لله وانا اليه راجعون وخبط بيده ع الطاوله اناقلبي وقف اشرف سلفي ..من مات؟
بابا/ انا لله وانا اليه راجعون هي اناجاي توا صبر باتك وخوتك انت الكبير وصكر وقعدبابا الله يرحمك ياراشد الله يرحمك ربي يتقبلك شهيد
طبعااناكنت متسمره في مكاني ومصدومه ومشرعه عيوني وحاطه يدي بكل قوتي ع فمي ومتشنجه منش قادره ندوي صبا بابا بيطلع من المربوعه لقاني وجت عينه في عيني كانو عيونه حمرودموعه يصبن بعدشافني معش مسك روحه وخاف عليا جاني يجري شهدعظم الله اجرك وجا ضمني وظلمت قدامي معش فطنت غبت ع الوعي
بابا/بعد طاحت شهد بين ايديا قعدت نضبح بصوت عالي يا امال ياامال جت امال وخواتي يجرن كنك ياخالد خير ان شاء الله
فريحه/كنهاشهد ياخالد
خالد/ راجلها توفى وسمعت خوه وهو يخبر فيا بالوفاه ماما/ياناعليا بنيتي عروس لهاكم يوم تبكي تقول حاسه غاده/ نوضي ياشهد شهد هاتي العطر يانجلاء نجلاء/تبكي هاكي مفش فايده مبتش تنوض سمر/ هضا انهيار عصبي لازم تشيلوها المستشفى بابا/هي لبسنها ع ماولعت السياره
وشمروني وركبت ماما وعماتي والبنات يبكن ولمن الحوسه
بابا/كلم عمي محمد/الوو
عمي/خير يا خالد كيف حالكم هي جاي بايت معاكم بنجو ممبدري غار فاطمه خشن عليها صبايا
بابا/لا يا محمد تعالي في ال1200 خليك مع شهد وعبير وانا ناخذ فريحه وامال راشد توفى
عمي/لااله الا الله وقعد يبكي وصكر وخذامفاتيحه وركب السياره ويبكي عمي محمد عمره 35 سنه طيب حنون متزوج له 10سنين مرته فاطمه تو كيف حامل يحبنا ويتعامل معانا كانه خونا الكبير..
عمي جا المستشفى ولقى بابا كنها شهد؟
بابا/صارلها انهيارعصبي..
اسمع نا ماشي للعزا وخذا فريحه وماما وخلا عمي وعمتي عبير يلايا يراجو فيا انوض
شهد/نضت نسمع في هرجه وحركه واجد قعدت نستوعب اناوين تي كنت راقده ونحلم!! بحتت لقيت تغذيه عالقه في يدي! مزالت الدنيا مغبشه قدامي بعدها جافي وذني صوت بابا"الله يرحمك ياراشد" اذكرت شن صار وقعدت نبكي بطريقه هستيريه وبصوت عالي جاني عمي/دودي قولي لا اله الا الله ونانبكي كيف المجنونه..
عمي ياشهد لله ما اخذ وله مااعطى وكل شئ عنده باجل مسمى
انا/رااشد ياعموو رااشد مااات راشد مكنتش نبيه يمشيي حاسته بيمووت منش قادره نصدق ضمني لصدره ونا نبكي الله ينتقم منهم الله يرزيهم في عمرهم رزوني فيه يارب خذهم اخذ عزيز مقتدر عمتي تبكي وخلاص
عمي خلاص شهيد ياشهد قولي لا اله الا الله
انا/لا اله الاالله ياربي صبرني بنموت ياعمي ياريتني متت ولا جاني خبره
عمي بعيدالسو عليك ارضي بقضاء الله حرام عليك
انا سكتت ودموعي شلاال لين معش نشوف
عمي يمسح في دموعي دودي والله عارفتيني منحبش نشوفك هكي خليك قويه راشد ميرضش تكوني هكي منهاره
قعدت نكتم في صوتي اذكرت راشد(شهدكان متت متبكيش عليا..شهد اوعديني ) توعديني ياشهد
انا/وعد
اناعمو بنعدي العزا
عمو هي تو نكلم االممرضه تفكلك التغذيه جت الممرضه الف لاباس عليك وعظم الله اجرك ربي يصبرك
طلعنا ركبنا السياره
عمي محمد/الوو ......... ايوا ياخالد طلعنا من المستشفى .......اهاكويسه توا........راناجايين توا
/راناجايين توا للعزا...........تمام تمام هي السلام عليكم كان عمو وعميمه ساكتين ونا دموعي شلال منحقش في شي ........
