رواية أهني بك حياتي يا قمرها .. وأهني بك عيوني يا نظرها ..♥️

البارت الثاني والاربعون

٤٢/

: جوري ... جوري .. جوري
: همممممممم
: قومي صحصحي معي شوي
فتحت عيونها وشافت امينة جالسة جنبها وتصحيها ردت وبتعب : نعم
أمينة: الساعة الان ١٢ الظهر يا دوب يمديك تتروشين وتصلين وتلحقين على موعد الغداء
جوري صدت عنها للجهة الثانية وبخمول : ما ابي اكل وبعدين ما عليك صليت ورجعت انام
اذا جيتي تطلعين سكري النور والباب معك
أمينة عضت شفتها: لو علي يا روحي خليتك نايمة وما أزعجتك لكن السيد  ذياب امرني اصحيك يبيك تكونين متواجدة على الغداء
جوري : طيب عادي قولي له اني مو مشتهية
تكفين أمينة ما فيني حيل اقوم خليني في حالي
امينة تنهدت وبعدت عنها غمضت عيونها جوري وهي تسمع صوت الباب يتسكر بعد ما أمينة طفت أنوار الغرفة
ومع هدوء الغرفة وبرودتها استكانت كل جوارح جوري وتوها راح تغرق بنومها الا انفتح الباب والانوار عقدت حواجبها بغيض وغطت راسها بالمفرش وتكلمت وهي شادّة على اسنانها : أمينة لو سمحتِ ما ابي اغلط عليك ولا أبي اطول لساني قلت لك قولي لحضرة جنابه  ما ابي غداء على اساس ما تنفتح شهيته الا اذا كنت قدامه
هففففف
حست بشيء غريب يصير معها كونها معطيه الباب ظهرها ومغطيه راسها بالمفرش ثقل على اكتافها وايد انوضعت على خصرها من فوق اللحاف وهمس في اذنها : وحضرة جنابه جاء لعندك حتى تصحين وتستعدين لنزولك للغداء يلا قومي استعدي و وريني جمالك
شهقت برعب وفزت مبعده عنها المفرش نازله من السرير وتناظره بصدمة بلعت ريقها بتوتر وخوف وهي تشوف يعدّل وقفته ويتكتف : انا انتظر
جوري بهمس : ما ابي مو جوعانة
ذياب : حتى ولو اجلسي معنا عالطاولة
جوري بصدق : ما ابي اشوف اختك ولا اتقابل معها
ذياب : لكن مصيرك تتقابلين معها انتي واياها تعيشون بنفس البيت وانت ماراح تحبسين نفسك طول اليوم بالغرفة
جوري بضيق وصد : لا تجبرني قلت لك ما ابي
ذياب : طيب بس اليوم وبس عالغداء اذا ما شفتك نازله للعشاء دفنتك
صد عنها وهي كشرت وصارت تقلده بقهر : اذا ما شفتك عالعشاء دفنتك
ذياب ابتسم عالخفيف : ترا اشوفك
قمطت جوري وبهياط: مطلوب مني اخاف يعني
طنشها وطلع من الغرفة تاركها لوحدها مقهورة
انسدحت وهي سرحانه طرى على بالها ايامها القديمة كانت قوية ومتفرعنة لكن اشياء كثير صارت وهدت حيلها وأذتها وبكل تفكير طفولي أقتنعت انها ما صارت بهالضعف الا لما رجعت تحاول تتصرف بأنوثة وتترك تصرفات ولبس الأولاد علشان كيذا قررت وحسمت أمرها. ...

____________

على العشاء ...
في تمام الساعة السابعة والنصف ...
قصر ذياب
جالس ومتكتف وينتظر حضورها بعد ما أعطى خبر لأمينة تنادي على جوري تنزل
تنهد بغيض لما سمع خطوات جايّة من الدرج
دخلت جوري بدرعمة : السلام عليكم
سحبت الكرسي وجلست بكل برود متجاهلة نظرات الصدمة اللي تحيط فيها من كل جهة من ذياب وأمه مشاعل ورغد وأمينة منصفق وجهها ومتوترة ناظرت وجه امينة وكتمت ضحكتها كيف هي متوترة وشايله هم وهي مريّحة ولا على بالها
ذياب بلل شفايفه بغيض : جوري
جوري : هممم
ذياب : قومي بدلي ملابسك
جوري رفعت حواجبها : ليه وش فيه لبسي مو عاجبك لا سمح الله
ذياب بعصبية : ايه مو عاجبني ومن مين أخذتي الاذن حتى تاخذين من ملابسي وتلبسينها
مشاعل حطت يدها على فمها وتضحك بصمت واضح ان الأكشن بدأ وبقوة عند جوري
جوري رفعت حاجب وتكلمت بدفاشة : تراه كله لبس بلبسه الى ان اروح السوق اشتري لي على مقاسي
ذياب ارتفع ضغطه يعني مو بس اليوم ناويه تقضي حياتها بمثل هالستايل ناظر امه وأمه هزت له راسه بمعنى طنشها وكلمها بعد العشاء الكل موجود وما يصلح يصرخ عليها وواضح ان فيه شيء متغير فيها
ذياب تنهد: يصير خير
يلا سمّوا بالله وابدأوا
جوري بطفش : اخيراً ما بغيت تخلينا ناكل كنت بموت من الجوع
رغد باحتقار : يا ليتك متّي
قبل لا يردّ ذياب ويهاوشها انصدمت رغد وشهقت بصدمة لما حست بعصير البرتقال ينكب على وجهها ويمليها كلها بالعصير لان جوري اخذت چيك العصير وكبته كله على رغد غير مباليه لوجود ذياب قدامها
جوري ابتسمت وهي تشوف شكل رغد كأنها عصفور منتّف : بسسس هذا الشكل اللي يليق فيك كنّك طير منتوف ههههههههههههههههه
مشاعل ضحكت وماقدرت تسكت اكثر من كيذا شكل جوري وهي تضحك بشماته ونظراتها وطقطقتها فوق تحملها صارت تضحك وعيونها تدمع وهي تشوف ذياب يحاول يمسك ضحكته اول مرة تشوفه كيذا
أما ذياب فهو يعيش في حالة صدمة اليوم جوري من نزلت وهي تصدمه بتصرفاتها من لبس الى عباطه بردها وجرأة وقوة
رغد بقهر وقفت : أنتِ قدّ اللي سويتيه ؟
جوري ابتسمت وبسخرية : مادري يمكن
رغد صارت تتنفس بقهر وتفكر كيف ترد على جوري
جوري باستفزاز : يوووه بتصيح بتصيح روح الماما
رغد بصراخ: اسكتي وابلعي لسانك با بنت القاتل
جوري لما وصل الموضوع لأبوها كشرت حطت ايديها ورا ظهرها ومسكتهم ومشت لعند رغد ناظرتها بجمود : وش ؟ عيدي كلامك ما سمعت ؟
رغد : ايوا بنت قاتل لا تنسين ان ابوك قتل اخوي وزوّجك لأخوي ذياب كديّة عن قتله لاخوي مشعل
ااااااه
جمعت جوري قوتها كلها في ايدها وضربتها على وجهها كف لفّ وجه رغد حتى طقّت رقبتها من قوته
حطت ايدها على خدها بوجع : مجنونة ااااااااه اتركي شعري
مسكتها من شعرها وصارت تشد بأقوى ما عندها وتهز بكل عصبية : ايه بنت قاتل لكن لا انجاب طاري لي في اي مكان ارتفع راس ابوي فخر وحب لي أحسن من اني أكون قليلة ادب وأفشل وعبء ثقيل عليه
رغد بكت : اتركي شعري عورتيني
جوري ببرود: صدق ؟ تعورتي ؟ وهذا المطلوب ( وبعصبية) ان تعرضتي لي مرة ثانية والله أشوّه لك وجهك والله
دفتها عنها بعصبية وصدت بتروح لغرفتها لكنها صدمت بشيء قاسي رفعت راسها وشافتها ذياب يناظرها بصدمة : انت اليوم بايعه حياتك نازله بدون عقلك
حطت ايدها على صدره ودفته بكل عصبية : اييه حطيت عقلي في الغرفة ونزلت بدونه عندك مانع ابعد عن وجهي
رجع على ورا عالخفيف تقدم منها ومسكها من ذراعها بكل عصبية: وش صاير لك اليوم تصرفاتك وشفيها متغيرة اشتقتي للضرب شكلك
جوري بجنون : جرب ومد يدك اكسرها لك
توسعت عيونه بصدمة ظل متنح بوجهها مستغرب قوتها وعينها اللي ما نزلت عن عينه وهي تناظره بكل قهر وعصبية
اللي كانوا ورا جوري كلهم مصدومين مشاعل بعد ما كانت تضحك صارت تتابع الموقف بكل صدمة وتوتر
الأم جالسة وبحضنها رغد تبكي 
أمينة تجرأت وقربت من ذياب وبتوتر : عذراً استاذ ذياب اليوم جوري من صحيتها من النوم وهي متوترة ومعصبة اعذرها واعذر صغر سنها سامحها بس هالمرة هذه ..
ذياب : وان تمادت يا أمينة لابد للمتمردين من عقاب
جوري رفعت حاجب : بتحطني بالملحق ؟ يلا تبغى أوريك الطريق ؟ علشان افتك منك ومن وجه اختك البومة 
ذياب بخبث :لا طالما عاجبتك ما فيه عقاب فيها راح تتعاقبين في مكان ثاني 
لف على أمينة وبصيغة أمر : أمينة انقلي اغراض جوري كلها للجناح الخاص فيني
رفعت حاجب وبسخرية : على اساس انك حاطني في جناح خاص فيني فرقت يعني
مسكها من ظهرها وشدها لحضنه وهمس باذنها : صحح كان هذاك جناحك اما الان بتظلين بجناحي الخاص وحقوقي كلها ابيها منك كاااملة بدون ولا نقص
استعدي
دفها بدفاشه عنه وناظرها بخبث وصد عنها صاعد لفوق
.......
ظلت فترة واقفة مصدومة لفت على أمينة : ايش قال
امينه رفعت اكتافها بعدم اهتمام : انتِ اللي جبتيه لنفسك
جوري ركضت لفوق وبحدة : انتظر لحظة مو على كيفك.
دخلت للجناح حقها وشافته واقف عنده المراية : خير تغير الجناح انا ما ابي اغيره مرتاحة فيه
ذياب : اذا طلبت رايك تعالي عطيني اياه
جوري بقهر : ما راح اجي عندك وحقوقك روح دورها عند غيري ما عندي لك شيء
ذياب قرب منها بخطوات سريعه وهي انخرشت ورجعت على ورا بتوتر حاصرها بين ايديه وقرب منها وبهمس : هششش ولا كلمة عندك وعندك ..
ابتعد عنها وناظرها من تحت الى فوق وبحدة : لبسك هذا لا أشوفه عليك مرة ثانية
جوري ناظرته بقهر وفضّلت ما ترد علشان ما يقرب منها ولا يوتّرها ولا يسوي حركته اللي توّ سواها معها بتسكت عنه بس ما يعني انها راح تخضع له وبتسمع كلامه وتسوي اللي يبيه
__________________

انتهى الباااارت

فجّروا البارت كومنتات. ايش رايكم ؟

ما اشتقتوا لجوري القديمة 😉😉