أنا أؤمن بوجود الخير في أي موقف ، حتى في المواقف السيئة ، أنا أؤمن بأن جميع الأمور السيئة التي قد تحدث لي ، جاءت لتحميني من أمور أشد سوءا منها ، أؤمن بأن الله ما أخذ مني إلا ليعطيني الأفضل
الطريق مجان بعيد كلش أو يمكن حسيته قريب لان مااريد اوصل لبيتهم
تضاهرت بالقوه بس بداخلي انكسار فضيع ما اله جبر
جنت اتخيل نفسي من ازوج اختار هواي اشياء بالي ومقرره اسوي حفله جبيره واحلم بحب أعيشه وبدله بيضه واخواني يزفوني بيدهم حالي حال اي بنيه تزوج وتفرح مجنت اتخيل نفسي راح اكون بهذا الشكل والتعب مبين بعيوني والخوف اكل نص عمري كل شويه اذكر نفسي وتكول ربي راح يكون وياي ويساعدني بكل شي يمر بيه.
اويلي على روحي وعلى عمري يا حسرتي ضاع عمري بذنب شخص مو اني الاذنبت نشفن دموعي وعدت نفسي بعد ماابجي واستقبل اليصير
دخلته لبيت ابو احمد سلم بابا علي وانطا الفلوس الرادوهن وكالي ابو احمد ادخل للبيت يم النسوان ودعت أبويه بعيون مليانات حزن بس كالي كلمات رجعن بيه الامل كال بنيتي ديري بالج على نفسج وصبري اني وأبو أحمد اتفقنه انو بس تجيبين ولد الهم راح ترجعين النه وتكملين حياتج ويانه فرحت وبنفس الوقت ماكملت فرحتي يعني لازم اعيش اكثر من سنه وساهم بس ب الاخير اهون من العيشه وساهم كل العمر
اول مدخلت يم النسوان شفت بنات ثنين مبينات بكدي او اكبر مني ب سنوات قليله والام شفته بس محجت وياي شي كالت للبنات خلنه تنام وياجن منا لمن نعقد الها على علي
اني هم ضليت ساكته محجيت شي اخدتني بنيه كالت تعالي وياي رحت كالت انتي ويانه راح تنامين بهاي الغرفه مبين عليها حبابه بس متحبني لان اخوها الميت ومن حقها تعاملني ب اسلوب خشن اني انام بلكاع وهنه ع جرابي مالتهن وعدهن ميز يقرن علي غرفتهن مرتبه
كمت متردده بين الأطلع لو ابقه بالغرفه قررت اطلع واحجي وي أم أحمد بس خفت وكلت خلي ابقه لاحكه على الضيم والمشاكل ....
دقايق اني كاعده جان تجيني البنيه نفسها اسمها ناز
ناز: تعالي ابوي يريدج رحت وياها
شنو راح يصير وي ايه شنو توقعاتكم صوتوووو كثيرررر + علقولي احب اشوفكم حتى انعنش سوولي واهس حتى ادللكم
YOU ARE READING
فصليه الظلام والنور
Mystery / Thrillerفي ليله ما نظرت إلى السماء فشعرت بلرعب والخوف اصاب قلبي الرجفه وإحساس حدوث شيء غريب من نوعه لم أكن اعلم أن كل هذا سيحدث لكن تلك الليله كان القمر يتلئله مثل الالماس ابيض بدقه عاليه السماء ظلام دامس وكأنها ليله من ليالي المستذئبين
