قلوب سرقها الحب💔
الحلقه الثانيه والسبعون
"
" بعد كملت التغذيه خشيت انا ومعاذ ع الدكتوره
د/تفضلي قعمزي مدام شهد..كيف حالك توا؟
نا/الحمد لله..
د/ضغطك هابط لازم تراقبي الضغط باستمرار
معاذ/شن السبب يادكتوره؟
الدكتوره ابتسمت/مبروك المدام حامل
معاذ بحت فيا..الله حامل يعني حنقعد اب؟
انا فرحت..وحضنت معاذ
معاذ/دودي الدلوعه تقعد أم مبروك حبيبتي
الدكتوره/ربي يكمل عليكم استاذ معاذ حنفتحلها ملف بس لازم تراقبو الضغط
معاذ فرحان/نقدرو نطلعو؟
د/بعد نديرو صوره دارتلي صوره..ماشاء الله اول اسبوع في الشهر الثاني
انا الفرحه مش سايعتني بس مبيتش انزل دموع عشن متقولوش عليا بكاياههههه
معاذ ناسي روحه بكل نزلني من السرير ونا متخزرطه والدكتوره تضحك علينا..وطلعنا ماسكين في يدين بعضنا لقيت سمر وعماد يرجو
عماد/كيف حالك توا ياشهد؟
نا/الحمدلله..سمر قرت الفرحه في عيوني وعيون معاذ وبتردد/حامل؟
هزيتلها راسي..سمر حضنتني مبروك ياروحي حسيت بيك باين من عيونك
عماد حضن معاذ/مبروك وطلعنا ركبنا
معاذ/ياخساره ليل قبل بنخش بحاجه حلوة
عماد/مش مهم بكره ان شاء الله..
وصلنا الحوش ولقيناهم طلهم يرجو فينا
عميمه/ها يا سمر شن صار معاك؟
شهد/كيف حالك توا؟
معاذ/مبروك ياامي بيجيك حفيد وحد اخر
عمتي/شهد حامل وقعدت تزغرت وقدو يباركو وجت مرات عمه تزغرت مبروك يابنيتي مبروك
ساره/مبارك مبارك بتملو علينا الحوش عويله
سلمى/مبروك شهوده
بعد التهاني والتبريكات كل واحد ركب ساره تصكر في باب الارتداد خش عليها احمد/ساره شويه نبيك
ساره/احمد ليل يا احمد تو يشوفك باتي
احمد صكر باب الارتداد وصكر باب المطبخ وصبالها
ساره ربعت ايديها وبكل برود/نعم شن تبي؟
احمد/في وحده تحكي مع حبيبها هكي؟
ساره/حبيبي اللي يهدرز مع مروة وايتحسر انها مش فاطنتله وين ماكان يلمحلها وعاجبته
أحمد/انتي ألفتي الكذبه وصدقتيها انتي اللي كنتي تحكي معايا مش مروة
ساره/ايوا بس لو كانت مروة كنت مشيت معاها
أحمد/والله ماصارت ياساره والله كان حديث عابر يعني اذكرنا الجامعه
ساره قاطعاته/بس انت كنت معجب بيها
أحمد/كنت معجب بيها بس توا منشوفش إلا في ساره بس
ساره/اضحك عليا بكلمتين
أحمد/والله مانضحك عليك ياسوسو والله مانشوفش الا فيك انتي بس
ساره مازالت مربعه يديها وتهزفي كراعها
أحمد/ساره كلنا كان عندنا ماضي بس المهم الحاضر..والله مافي بيني وبينها شي كنت ننظرلها نظرة اعجاب في الماضي بس توا انتي كل شي صدقيني ساره نحبك والله نحبك
ساره/تبحت فيه وساكته واذكرت ان هو عارف بقصة عثمان وماحكالهش عليها بكل
أحمد/ساره والله كان كملتي المكالمه راكي تأكدتي حكيت معاها كبنت جيرانا وزميله في الجامعه فقط
ساره/معش ترد ع بنت في التلفون
اي وحده تهدرز معاها انت؟
أحمد/خلاص معش ندوي مع اي مرا هيا سرورتي ارضي عليا
ساره/خلاص حمودي رضيت عليك
احمد قرب/باهي بوسه قبل لا نعدي
ساره مدت يدها قدام/ لالا معش تقرب..نحن مزلنا خطبه ساد اللي صار امس
احمد يضحك/باهي خلاص ورمالها بوسه في الهوا وجا بيطلع
حليمه جايا بتاخذ دواها من المطبخ لقاته مصكر قعدت تدق
ساره/حي أمي..بسرعه اطلع
حليمه/ساره سلمى افتحن
ساره قعدت ساكته وترعش ..هيا ماما نكمل لبسي
احمد فتح باب الارتداد بشويش وطلع ورده ردود
ساره فتحت الباب بشويش ودارت روحهاا تصقم في دبشها
حليمه/ماعندكش دار تلبسي فيها جايه تلبسي في المطبخ؟
وخشت وصكرت الباب وراها ساره تحسابيني عبيطه ولا راقده ع وذاني؟ أحمد شن كان يدير هنا؟
ساره خايفه/احمد شن دوته
حليمه/حتحكي ولا نكلملك باتك يتفاهم معاك
ساره/والله يا امي ماكان يدير في شي كنت في المطبخ وجا يدوي معايا
حليمه/والباب عليش مصكر
ساره/جاي يرضيني لاني زعلانه منه
ومنردش ع تلفوناته..صكر الباب عشن منخشش ونسيبه ونسمعه
حليمه/تصرفات المراهقين اللي تديري فيهن انتي وهو تو نوريكم عليها
ساره/امي والله حكيتلك اللي صار بالزبط ليش مانكش واثقه فيا؟
حليمه نتت فيها/امشي قدامي لدارك ارقدي
ساره طلعت لدارها
...........
معاذ الفرحه مش سايعته..كان راقد وحاطني ع صدره ويمسح ع شعري/زعمه تجيني بنيه سمحه زيك؟
انا/امم مشعارفه احساسي وليد
معاذ/ونا احساسي بنيه
انا/وليد ولابنيه عادي اللي يعطيه لنا ربي حلوو
معاذ/نجك ليا ياحلوة انتي ترا بوسه ترا..شن ندير انا نعيط من الفرحه مراتي حامل يانااس
نا/معاذ يامجنون صوتك عالي يسمعوا فينا
معاذ/هههههه كل مانذكر يوم الزفه نضحك
نا اطربقت ضحك/كنا اغبياء صاح
معاذ/صدقتي
نا/خطرها نوريك حاجه وصبيت بسرعه
معاذ/بشويش بشويش ع بنيتي معش تصبي بالقوة
نا بدلع/حبيبي مش للدرجه هذه
معاذ/لا للدرجه معش تقربي شي ومعش اتعبي روحك نخاف عليك ياعمري
نا عطيته بوسه طوييله/ ربي يخليك ليا
معاذ/اها هكي علي شنو ناويه
نا بدلع/حبيبي نا تاعبه سيبني خليني نوريك حاجه
صبيت علقت الكاميرا ع الكمبيوتر ونزلت صوري بتاع الفرح والزرده وخليتهن يعرضن بروحهن ..الصور ع الفيديوهات وحطيته بعيد وجيت يلاه في السرير
بدن صور الزرده..
بعدها فيديو التفريش والزغاريت
معاذ/هضا امتى
نا/يوم تفريش الشقه
معاذ اذكر كيف يوم التفريش مشاها كلها عند هيثم ومسيب الحوش قعد يضحك
بعدها فيديو يوم جيبة الاسياق
معاذ/حتى هضا مصورينه؟
انا/هههههه انا وسمر نصورو من شقة عمي حميده
معاذ/الله عليك ذكريات حلوة الزغاريت والتشتاي حسيت روحي معاكم
معاذ يتفرج بتركيز ومنسجم
..............
ساره خشت دارها وتضحك ومنستها
سلمى/مبردك امي كبساتك ومازلتي تضحكي
ساره/يستر الله..كل ما انتلاقى مع احمد ننكبس ابدي من يوم اعترفلي بحبه لليوم..
يسترالله لين يطلع الفرح
سلمى/لانكم تصرفو تصرفات طياش
ساره/حلوة تحسي فيها اكشن
سلمى/الاكشن لما يكبسك معاذ
ساره/ههههه اللقطات القويه ديما جايات قصاد وجهه
سلمى/تلفونك يرن
ساره صبت فكاته من الشحن/حي احمد
رنت عليه
ألوو
احمد/شن الاوضاع تمت العمليه بنجاح
ساره/فشلت العمليه ماما كبستني
احمد/خرياطه
ساره/والله كبستنا قالتلي احمد شن يدير في المطبخ
احمد/كيف عرفت
ساره/ اكيد سمعت صوتك او احساس الامهات
احمد/شن دارتلك
ساره/خذيت هزيبه سمحه وتوقعها تدويلك
احمد/حي عليا ساهل ساهل
وقعدو يهدرزو
.............
بعدها قعدن صور ينعرضن ونا طالقه الشيانه وبعد مشية هل معاذ جيبة الاسياق البنات واخذاتلي كم صوره
وبعدها وانا لابسه قفطان الحنه
معاذ عيونه بلطن/تهبلي وين القفطان هضا؟
نا/قاعد في الدولاب
معاذ/مدخلنش بنشوفك وانتي لابشتيه
بعدها بدا فيديو الحنه ووقت خشت هل معاذ ونا وسمر متغطيات ومش باينات الا جدتي وعمتي ومرات عمي وساره وسلمى وهما يحنو فيا..وهل العريس يغنو وهلي يردو عليهم
اذكرتوا الفرح اكيده بحذافيره ماسيبت منه شي كله حيته لكم..صاح
معاذ/تاريته عندكم اجواء سمحه الصبايا
بعدها جا فيديو بعد صبيت بنغير و نلبس توتا
معاذ/كنك مكشره هنا؟
انا نضحك/زعلانه ماكلمتنش وعماد عالقها مكالمات مع سمر وانت ولا معبرني
معاذ/ههههههه
وفيدو الحنه والغنا والضحك
معاذ/محلاهن عليك اجواء
عليش تضحكو؟
نا/مو البنات دايرين اجواء سمحه
بعدها تمن ينعرضن صوري بالفيلو
معاذ/محلاكي سمحه طالعه
نا/هههه تذكر شن قتلي يوم الزفه
معاذ/شن قتلك؟
انا نقلد في صوته/هذاهي الدار قدامك ومترجينش
معاذ اطربق ضحك عليك عباطه...وحبني
بعدها بدا الفيديو في ركبتي ع المسرح ووقت طلعتي
معاذ/الله ياريتني خشيت..كلا نا غبي ياما ترجتني امي نخش
نا/كم مره قلت ع روحك غبي اليوم؟
معاذ/100 مره وتوا ال101..غبي تاريتني
نا/ههههههه
معاذ/محلاك وانتي تضحكي ولصقني في صدره
بعدها معاذ/حي مصوريني لعند برا عمتي توصي فيا عليك
وانتي تبكي..يا بكايا حتى يوم زفتك تبكي
نا نضحك لين عيوني يدمعو
حي مصورين لعند ركبتنا للسياره
تي من الشاطره اللي تصور؟
نا/نجلاء
معاذ/مش معقبه شي ينعبا عليها والله
بعدها جا فيديو بابا وعمو بعد شافونا بالفيلوات قبل لانمشو الصاله
انا/هضا يوم الزفه الصبح
معاذ/ذكريات حلوة نوروهم لعيالنا بعد يكبرو
نا/ماكنتش نتوقع يجي يوم نتفرج انا واياك عليهن
معاذ/سبحان الله ونا ما كنتش نتوقع يجي يوم ونقعمز يلاك هالقعميزة بس عشن نقعد صريح معاك طيرتي عقلي من اول يوم
انا/الله ..وناكنت نحسابك مش شايفني
معاذ/تي عششتي ع قلبي نحببك ياشهد..نموت في حبك..منقدرش نعيش من غيرك ولا لحظه..انتي كل شي عندي..انتي دنيتي وانتي ماضيي وانتي الحاضر.. وام عويلتي.. كل شي فيك حلو شكلك..جسمك شعرك..دوتك..دلعك.. دموعك اللي واتيات..نحبهن فيك..(هذه مكرا في اللي مش عاجبهم دموعي ههههه)
انا كنت نبحت في عيونه ونسمع فيه وهو يحكي
وقعدنا نهدرزو للفجر رغم انا كنا تعبانين بس نحرمو روحنا من اللحظات الحلوة
صلينا الفجر و رقدنا طبعا تليناها نومه للظهر
.......................
إسماعيل محوتك حصل حنايا الخاطر كلمها ع الماسنجر/تي وينك سحنتيني قبل فايتك
حنايا الخاطر/معقوله تي نا نراجي فيك في الكفتيريا.. غار قدم نحق فيك ..انا لابسه بالطو قهوي واشرب بيج
إسماعيل/اها حقيتك حقيتك..وقدم/اهلين ومد يده وعيونه قعدو قلوب قلوب
حنايا الخاطرسلمت عليه /اهلا كيف حالك اسماعيل
إسماعيل مانزلش عينه من عليها/الحمدلله..قعمزي يا...
حنايا الخاطر/هههه اسمي زهراء
إسماعيل/عاشت الاسامي
زهراء/تسلم
قعمزو وقعدو يهدرزو نسجموا مع بعض..وحسو روحهم كأنهم يعرفوا بعضهم من زمان
وخذو ارقام بعضهم
...............
سمر/دادي شن رايكم نديرو جو لمعاذ وشهد بمناسبه الحمل
عماد/فكره والله
سمر/نحاولوا اليوم قبل لانجيب ونحصل
عماد/تمام
ونزلوا لوطا وقعدو ينسقوا فيها
...............
فدوى/حبيبي امتى نجيبو العيال؟
سيف/ رايفتي عليهم مازلت ماخذيت كفايتي منك تو يجو يديرولنا حصار
فدوى/سيفا والله رايفت عليهم
سيف/خلاص تو بعد المغرب نمشو نجيبوهم
فدوى/ربي يخليك ليا
...............
انا نضت بحتت في الساعه..حي الساعه الظهر1:00
معاذ مازال راقد/ميدو نوض الظهر اذن
معاذ قلب للجيهه اللخرى وكمل نومه
صبيت خشيت الحمام وصليت وجيت انوض فيه /حبيبي نوض هيا جيعانه عشن نفطروا
معاذ/دودي غار تعالي ارقدي مزلت نعسان
قعدت انابش فيه ونسمط عليه لين قلقته وناض خش الحمام
خشيت المطبخ حطيت براد شاهي ع النار وطلعت بندير دحي..دق الباب
سلمى/صباح الخير كيف حالك اليوم شكلك كيف واعيه..
نا/هذي النوضه خشي
سلمى/لالا دازتلكم من غدانا تو يكملوا عليا جيعانه
نا/ههههه
معاذ جا ورايا/من جا؟
أووه سلمى كيف حالك اليوم؟
سلمى/ تمام الحمدلله ..شهد ممكن تسلفيني الكمرا بتاعك؟
نا/عيوني لك نفضيها ع الكمبيوتر بس ونعطيها لك تو نتغدى ونقعمز نفضيها
سلمى/تمام اوكي ونزلت
نا/الله ملوخيه ورز جت في وقتها..هي ميدو نحطو؟
معاذ/حطي هي ع ماصليت
.............
إسماعيل مع الساعه 5العشيه كلم زهراء وهدرز معاها..
نعطيكم وصف زهراء برونزيه شعرها قهوي طويل وناعم..جسمها حلوو عيونها عسليه وكبار..حليوة ودلوعه شويه..وحانطه وجوها فرفاشه
اول ماروحت من الجامعه وهي تفكر في اسماعيل خذا عقلها
...............
تغذينا وخشيت بنرقد معاذ/بترقدي حبيبتي
نا/ نعساانه بككل
معاذ/باهي فضيي الكاميرا لسلمى قبل
نا/اي نسيت باهي اللي وقضتني
معاذ خذاني في كتره/ قعمزي عندي قعمزت وقعدت انزل فيهن ونمسح فيهن من الكاميرا..معاذ ينابش ويبوس
معاذ بطل..
معاذ/نمسكش روحي معاك
نا كملت شغلي ومسكت تلفوني رنيت ع سلمى
سلمى الكمرا جاهزة كان تبيها عشن بنرقد
سلمى/بترقدي اخرى؟
انا/اها تعالي خوذيها قبل لانرقد
سلمى/هيا هي
نا/صوت سمر يلاك كيف حالها اليوم؟
سلمى/كويسه هي راكبتلك وصكرت
سمر/احسن حاجه شهد تحب توثق كل شي وتخليه ذكري اركبيلها عشن تبقى حاجتنا واتيه
سلمى/شكرا شكرا حبيبتي اموا عطتني بوسه
معاذ/خاطري نعرف شن خطر عليك الكمرا توا مستعجله بيها حسيتك
سلمى/سرر
قالك جدي نرجو فيكم بعد المغرب كلهم ملتمين
معاذ/شن في؟
سلمى/شي بنهدرزو مع بعضنا في حوش جدي
معاذ/ان شاء الله
طلعت سلمى ونا خشيت بنرقد معاذ اندك معايا في السرير وقعد ينابش ويبوس... وووو
رقدت..
معاذ طلع وروح لقاني راقده/دودي نوضي وقت المغرب بيذن ديري حمامك وصلي عشن ننزلو يرجو فينا
نا/كم الساعه؟
معاذ/6
نا/عطيني نص ساعه اخرى
معاذ/نوضي دودي نوضي وقعد ينابش لين صبيت درت حمامي وصليت العصر
ولبست فستان كحلي وفيه حزام من الوسط سمني و اشرب سمني ودرت كحل ولمعة روج
خشيت ع معاذ في الصاله/انا واتيه هيا
معاذ جايب حلويات خذاهن/هيا
خشينا حوش جدي انا ومعاذ لقينا الكل قاعد حتى عمات معاذ .قعدن الصبايا يزغرتن
انا ومعاذ بحتنا في بعضنا..
ساره/......
.......
.......
.......
يتبع
#كاتبه_أميمه_اسامة
