بعد مرور يومين
.
.
.
.
علي: مجان بالي دائما انو اي شخص بلدنيا يكدر يضحك عليه وعلى عقلي ويستصغرني هلكد
اني الناس تحسب الي الف حساب تالي خواتي يضحكن عليه وهل بنت الداهيه
اكيد اخوها قاتل هي شتطلع نفسه ميمونه
مدام هي رادت هل شي اني راح اسوي واكسر رأسه
ادم: علي صلي على محمد يا اخي مره واجتك بلاش صدك جذب وانت اصلا ابو نسوان استمتع كم شهر وعوفها حاله حال الباقيات
علي: لا مو نفسهم هاي فصليه قذره اخوها سبب دمار عائلتي
ادم: علي اذا تريد كلمة الحق البنيه مالها ذنب ب اي شي صار هي ضحيه
ولازم تاخذ قرار مصيري بحقها
علي: ماادري محتار
ادم: علي انت مو جنت معجب بيها وتحبها وصارع راسي بيها ليش من عرفت بيها زوجتك ما تقبلته
علي: خلي تولي هل كذابه رادت تطيحني بأكاذيبه واسلوبه
ادم: لا هل شي غلط هي طفله وتصرفت بطيش ورادت تخلص نفسها من هل ظلم
علي: ليش ادم يا ظلم اني ماضلمت أحد وصح اني حبيتها بس ما حبيت ايه نفسها حبيت الكذبه ويعني هذا الحب كذبه ومراح أعيش ويه هيج اكذوبه
ادم: اني العليه نصحتك واذا متريدها لا تعذبها مجرد خليها زوجه الك جيب ولد منها وعوفها
علي: الله كريم اني اشوفلي حل لها مصيبه هاي
ادم : يلا اني اروح للبيت فيمالله
علي: بحفظ الله
ملاحظه( ادم صديق علي )
....*
ايه : اني تقبلت هذا الواقع المرير من اول يوم اجيت بي لهذا البيت
رحمه: ندري انتي مالج ذنب وانتي راح تترسم علاقتج ب علي وترحين افرحي ايه لا تحزنين احنه خواتج وياج كل العمر
ناز: ابو حبيبي هذا اختبار من رب العالمين واريدج تنجحين بهذا الاختبار واحنه سند الج هنا والكل يحبج ماعدا علي
ايه: وهذا المخوفني البارحه يكول لو اشنقه محد يدخل
رحمه: لا بس لان معصب ماح يسوي شي اصبري والله كريم
..
..
..
..بعد مرور شهرين
ابو احمد: ايه بنتي تعالي يمي
ايه: -بلي عمو جايه
ابو احمد: ايه انتي من اليوم الوصلتي بي لبيتي هذا واني دائما حاسبج نفس بنتي ويمكن انتي محضوضه بهل شي لان اغلب الفصليات ينهانن وينذلن وكل شغل البيت عليها حتى الطفل الزغير يشيخو عليها ويبقى يضربها وتسوي اي شي تريده بدون ما تكول اخ واذا كالتها يكتلوها ويزودون عليها الظلم بس اني مو هيج اني رجال اخاف الله وحكم العشائر اقوى حتى من القانون هذا العراق مثل الغابه من اجدادنه واجداد اجدادنه هاي اعرافهم والمره مالها اي كلمه بس هسه الوضع تغير والتفكير هم تغير واني ماسويت هيج شي ولا خليت اي شخص يتعرض الج أبداً وهسه اريدج تكونين قويه وتحتوين ابني وتتحملينه المسؤوليه هسه على عاتقج واني نفس ابوج واي شي تحتاجينه اني حاظر
ايه: عمو والنعم منك انتم ما قصرتو عليه بشي وحتى البنات معتبراتني اختهن الثالثه والتريده يصير
ابو احمد: بارك الله بيج بنيتي بأجر ترحين انتي وناز وام احمد تجهزون للعرس احنه مراح نسوي عرس اوانتي تعرفين الأسباب كلها لكن اني راح اجهزج مثل العروس الطالعه من بيت ابوها
ايه: رحم الله والديك عمو ابد ماقصرت وياي وماااعرف شلون اشكرك
ابو احمد: هذا واجبي وانتي هسه منه وبينه بارك الله بيج يلا روحي أخذي راحتج
ايه: سكتت ورحت كعدت واني الحسره اكلتني ودمرت قلبي المكسور
صح هاي العائله احتوتني بس اني ماكنت احلم بهيج حياه ولا عرس مثل باقي البنات كولشي راح من أيدي بس الحمدلله على كل حال اسبوعين وتم العرس اجه سيد مره الخ عقد النه بس هل مره اني وافقت بنفس راضيه مو مثل اول مره ب الإجبار
اشتريت فستان ابيض كلش حلو ويا عقد كرستال وتراجي طخم كامل بس جان مناسب لوضعي
رحمه خلت الي مكياج وتعديلات العرس كامله البنات ساعدني بيها
من زفوني ل علي سمعت هلاهل بس بصوت ناصي من ام احمد
لكن الصدمه :
علي طلع من الغرفه وكال ولا صوت عبالكم فرحانين مزوجين ابنكم
ترا دم احمد بعده مايبس احمد راح منح وانتي تهلهلين ها يمه وابنج وتعبج وكبرتج نسيتيها
ام احمد: بدموع وانكسار لا يمه ما نسيت بس احمد راح يم رب كريم وانت اليوم عريس واريد افرح بيك
علي: افرحي افرحي يمه منو لازمج
رحمه: دموعي نزلن وحدهم بعد كلام علي لكن انكسار امي وحتى فرحتها المزيفه ما كملت جنت اتمنى اشوف أمي فرحانه فد يوم من الأيام بعد وفاة احمد لكن ماشفت ابتسامتها ابد القوه التظهرها السنه وتماسكها هذا كله يروح من تكعد وتحجي وي صور احمد ومن تدخل غرفته وتشوفها بدونه الم امي محد راح يعوضه ابدا ولا واحد راح يجبر بخاطرها
بس اني رحت وواسيتها
يمه احمد مايقبل تبجين وتأذين نفسج احمد هسه فرحان بزواج علي
حتى لو علي مجان قابل بهاي الزواجه
ام احمد : اي يمه عمت عيني على حمودي اخوج يمه يا شمعت البيت ونور عيوني يايمه كلبي نفطر بغيبتك
رحمه: يمه فدوه كافي والله احمد راح يزعل عليج خلص هذا قضاء وقدر واحنه مراح ننسه وجوده هو عايش بداخلنه
ام احمد: يلا يمه كومي روحي اوكفي وي أخوج وشوفي شنو يحتاجون
رحمه: صار يوم بس يلا كومي امشي وياي
ام احمد : اني جايه وراج
... نكمل لاحقاً اتمنى لكم قرائه ممتعه(حنين العصيميه)
BẠN ĐANG ĐỌC
فصليه الظلام والنور
Bí ẩn / Thrillerفي ليله ما نظرت إلى السماء فشعرت بلرعب والخوف اصاب قلبي الرجفه وإحساس حدوث شيء غريب من نوعه لم أكن اعلم أن كل هذا سيحدث لكن تلك الليله كان القمر يتلئله مثل الالماس ابيض بدقه عاليه السماء ظلام دامس وكأنها ليله من ليالي المستذئبين
