قلوب سرقها الحب 💔
الحلقه الستون
"
"
ريان من الساعه 12 الظهر ترن ع فيصل ميردش عليها قعدت متوتره ماشيه جايه في الدار..رن تلفونها فرحت بحتت لقاته سيف..اف سيف كنك ساكن مش وقتك داراته صامت
ربا/ريان ردي ع سيف ياما جريتي في جرته بش بحت فيك ولا طاح بزطونه
ريان/بحتت فيها بغل ربا صبي اطلعي برا
ربا/ياسلام ورن عليها خطيبها حطت كراع ع كراع وردت عليه/اهلين حبي
ريان قريب تضربها سيف بحت في التلفون/كنك ياريان ماتردي من امس؟وهز راسه باستغراب ومشى للمحل بتاعه
فدوى عدت للمة صاحبتها جايبه وليد كانت لابسه فستان مشماشي في السكري كمه كت وفيه بطم من قدام وسير من الوسط وتحت طول وسندل سكري ودايره مكياج خفيف وطالقه شعرها سعاد(صاحبتها)/ماشاء الله عليك طالعه تهبلي ديري رقيه
فدوى/تسلمي عيونك هنا اللي سماح هاتي نمد عليك قعمزي مع ضيوفك
سعاد/نجك ليا باهي وطلعت وكانت لمه كبيره دايرتها جت فدوى بتقعمز لقت الدارمليانه شوي صبت قعمزت في المربوعه كان فيها شوية صبايا يهدرزن
عبير/بنت عمي اها شن تعرفيها؟
جيهان/صاحبتي ايام الجامعه قالتلي انخطبت
عبير/اها فرحها بلكي بعد 3شهور
جيهان/ربي يعوضها مسكينه تعبت في زيزتها الاولى
عبير/ان شاءالله
جيهان/عيت فلان قالتلي
عبير/اهاسيف ال***&
فدوى/حاجه ضربت في راسي دخنت ودموع بدن ينزلن
عبير/عنده محل ملابس في شارع 20
جيهان/صاح متزوج؟
فدوى معش قدرت نسمع نحس في روحي بنعيط من القهر صبيت معش تحملت فتت باب الدار بعدها ضلمت معش شفت شي وطحت
.. ...............
ريان رنت ع فيصل الساعه 7 العشيه
فيصل رد بصوت حزين/ ألوو..ايوا
ريان/ها فيصل وينك ممبدري شغلتني ها طمني ع معتز
فيصل/...........
ريان/فيصل كيف حال معتز؟.
فيصل/عظم الله اجرك
ريان/لآاااا كيف..وقعدت تبكي
فيصل/مات تحت العمليه ودروحه يبكي
ريان/ لامنش مصدقه انت تكذب عليا
فيصل/عليش بنكذب عليك صاحبي هضا بنتفاول عليه انا
ريان تبكي/وين العزا؟
فيصل/العزا عند عمامه في سيدي خليفه موباته متوفي
ريان تشهق وتبكي
فيصل/ادعي ربي يرحمه هي نا مش فاضي توا وصكر عليها
معتز/وااو عليك تمثيل و كذب افرض نتلاقى معاها في يوم
فيصل/تي خلاص خطاني ياعز وسكنت هي كسرها الشفره
..............
فدوى نضت لقيت الصبايا يبخن فيا..فتحت عيوني بشويش ودغري جا في وذني كلامهن قعدت نبكي
وحده/اهي ناضت شكله عندها هبوط
فدوى/نحاول نصبي مش قادره
سعاد/فدوى انت كويسه فيش تحسي؟
وحده/بلكي حامل
فدوى جت بتصبي سندتها سعاد
فدوى/بنخش دارك
سعاد/تفضلي
خشت فدوى لدار سعاد وانهارت بالبكا
سعاد/فدوى كنك شن في؟
فدوى/هاكي رنيلي ع سيف يجي يروح بيا قوليله مريضه
سعاد ترن/ميردش
فدوى حامقه وتحس في روحها بتنهار/اسكنيله
سعاد/فدوى كنك شن في؟في حد زعلك
فدوى/سعاد الله يربحك معش تسأليني مش وقت فصلاتي توا الحوش مليان..سعاد قعدت ترن
سيف/ايوا فدوى
سعاد/سيف اناسعاد
سيف/خير سعادكيف حالك
سعاد/الحمدلله قتلك فدوى مريضه تعال روح بيها
سيف/كنها؟
سعاد/مشعارفه طاحت داخت وممبدري تبكي تعاللها تبي تروح
سيف/هي مسافة الطريق
سعاد/خلاص فدوى هدي روحك تو جاي
فدوى/خلاص سعاد عدي لضيوفك سامحيني عطلتك وشغلتك
سعاد/لالا عادي..طلعت سعاد وفدوى قعدت تبكي نار في قلبي نحس في العملاق والوحش اللي في داخلي ثائر خلاص ليا شهور صابره معش نقدر بننفجر
...............
عندي نا معاذ مارنش عليا لما طقت الساعه7 رنيت عليه/الو السلام عليكم
معاذ/وعليكم السلام
انا/معاذ امتى بتجيني؟
معاذ/باتي حتى اليوم
انا بإحباط وصدمةوالعبره خانقتني/معش تبيني؟
معاذ/من قال هكي؟
انا نحاول منبكش/تصرفاتك يقولن هكي
معاذ/بكره تو نروح بيك
انا/بكره عندي جامعه
معاذ/عدي مع غاده
انا دموعي اللي ماسكتهن نزلن/باهي شكرا مع السلامه
معاذ/مع السلامه وصكر
لو تشوفو كمية الدموع وكمية القهر ليش لما تحبيه واتعلقي بيه يقسو عليك ويبقى يحب يذلك ومشت ليلتي كلها دموع
