فصليه الظلام والنور

...

ماذا سيحدث مع ايه يا ترا ماالذي سينتظرها
هل ستنجح ام ينقلب كل شيء رأسٍ على عقب
احيانا التهور واتخاذ قرارات طائشه أننا نظنها من صالحنا لكن نقع فيها فيما بعد  يجب أن تكون حذرين في كل خطوه نخطوها في حياتنا نحن هنا في هذا الحياة للتعلم من اخطائنا لكن اتمنى أن لا تقع اي فتاة أخرى بمثل ما وقعت فيه ايه  ونتعض من القصه وانو دائما حبل الكذب قصير

بعد مرور أسبوع وبعد ذهاب علي إلى أربيل ويشغل باله كثيرا بتفاصيل ايه وكيف له أن يستطيع ابقائها اكثر ..... اخيرا علي قرر أن يفاتح ابيه بموضوعه ويريد أن يخطب ايه 

راح تكولون شنو راح يصير ايه اكيد راح تنكشف هسه

يلا تعالو نكمل القصه ولا تشغلون تفكيركم بتفاصيل القصه

رحمه: وره تفكير كثير اني خفت انو علي إذا اكتشف شنو راح يصير وشنو ردت فعله اني ورطت ايه
ناز: كتلج من البدايه هل شي غلط بس لازم تكمل بي وخليها تتحرر من هذا القيد خليها تعيش حياته حتى لو كان هل شي صعب عليها وخليها تواجه مصيرها واحنه وياها مراح نعوفها
رحمه: الله كريم  يارب يسهل علينه بكل خطوه
ناز: امين يارب
ام احمد : ايه تعالي بنيتي
ايه: اي عمه اجيت
ام احمد: ايه انتي من اول مااجيتي ولحظ هذا اليوم اني مخليتج براحتج وحالج حال بناتي لان اني اخاف الله ومااريد اضلمج اكثر مثل ما نضلمتي بسبب انتي مالج اي ذنب بي
وهسه صار لازم يترسم زواجج انتي وعلي مايصير تضلين ببيتنه هل شكل
ايه: بس عمه والله مامستعده لهل شي وعلي مامتقبلني ميريدني
ام احمد : اذا مايريدج هسه بعدين يريدج ويحبج وتصيرين ام بيته
وحتى لو مااتقبلج جيبيله ولد وروحي ل اهلج  واحنه احمد يرجع النه
ايه: بكل غباء شلون احمد يرجع وهو مات ؟؟؟
ام احمد: اي صح ابني مات بس انتي راح تجيبين احمد ثاني بدال احمد الراح.
ايه : أن شاءالله عمه الله كريم
عفته ورحت للبنات
رحمه: ها ايه شنو رادت امي
ايه: سولفت الها كلشي
ناز: احسن قرار هذا تخلصي من هذا الجحيم احسن الج
ايه: ضليت ساكته بدون اي ردت فعل وكأنما لعبه واحد ياخذني وواحد يرجعني واني شنو قراري طيب ياربي ليش خلقتني اذا بهل شكل حياتي انت مقررهل وكاتب عليه اصير قربان مثل الكبش بدون مااكول اي أو لا
يارب مو انت الرحيم ارحمني وخلصني
مو انت الكريم اكرمني خلصني من هذا السجن 
ضاعت كل احلامي كل ايامي كل فرحي وطفولتي
ليش مااكدر اعيش حالي حال اي بنيه بهل كون ليش بس احنه العادات قضت علينه وعلى احلامنه وطموحاتنه ليش يا اللهي يارب اني مالي غيرك اريد تساعدني 
بعد ما شبعت بجي  اباوع ع رحمه وناز شلون يبجن وياي وهنه ساكتات حسيت على نفسي شلون اكسر الخاطر هيج اني يصير بيه وزدت من البجي أطنان
ناز: عمري ايه والله احنه خواتج ووياج لا تخافين الله هسه يفرجها
رحمه: ايه هسه يمكن يصير شي يغير مجرى الأحداث
ايه: أن شاءالله

يلا كافي بجي نروح على علاوي السكران 😂😂
لا اشاقه بطل سوالفه
علي: يابه اريد افاتحك بموضوع
ابو احمد: اي تعال وليدي شنو عندك
علي: اريد أخطب صديقة رحمه اني شفته كم مره وعجبتني وهي خوش بنيه شنو رئيك
ابو احمد: ابني اني اعرف بيك مامتقبل ايه بس هذا الشي مراح يصير ماتخطب اي بنت وانت على ذمتك مره شنو ناقصها حتى تعوفها
علي: هاي اخوها قاتل تعرف شنو قاتل قتل أحمد قتل اخويه وسندي بلدنيا قتل ابنك واول فرحتك
شلون اتقبلها شلون تكون زوجتي
بين على ابو احمد  الانكسار والتعب بعد كلام علي وصح كل الحق وي علي بهذا رئيه
ابو احمد :  هذا القرار نهائي ماكو اي زواج يصير بهذا البيت اذا ماتكمل مراسيم زواجك من ايه وبعدين التريده يصير
ايه: كلام علي مثل الصاعقه النزلت على راسي شنو هل ورطه شلون راح تنحل
رحمه: بخوف اني كله مني شأسوي هسه اني ورطتج ايه
ايه: اخ اني من ضيم لضيم شلون بيه
ناز: تعالن نصعد كافي علي لا يشوفنه وهو اذا خله شي براسه راح يسوي

ايه: يلا شنو راح نسوي بعد هل ورطه 
رحمه: خلي نسولف ل امي على الصار وهي تساعدنه
ناز؛ لا شنو هيج راح تكبر مانسوي هيج خطوه
ايه : اني ضليت لا انطي ولا أخذ بس ابجي
موقف ماانحسد علي
ساعه احس بلقوه وساعه اكول لا اني قويه وكدها

رحمه: خلينه  نغلس على الوضع شويه ما نسوي شي ونشوف شنو يصير

ناز : خلي يهدء الوضع بس نشوف أبويه لازم مانخلي يوافق على كلام علي

رحمه: اني اروح ادرس شويه 
ايه: اي روحي انتي تأخرتي هاي الفتره بسببي
رحمه: لا يمعوده غير اني ورطتج
ايه ناز رحمه: ضحك جماعي صار مدري على شنو ضحكنه يمكن على غبائنه 😂😂😂
المهم

رحمه: بعدني استوني طلعت من باب الغرفه
حسيت شخص سحبني بسرعه
علي : رحمه. اسكتي تعالي بسرعه وياي
رحمه: وين
علي: امشي لغرفتي
رحمه: عرفت انلاصت  السالفه
علي: رحمه الكلام البيناتنه مراح يطلع بره
رحمه: اي اكيد علي كول شنو صاير
علي:  اني احب صديقتج رغم اني مااعرف اي شي عنها
كوليلي هي مرتبطه لو لا
رحمه: سكتت وبكلبي كلت أي هاي فرصتي راح اغير كلشي هسه
.
علي: لا تسكتين احجي شبيج
رحمه: علي البنيه نخطبت ل ابن خالها قبل فتره وهو هنا بلعراق لهذا السبب اجت يمنه ومابقت يم بيت خالته
علي: شنووو تحجين صدك. انتي
رحمه: اي علي هذا الصدك وانت لازم تتقبله انت ليش ماحجيتلي من البدايه ليش هسه
علي : يلا روحي اطلعي بره واذا أسمعت شي كالت أو واصل للبنيه اكسر راسج
رحمه: لا ابد ما يطلع اني اروح ادرس
علي : ولي مامنج فايده غراب البين
رحمه : سويت نفسي ضايجه
بس طلعت من باب الغرفه ضليت اركص .