قلوب سرقها الحب💔
الحلقه الثلاثون
"
"
♥يوم الزفه♥
نضت الساعه12 لقيت سمر كيف واعيه..
نا/عليك نومه سمحه كان يخلوني نرقد اخرى سمر/هي صبي نفطروا جيعانه
طلعت من الحمام لقيت فدوى جايبتلنا الفطور/صباح الخيرياعرايس
اناوسمر/صبح النور
فدوي/ترا الحنه.. الله تهببل..ماشاء الله
سمر/حي امتى حنيتي؟
فدوى/طموح راجيت عبوده يرقد وحنيت لياكم خاطري فيها
قعمزنا نفطروا..وبعدها نزلنا لوطا اضبطتني ماما انا وسمر صحه الحنه لووووووللي وبدن الصبايا دارن نوبه سمحه يصفقن ويرقصن
هلي ترقص فرحانه يامولاي العقبه لها
يامولاي علينا كمل مايبيد اللي متجمل
انا وسمرنرقصوا
هن الاثنين تقول غزلا ماخلن في الخاطر بله
يا سلم خويا الكبير ع راسي كي الشمبير
يابنيه سلم عماتك مادارن غير اللي والاتك
ياسلم الخيه الكبيره هي الراي وهي الشيره
ربيعه اخت فاطمه ترقص .. الصبايا يغنن ان شاء الله ماتطيرش حنتها لين ربوعه في جرتها
خشت الكوافيره سلمت و ضيفنها وحطو الغدا ونا وسمر ركبنا درنا حمامات وجابتلنا خديجه غدانا فوق كبده وبطاطا مقليه وسلاطه وعصير عنب
الكوافيره/هي اللي تبي استشوار تغسل شعرها وتجيني عشن بعدها بنبدا في العرايس
مع ال 3 ركبتلنا الكوافيره دارتلنا تسريحتين مختلفات وحده تعايب ع اللخرى
انا/نصلي العصر ممبدري مذن
سمر/حتى نا بنصلي
وبدتلنا في المكياج كانت مبدعه مكياجها خفيف وحلوو ونحن مش مستحقات سمحات من ربي هههههههه شكار روحه انا فيلووي لونه سكري تب صدره كله جوبير والجوبير مطرز واكمامه ثلثين طايحات مع الكتف جوبير ونظامه طرفين والجونه فيها مسكات مسكات بالتطريز والجوبير و من لوطا بالدور الداير جوبير
والذيل بسيط وراكب التطريز فيه لعند فوق. . ودايره تاج بس مش دايره طرحه وسمر فيلوها ابيض صدره قلب ومن لاورا ظهره نصه عريان ونهاية فتحة الظهر فيونكه نازله لعند لوطه الصدر تطريزه بخرز كرستال بسيط ونازل مش مبوج واجد من لوطا بالدور الداير تطريز كريستال وتسريحتها فيها اكسسوارات ودايره طرحه ومش لابسه تاج..نحن الاثنين كنا طالعات كيف الاميرات..كل وحده جمالها شكل..كملت الكوافيره..
سمر رنت ع فريحه/المرا كملت تعالي سلكيها ركبن عماتي وماما والبنات يزغرتن
ماما تدمع تهبلي ياشهد ربي يهنيك
عبير/بدينا في البكا
عمتي فريحه خالد ومحمد بيشوفوكن
انا و سمر مع بعضنا/هكي بيشوفونا نتحشم وضحكنا ماما/باهي انزلن لوطا مراله جايين في الطريق وحطن البرنوس ع كتوفكن ويخشو يشوفوكن
نزلنا وخش بابا وعمي ونجلاء حسيتها تصور في فلم وثاقي هههه ولعت الكميرا عمي حضني مبروك يادلوعه ربي يهنيك وجا لسمر حب راسها ودمعن عيونه/ ربي يهنيك ويرضى عليك
بابا/مبروك يابنتي وحبني الله يرضى عليك دنيا واخره مسامحك ياشهد خلي بالي من روحك وحطي معاذ في عيونك ..
انا دموعي نزلن صعبه بكل..تسليمة بابا وبدا الرعب عندي مجرد سمعت اسم معاذ جتني فدوي تمسحلي في دموعي اس تو تخربي مكياجك
بابا/سمر خيتي وبنيتي ربي يباركلك ويهنيك ويرضى عليك وحب راسها..حطي عماد في عيونك ومعش قدر طلع.. ونزلن دموعها حتى هيا وطلعوا..
عبير/تو تخربن مكياجكن خلاص ويمسحنلنا وقعمزنا وبدن البيابات والزغاريت..ونجلا مزالت تصور انا معش فطنت هضا وين حسيت اني بنطلع من حوش هلي..خوف ع رهبه..وخشن خالاته الاثنين وقعدو هلي يغنو ولبسني البرنوس وبدينا نطلعو
بيت العز طلعتي منه ديري كيفه واحسن منه
اجعل ليلتها ضاويه كيف طريق الزاويه..
اجعل ليلتها ضي في ضي مايشمت فيها حي..
عدي مربوحه يازينه اللي عمرك ماوجعتينا
دموعي خلاص صعبه بكل اللحظه هذه..اكيد اللي متزوجه اذكرت اللحظه هذه وطلعنا في وسط البيابات وحرق العجل وطربيق الميش
شاب/وخر وخر
شاب/خوذ معاك هلي
شاب/هي اسقد وراك
نسمع وفي عالم اخر نرعش والسياره مسقعه المكيف والع...بيب بيب يلايا خالة بابا حست بيا/نطفيلك المكيف
نا/لالا
هيا/اقري اذكارك ووصلنا للصاله قبل سمر قعدنا نرجو في سمر واستقبلتنا ام معاذ سلمت علينا /حويته عليكن ربي يحفظكن .....
شهد خشي انتي الاول انتي مرات الكبير طفو الضي وسلطو الاضاءه وخشيت ع اسماء الله الحسنه وسبقتني عمتك نجلاء عشن تصور خشتي من الاول..تشيرلي افردي ظهرك..عمتي متخافيش ياشهد ارفعي راسك..خشيت بالسييف مشعارفه كيف وصلت ع المسرح وقبل لا نقعمز كانت سمر خاشه بدايه الصاله وبدن الزغاريت ونجلاء خذتلنا صوره مع بعضنا وقعمزنا وجن اللي يسلمن..واللي قريب ياكلنا بعيونهن..واللي تقول هذه احلى واللي تقول سمحه بس رقيقه..لازم من الدوه طبعا جتنا تسنيم/ماشاء الله عليكن تهبلن راحو فيها خوتي هههههه
ساره/عسسل ربي يحفظكن ارمنلي الباقه وبنات اخرى كل وحده نا ارميلي..والاغاني تربخ والصبايا يرقضن..والانظار تفري فري ههههههه
سمر بحتت فيا/شهد رقيتي روحك
نا/اها
سمر/طولو
انا/ضحكت كنك مستعجله؟
سمر/مليت من الانظار مرتبكه
انا/لنقانه عندك حق نحس في عيونهن يحرقن حرق بعدها ضحكت بحتي اللي ترقص
سمر/هههههه مسكينه مش فاطنه لروحها قونتها مشمره بككل من لاورا...
بعدها قعدت نفكر وسرحت بنات عمتي يشيرنلي وركبنلي شهد ابتسمي
انا/خايفه.
خديجه/اجعنها خوفتي ههههه
نا/مغير تقولي بس
خديجه/غار يحرك روحه ويجيب هله بس
&العرسان جو&
معاذ جايبينه غصب درسو ونزل فم الصاله
امه/حبت عليه مبروك يا وليدي هي خش
معاذ/ شن نخش طلعوها ليا
تسنيم/ياسيدي خش خوذها واطلع
معاذ/تطلعوها ليا ولا نروح
مرات عمه/خلاص يا معاذ تو نطلعها لك مغير اهدى خشت اسماء مرات عمه وجتني /هي شهد راجلك برا مش خاش
نا تريحت كنت نفكر في خشته متحشمه صبيت وقعدت نزمط في ريقي والعبره خانقتني وندور بعيوني ع امي اسماء فهمتني/شهد كنك خايفه هدي روحك امك اهيا قدام غار اهدي طلعت..
ماما لبستني البرنوس/ متخافيش شهد ودموعها نزلن ربي يهنيك وسلمت ع معاذ/ مبروك معاذ ردبالك من شهد راك تزعلها
معاذ/الله يبارك فيك ومعرفتش شن نقول/ شهد في عيوني ومسكتها من يدها ركبتها السياره وكان عمها مصبي سلم عليا/معاذ ردبالك من شهد راهي غاليه عليا ومتنحمل فيها شي
معاذ/متخافش عليها شهد في عيوني
عمي/هي بالسلامه طريقكم بيضا
شهد/بعد مسكني جسمي كله رعش وركبني لاورا وركب يلايا ونسمع في عمي وهو يدويله قعدن دموعي ينزلن وكان ولد عمه يسوق وطبعا نجلا صورت كل شي ناقص غير تلحقنا بالكاميرا
عماد خش الصاله امه وخالاته وعماته يزغرتن مبروك مبروك وهو فرحان ومتخزرط وخش لسمر وركب للمسرح ورفع لسمر الطرحه.. ونجلا ماوقفت تصوير..
سمر قلبها يدق فرح وخوف عماد حب جبهتها/مبروك حبيبتي
سمر/الله يبارك فيك
عماد/نبش نقعمز الصبايا عريانات وبياكلني نحس فيهن سمر/ هههه هي تو نجلا تصورنا كم صوره ونطلعو نجلا خذتلهم كم صوره وطلعوا..
عبير تلبس فيها البرنوس.
ومش ماسكه دموعها/عماد رد بالك من سمر
عمااد/ماتوصيش ع سمر في الحفظ والصون متخافيش ومسك في سمر وطلعوا..
محمد فتحلهم الباب تفضلوا
وركبت سمر وعماد لاورا.. واحمد ولد عمه يسوق
محمد طبس ع عماد/ رد بالك عماد تنزل دمعتها ولا تزعلها تلقاني فوق راسك.. سمر رني عليا في اي وقت نجيك
عماد/لنقانك مطرشق سمر في قلبي من جوا محمد/خلاص دير بالك ع قلبك♥
عماد طلقها ضحكه هي متخممش يا طيري واسقدوا لشقتهم ♡♡
عجبكم العرس؟ والعرسان؟
شن اخر توقعاتكم؟.
.....
.....
يتبع
....
#كاتبه_أميمه_اسامة
ان شاء الله عجبتكم حلقات اليوم مع ان قطعتوني بكلمة قصيره😂😂😂😂😂😂
