رواية أهني بك حياتي يا قمرها .. وأهني بك عيوني يا نظرها ..♥️

البارت الحادي عشر

البارت الحادي عشر ..~..
______________________

رفعها عن الارض وسدحها على الكنبه اللي بمكتبه وطلع ونادى العسكري اللي عنده
: سم
بهدوء : روح لأقرب مكان للعبايات وجيب عباية وحجاب بسرعة
: تآمر امر
دخل وقفل الباب عليه وجلس عالكنبة رافع راس جوري وحطه على فخذه ... وهو يحاول يصحيها : جوري ،.... جوري ... حبيبي .. يلا قومي ... اصبري بس شوي الله يخليك حضنها لصدره ودمعت عيونه .. قرت عيني ياخوك ... فقدتك يا عينه
شد على اسنانه بقهر لما بعدها ولاحظ الاثار اللي عليها واثار الجرح اللي برقبتها تنهد بضيق
ورجع ظهره سانده عالكنبه وظل يفكر فيها وبس
وبعد مرور ثلث ساعة رفع راسه على صوت دق الباب وقف ونزل راس جوري على الكنب
ومشى وفتحه وشافه العسكري : سم طال عمرك
خالد بجدية : عمم على الموجودين كلهم اللي هنا اللي شفتوه ينمحى من ذاكرتكم ولا كأنكم شفتوه ولا أبي اي احد يتكلم عن اللي صار ان كنتوا تبون تحافظون على وظيفتكم
العسكري : ابشر
..
اتجه لها ولبسها العبايه اي كلام ولف شعرها بالحجاب وحملها وطلع من المكتب طالع فيها من المركز لسيارته وحرك رايح للمستشفى ...
___________________

وفي المستشفى..~..

بعد قرابة الساعة فحصها الدكتور وضمد جروحها ولف شاش على رقبتها بعد ما عقم الجرح اللي فيها وعلشان يخفي الاثار اللي مشوهتها
طلع لاخوها : انت قريب المريضة جوري ؟
خالد: ايه نعم طمني ؟
الدكتور: حالياً اختك بخير ضمدنا جروحها وعالجناها واعطيناها مهديء لانها تعاني من خوف شديد مما ادى الى ارتفاع في نبضات القلب عندها
الحمدلله على سلامتها وما تشوف شر
خالد: متى تطلع ؟
الدكتور : الان هي نايمة اذا صحت وانتهى المغذي تقدر تطلع من المستشفى
خالد بجمود : طيب عطني تقرير بالاثار والضرب اللي على جسمها ابي اثباتات
الدكتورة هز راسه بتفهم وراح

....
____
بعد ما صحت ظلت صامته ما رضت تتكلم حاول فيها تنطق كلمة بس ما تكلمت ولا حركت شفايفها حتى ....
وانتظر الى ان انتهى المغذي وجات الممرضة وشالته عنها ناظر ايدها وعلامة زرقاء تاركها المغذي خلفه مزينه كف ايدها ساعدها تلبس عباتها وتتحجب وطلع معها ماسك ايدها وساندها ركبها السيارة وركب وحرك رايح للبيت
_________
بعد فترة وهو يمشي بالطريق
وصل لبيتهم التفت لها وشافها سانده راسها عالشباك ونايمة تنهد ونزل واتجه لها دق على الشباك علشان تتعدل فتح الباب وشالها بهدوء أما هي بصمت سندت راسها على صدره وغمضت عيونها بذبول وبكل انكسار نزلت دمعه من عيونها
......
دخل فيها للبيت وقابل ابوه وهي بين ايديه
ابوها بخفوت : شفيها؟ وين لقيتها ؟
خالد : بعدين يبه ابي ادخلها غرفتها ترتاح
دخل لغرفتها حاملها قرب من السرير وسدحها ثم لحفها ونادى على رحيمه
رحيمه : نعم ،،
خالد: بدلي لها ملابسها واجلسي معها
هزت راسها بطيب ودخلت وهو طلع من الغرفة وراح لأبوه اللي جالس بالصالة العلوية ينتظره
وجلس جنبه بصمت ..
ابوخالد : وين لقيتها
خالد : هي جاتني المركز هاربه من اللي خطفها
ابو خالد شد على اسنانه بقهر : المستشفى؟
خالد : وديتها يبه معها انهيار ونبضات قلبها مختله ومضطربة
أبوخالد: سوا لها شيء ؟
خالد بلع ريقه : فيه اثار بس ماندري ما تكلمت ولا قالت شيء اذا سوا لها شيء او لا
ابو خالد وقف : تروح المستشفى وتجيب لي دكتورة نساء وولادة وتدفع علشان تسكتها والا راح تقعد تدور ماراح تلقى من يتصدق عليها حتى
خالد بجمود : ابشر
ابو خالد: كلم اخوك وقول له بعد الدوام يرجع ماله داعي يحوس مثل كل يوم
خالد: ابشر وين بتروح
ابو خالد: باخذ لي غفوة
خالد: ماراح تمر على جوري
ابو خالد : لا
خالد عقد حواجبه وتنهد بضيق وهو يشوف انكسار ابوه وقف واتجه لجناحه ودخل لغرفته وشاف زوجته جالسه عالكنبه وبيدها كتاب وقفت بتتكلم معه اشر لها بصمت انه مافيه حيل حتى يرفع شفايفه تفهمت وضعه ورجعت جلست وهي تشوف ينسدح عالسرير ويتلحف هي لحظات حتى حست انفاسه انتظمت وناام بكل صمت
________________________

صباح يوم ثاني .....
دخل الغرفة .. والتفت يدورها وما شافها موجود استغرب سمع اصوات في غرفة الملابس اتجه لها ودخل وانصدم من اللي يشوفه شهق وركض لها ومسك يدها وبعصبية: يا مجنوووووونه
اخذ منها آلة الحلاقة اللي كانت ماسكتها وتحاول تحلق فيها شعرها مسك فكها ولفه حتى يشوف الجهة الثانية من وجهها فيه جرح قريب من اذنها بسبب سوء استخدامها للآله مسك يدها وسحبها لبرا الغرفة وجلسها عالسرير ومسك اكتافها : خليك هنا ولا تتحركين مفهوم ؟
جوري هزت راسها بضعف وانقياد
تركها وهو يتنهد بقهر وطلع من الغرفة ونادا على رحمة وتكلم معها بعصبية بسبب مخالفتها لأمره انها تجلس معها ولا تتركها بس هي قالت له ان جوري هي اللي طردتها ومنعتها عن مساعدتها بأي شيء
خالد بعد صمت : طيب روحي جيبي الاسعافات الاولية
شهقت بخوف : جوري
خالد بصبر: مافيها شيء بس روحي جيبيها بسرعه
صد عنها ورجع لغرفة جوري وتفاجأ وهو يشوف ابوه داخل الغرفة وواقف عندها بصمت وايديه ورا ظهره
قرب وهو يشوف نظراته لها جامده ومعقد حواجبه
خالد بخفوت: يبه
ابو خالد طنشه: جوري
رفعت راسها له ونظراتها فارغة من اي شعور ولا ردت عليه
ابو خالد: ابيك تجاوبين بكل صراحة ... لمســك،؟!
عقدت حواجبها من سؤاله وغمضت عيونها لفترة تحاول تذكر هو لمسها ما تذكر انه لمسها بس كان يهددها ويحاول بس هي تفلت منه للحظات حست انها باقي عنده وتعيش لحظات اختطافه لها بدت ترتجف بخوف وترجع لورا برعب وهي تئن وقفت وركضت لابعد زاوية عنهم وحضنت نفسها وظلت تبكي وتكرر : لا لا
انفجعوا من منظرها شفايفها زرقت وتتنفس بصعوبه ايديها على اذانها وتهز برعب وتكرر لا ولا
قرب منها خالد ومد ايدها بيلمسها لكنه انصدم منها لما بعدت عنه وهي تصرخ : ابعد ابعد عني اه اه
ما .. ما لمسني ... ما .. سوا ... شيء..... مـ مـ ما سـ سـ سـمحت له
توسعت عيونهم وهم يشوفونها وبكل ضعف وانكسار تهاوى جسمها على الارض فاقده وعيها تحرك خالد بسرعة وحملها وسدحها على السرير يحاول يصحيها بعد فترة بسيطة صحت وهي تحس بخمول
خالد بحنية: هااه كيفك الان ؟
صدت عنه وظلت تناظر للجهة الثانية
ابو خالد: شيلها وخلنا نوديها المستشفى وانا وراك يلا
خالد : تمام
شالها وهي مستسلمة بكل الم يسري بداخل جسمها ومشى فيها لبرى الغرفة
وابوه وراه يمشى بشكل سريع ومعقد حواجبه
ثانية ، ثانيتين ،، ثلاث ... حتى توسعت عيونه بصدمة وصوت خالد اللي صرخ بخوف : لاااااااااااا
__________________

انتهى البارت

تفااااعل؟

وكومنتات ..❤️
وش رايكم بالاحداث ..😉😉😉😉

توقعاتكم .. 😍
____________________