الحلقة 4:
____ من جيهة و بالتحديد فالمدينة كان قاعد فالقهوة و يقرا في كتاب حاط نواظر مرجع شعرو ....محاس بحتا شي لا بالناس الي كل واحد فيهم يستنا فطلبيتو لا فالعيون الي كانت تراقب فيه ....فضت قهوتو ناض يجيب كاس خلاف .... سمع حس وراه دور لقا طفلة فوق راجل و في يد الراجل موس والناس تعيط ....بضربة وحدة منها دوخت الراجل الي كان كتر منها ...شافت معاه طاحت عينو في عينيها ..عينين كيما لبحر جامي شاف كيفهم بقات تشوف معاه ناضت خلات السيد دايخ و خرجت .
بقا مدة يفكر فيها و حاير واش صرا حتا ضربت الراجل و كيفاه قدرتلو وهي قد الكمشة ... و واش كان يدير بالموس .
كل الشي هذا جاه في دقيقة و مخلاهش يكمل قرايتو قرر يروح ل دار يدوش بالما السخون ....
وصل لدار فتح الباب دخل و راح يجري للكوزينة يشرب الماء .....طلع لبيتو نحا نواظرو و قشو راح حدا لمراية
و دور حتا ول ظهرو كاملة مقابلة لمراية ....بقا غايس في ظهرو ول خلينا نقولو في الوشم الي في ظهرو .....ويتفكر كيفاه جاه حتا لدرك وجيعتو مزالت في راسو .....اليوم هذاك مينساهش عيد ميلادو ال20 و درك راهو في عمرو 25 سنة . و الورقة الي وصلتو مفهم والو حتا لدرك ماصارت حتا حاجة ....تفسر لحوايج هاذو
وشم نار ......نار شاعلة تلهب و فوقها شمس ....
راح لخزانتو جبد الورقة الي باين عليها مخبية من سنين ......فتحها و قراها بصوت عالي ....
ماء/نار
ليل / نهار
شمس/قمر
صحرا / بحر
عيد ميلاد سعيد ......صقر
_____ بقا يتأمل فيها رجعها لبلاصتها و دخل يدوش ....طاحو قطرات الماء علا صدرو سخونين ...طول عمرو يدوش بالما السخون حتا لوكان يكون الصيف لازم الما يكون سخون يغلي ول ميرتاحش مع انو لوكان يدوش بالنار يكون أحسنلو ساعات يحس بالماء يطفيه يڠيسو ..... خرج من دوش لاف عليه منشفة و يشيح فشعرو لكحل ....جات فبالو
عينيها .شوافرها .شواربها كلشي فيها سحرو .....أول مرة يدقق في طفلة ...أول مرة في حياتو تجذبو طفلة شكون هي ؟؟؟؟؟ لازم تزيد تلقاها صقر مفهمتش علاش مي حاسها مني . من روحي .
_______
بعد مضربت الراجل خرجت ك تأكدت انو راح لدار .....
مستر اكس : برافو .... درتي مهمتك علا أكمل وجه كان علابالنا بلي راحين يستهدفوه ردي بالك . عسيه مليح لوكان تصرالو حاجة نتي راحة تموتي .
ندى : تسما لوكان يموت هو رايحين تقتلوني ؟؟؟؟
مستر اكس : هههههه لالا تموتي وحدك .
ندى : كيفاه يعني مزلت مفهمت والو شكون هذا ؟؟؟؟ وشكون انا و علاه جبتوني هنا ؟؟؟؟
مستر اكس : ماشي حنا يا بنتي هو الي جابك هو الي خيرك .
ندى : هو ؟؟؟؟ السيد ميعرفنيش كفاه يخيرني شفت مع عينيه اليوم ميعرفنيش
مستر اكس : كلش يبان مع الوقت كلش يبان هكا . روحي لدارك درك و ردي بالك .
_______
راحت وهي تحكي مع روحها.
شحال توحشت ايمان توحشت ماما بابا ...القرية زعما واش راهم يديرو ...يا ربي مفهمت والو من حياتي .....علاه في عيد ميلادي ظهرلي الوشم هذا علاه واش معناه ....... واش معنا السنة هاذي؟؟؟؟ وعلاش1938 واش الي صار فالعام هذا ؟؟؟؟
لازم نعرف لازم نكشف السر هذا ....الي علابالي بيه انو لازم نحرس السيد هداك .... مي علاه نحسو قريب مني ..مزيا جا مليح اه وشلي مليح يهبلل .....لازم نعرف واش اسمو ا ....
صقر 💕
