فصليه الظلام والنور

زواج ايه

بعد الكثير من الم كانت هناك فرحه صغيره بداخلي
لا اعلم ما السبب ومن اين أتى شعور البهجه ليحدث ما يحدث لا اريد أن اعكر صفو مزاجي فأنا من اليوم بدء القيد يتفكك والسجين سيتحرر انا من اليوم ستفتح لي ابواب الحريه .... والعوده الى عائلتي ومدرستي
لتكن الأمور بخير يا الله
لقد كانت ايام حافله بدعوات التخلص من القفص نعم لقد اسميته القفص وذلك لأني كلعصفور المقيد ولا يستطيع الهروب والذهاب إلى عشه الصغير
.
.
.
.
علي: بدت من اليوم معاناتي معه بنيه اني مااريدها ولا حتى مستعد ارتبط أو اكون عائله
حجيت ل ايه...
اسمعيني يا بنت الناس انتي مو من ثوبي ولا حتى عندي اي مشاعر اتجاهج لهذا انتي تردين تتحررين مني واني هم اريد اتخلص منج ب اقرب وقت
ايه: وهو هذا المطلوب
اباوع لوجه علي صار وده ياكلني من العصبيه بس كتله اي هو هذا المطلوب كان طعنته بسجينه
وكلت بكلبي يمكن هو يريد يذلني ويصفي حسابه وياي بس ميخالف راح اتحمل
علي: احنه من اليوم زوج وزوجته محد يدخل بينه ولا حتى مشاكلنه تطلع من الغرفه فاهمه والا يصير غير كلام
ايه: تمام صار
علي : ويلا هسه ولي من يمي روحي غسلي وجهج مو عبالج صدك عروس
ايه : الحمدلله والشكر
علي؛ شنو شنو كلتي
ايه: ماحجيت شي كلت اي كايمه
علي: صوتج مااسمعه
ايه: هزيت راسي ورحت غسلت  وحمدت الله لان ما صار شي
ورجعت للغرفه
علي : يلا روحي طلعي فراش وروحي نامي بلكاع واني هنا ع الجربايه
ايه: - اي
علي : بله ياربي نو من بشر هاي شكلها تكلي اي
ايه: شنو حاجيتني
علي : لا جاي احجي وي روحي انتي منو واحاجيج
ايه: همم هزيت راسي ورحت فرشت فراشي وتغطيت ونمت
بس ما كنت مرتاحه ل اول مره انام يم ولد بنفس الغرفه حسيت كأنما مخنوكه حتى مااكدر اتحرك براحتي مثل كل يوم
كعدت الصبح على صوت ابو احمد
واكف بلباب
علي : ايه يلا كومي
ايه: بس شويه واكوم
علي: هذا ابوي بلباب كومي يلا ضمي الفراش لا يشوفه ومااريد احد يعرف بهل شي
ايه : -خوش
علي : يلا عدلي نفسج مو جنج جبار عود هم حاسبه نفسج ع البنات
ايه: باوعت لنفسي بلمرايه صدك كفشتي شكبرها  ميلام
وتراكي مفتوح صاير صفح يمكن جنت بمعركه مو نايمه
ايه: دور وجهك
علي : ليش
ايه : اريد ابدل شنو ليش
علي : ديلا بسرعه
ايه : لا تباوع
علي : مااباوع يا بنت شنو اباوع ياريت عندج جسم مثل البنات
ايه؛ اي صح كلامك وضحكت
علي: شنو هاي كله اي معقوله تكول هذا مخبل وخلي أخذه على كد عقله
ايه: بدلت على السريع واني مخليه وجهي بنص الكنتور
لكن المفاجئه
ايه ؛ يلا خلصت بعدني درت وجهي وشفت علي يباوع الي وصافن بيه
لك انت شنووووووو ليش تباوع مو عيب عليك مو كلت مااباوع
علي: مااريد أبواع هنه عيوني دارن عليج وحدهن
ايه : ترا انت ما تستحي بكل عصبيه حجيتها
علي: نصي صوتج بنت الكلب لا يصير غير حجي مو اكول خطيه بس الظاهر انتي ماتجين اله بلعين الحمره
ايه: انت بديت ترا من البارحه متحملتك وكله اكول اي ليش تسرق النظر وتباوع الي
علي: ؛والله بكيفي شريد اسوي اسوي غير انتي مرتي
ايه: اي اي مرتك يلا كافي خلي نطلع عيب من ابوك
علي: يلا عود ابتسمي لا تطلعين بهذا وجهج
ايه : اي انت سوي عمايلك واني ابتسم
علي: بلا لغوه
طلعنه وام احمد باركت ألنه هي وابو أحمد والبنات
رحمه + ناز: الف مبروك ايو عود تعالي ويانه
اني جاوبتهم : الله يبارك بيكم وابتسمت الهم
ابو احمد: ها خلصت
علي : اي يأبه كلشي تمام
ام احمد: الحمدلله أن شاءالله نشوف أولادكم
علي : -الله كريم
رحمه: ها شنو الاخبار
ايه: سولفت الهم الصار
ناز: أو هذا شكد قنقينه عوع
رحمه: يلا بعد احسن الها خليها فتره وواحد يحب الثاني مثل الافلام
ايه: بكل غباء تتوقعن هل شي
علي : اي يمكن انتي تحبيني بس اني مراح احبج
ايه + رحمه+ ناز: عليييييي ليش تتسمع النه مو عيب
علي: اي مو اني قنقينه وما انحمل اكيد اسمع الجن
بعدين ها سمعت ايه تحبني بكل حقاره حجيتها
ايه: لا ترا  اني مااحبك بس اريد اتخلص منك
علي : اوعدج راح تتخلصين مني بكل سهوله وغمزت الها وطلعت
ايه: هذا شبي
رحمه: طابكات الحار والبارد عنده
ايه : يعني شنو
ناز: يعني كهرباء عقله طابكه ومنفجره
وضحكنه هنه ضحكن على فهاوتي اكيد واني على علي صدك طابكات عنده الفيوزات