قلوب سرقها الحب💔
الحلقه الثامنه والعشرون
"
"
.نجلاء صورت فيديو وصور عاديه..
و روحو بالتبييب وخشو دارو جو مش عادي.. سمر/نجلاء صورتي؟
نجلا/صورت ياعميمه بس انتي مش عماد وعدتيه ماتشوفيش الصور عشن تبقى مفاجئه
سمر/فضولي بيقتلني
انا/خلاص ياسمر 3 ايام وحتشوفيها خلاص وعدتيه.. حتى نا منش متفرجه خليني نشوف ع الطبيعه احلى وقعدن يتفرجن هنا ونا واياها نسمعو صوت بس.
سمر/هضا اسمه قهر مش يلانا عد
انا/نضحك تعرفي منش متحمسه بككل
سمر/للاسف معندكش احساس
انا هبيت/ معاذ مش راضي لارن لادز مع هله لا شافني.. هضينا كلهن مؤشرات انه مايبينش
سمر/تهيالك ماتاخذيش عليا نا علاقه كم سنه وخطبه طويله وفاتحه..شن بتوقعي منه والخطبه لها شهر..تو يتعلق بيك بعد الفرح
انا/بحتت فيها وميلت شواربي لا اعتقد ربي يجيب العواقب سليمه
سمر/تفائلي خير
معاذ و عماد كاينين برا خشو الحوش مليان..وزغاريت واغاني والدنيا تربخ..عماد الفرحه باينه ع وجهه ..اما معاذ كاين عند هيثم وقارن حواجبه خالاته/مبارك عليهم لوووووولييي
عماد/الله يبارك فيكن تفرجتن ع الشقق ؟
خالاته/تفرجنا ماشاء الله وحده تعايب ع اللخرى ربي يهنيكم ويسعدكم
معاذ لقاهم كلهم فرحانين حب يجاملهم وخش لقى احمد يهدرز فاته ولوا وجهه عليه وتعشو وجا بيركب سلمى/معاذ خليك مزال بدري بنلعبو لعبة الصراحه .. معاذ/لاسلمى اختاري غيرها عشن ميطلعش اللي في الجواجي كله
سلمى/ههههه بلاش اقعد تو نختارو وحده اخرى
معاذ/ باهي نغير ونجي..
ركب معاذ ولع الضي كانت الشقه تلمع ومغيرين ترتيب وتنظيم الاثاث ومغيرين دار النوم بدار المعيشه..وعجباته دار النوم.. سمحه وبنة العطور والبخور معبي الشقه ولقى خواتي حاطين في وحده من الديار شنطتين حاطين فيها كل شي يتعلق بهاجر الله يرحمها صورها دبشها مكياجها عطورها..قعد يتفرج عليهن ويذكر ودموعه ينزلن..طلع الصور وحطهن في دولاب المعيشه والشناطي قعمز يلاهن بكا لين طاب خاطره..مع دقة الباب..فتح لقى عماد
عماد/معاذ هي انزل يرجو فيك..بحت فيه معاذ خوذ الشناطي هضينا..اصرف فيهن كيف ما اصرفت في دار النوم.
عماد وجعه دمع و اضبطه/سامحني لمصلحتك والله معاذ يمسح في دموعه/مسامحك
ونزلو مع بعضهم لقو احمد مصبي يرجى فيهم احمد/عماد شويه نبي معاذ بروحه ...
عماد سيبهم وعدا
احمد/معاذ سامحني ع اللي صار انت فهمت غلط.. معاذ/متزيدهش عليا منش طايق دبشي
احمد/معاذ والله عمري ماضايقت ساره ولا حكيتلها لين يومتها بعد لقيتها تدوي في التلفون دويت من باب العتاب وطبت عندك
معاذ/خبط يده في الساس وقاله بعصبيه/خللاص صكر ع دين امه الموضوع هضا.. لازم تذكرني
احمد/باهي صكرت بس سامحني
معاذ/سامحتك بس ردبالك تجي شورها و لا تهدرز معاها
احمد واطى راسه/حاضر
الصبايا الكبار يضمو ويرتبو وحايسين وفي اللي رقد والشباب والبنات فارشين فرش في الجنان وزايطين شاهي وكاكاويه وزريعه وسبول.. بعدها الشباب صبو يلعبو سيد سمك واللي ع النت واللي تهدرز وجو سمح بككل..ربي مايحرمهم من هاللمه معاذ حاول يغير جوه..وبالفعل ضحك من خاطره ضحك له واجد ما ضحكش..وماكملت السهره الا بعد الفجر صلو واللي هضا اسلحب رقد.....
توقعاتكم
....
....
....
يتبع
#كاتبه_أميمه_اسامة
