الحلقة 51:
عند صقر وندى :
....بعد مكل واحد فيهم اعترف بحبو للأخر ...بقاو محضنين بعض ...فجأةً جبدت روحها عليه بزربة
صقر : واش كاين ؟
ندى : تفكرت حاجة .
صقر : ممم وشنو .
ندى : عندي شحال مرحتش نقرا .
صقر : هههه وقتها درك تتفكري ...ارجعي لحضني .
ندى : هههه لالا ....
صقر : قتلك ارواحي ..
....ناضت تضحك و هربت تجري ...راح يجري وراها اما ملحڨش عليها ...هدر مع روحو .
صقر : مانيش غالط ...ارنوبة هههه قالو قراية قالو .ياو انسايها .
________
عند هناء و ايمن :
بعد ماراحت نيهان و نزيم ...
هناء : مرسي ايمن لوكان مجيتش سلكتني راهي قتلتني .
....شاف معاها شوفة تقتل و قال .
ايمن : شوفي ..شوفي فيا مليح لوكان نزيد نشوفك بحداها ...ول نعرف بلي كاش ما قلتي ..متلومي غير روحك ...نكمل الي بداتو هيا ..
هناء : وعلاش ..شكونها باش راك دافع عليها ...هكا و انا علاش مدافعش عليا .
ايمن : نتي متهمنيش ..اما هي تهمني ...
.....بعد كلامو هذا ...عينيها دمعو ...
هناء : خلاص من اليوم منزيدش ندور بيك .
.
راح وخلاها ....دخل لعيادتو ويهدر مع روحو .
ايمن : ممم نتمنا ميكون صرالها شي....
__________
عند ايمان و ادم :
بقات قاعدة فدار تخمم فيه .....فيبالها الي هو مراهش تم .
ادم : حايب نفهم كيفاش تصفي ذهنك هكذا .
ايمان : نصفي ذهني ؟؟؟
ادم : ايه يعني مراكي تحسي بوالو ...
ايمان : ممم موهبة من الصغر .
ادم : تروحي معاي ؟؟
ايمان : وين ؟؟
ادم : لبحر .
....بعد ما قال كلمتو عينيها برقو ....
ايمان : اكييييد ...استنا نطلع نهز واش نحتاج و نجي ...متروحش نقتلك الا رحت بلا بيا ....جات رايحا دورت ليه .ضحكت وكملت طريقها .
بعد مطلعت بقا يهدر وحدو .
ادم : بحر !!! ههه حط يدو علا قلبو وهدر ...مليح قلبي ول يتحكم فيا خلاص ...وقت بحر درك ...طلع لبيتو يتبسم ..صدر حوايجو وهبط لقاها تستنا فيه وتضحك .
ايمان : نروحو ؟
ادم : تفضلي ...
كان حاس بفرحتها ....اما الشي الي حتا لدرك مقدرش يفسرو وعلاش راهو يعمل هكا ...حبيتها يا ادم ؟؟؟..اما انا منعرفش نحب ...كيفاش تجي الفرخة هادي وفي دقيقة تقلب كلشي فيك .
__________
عند نيهان :
مسحت دموعها ....ردت عليها امها ....
خ.حنان : يا بنتي ....راني عارفة و حاسة بيك ..اما المشكل ماش في انو حبيتيه ...المشكل انو نتي مراكيش حاسة بينا ...مراكيش حاسة بخوك ...واش ذنبو و واش ذنبي اذا احنا لقيناك غارقة بدمك ...علاش،؟ من غيرتك عليه ...تغيري تقتلي روحك ؟؟؟ عارفة الي انتي اكثر وحدة تعذبتي من موت باباك الله يرحمو ...اما متنسيش انا خسرت راجلي ...حياتي روحي ...اما بقيت واقفة ..بقيت واقفة علاجالك نتي و نزيم ..خاطر نحبكم ..خاطر نحبو الله يرحمو بقيت واقفة ..لوكان قتلت روحي رايحين تكونو بيان ؟؟؟علاش مخممتيش في نزيم الي بعد ما مات بوك تحمل مسؤولية فوق طاقتو ...مقدرش لابغة يحزن ...محبش يبينلك ..حابك تكوني قوية ..فاللخر يروح الي دارو وتحملو كلو هكيك ..علاش ؟ علا خاطر ختو عشقت ...اما معرفتش كيفاش تعشق .
كان يسمع فيهم ورا لباب ....مقدرش يحمل قلبو يوجع فيه ....قرر انو يدخل يحكي معاها .
طبطب و دخل .
شافت معاه وعينيها مدمعين ...
نزيم : ماما معليش تخلينا وحدنا ؟؟؟
حكمت في يد امها وقالت .
نيهان : متروحيش ...
اما امها مسحتلها دموعها وراحت .
نزيم : نيهان . علاش راكي خايفة مني ؟
شفت معاه وردت .
نيهان : خاطر تحبسني ...تديني لسبيطار لمهابل ...تعيط لهيثم ...
نزيم : خاطر نخاف ...نخاف نخسرك ..خايف عليك ختي ..خلاص مراحش نقلك انسايه ...اما بدليها بدلي طريقة حبك ليه ..خمي فينا ...ماشي لازم الي نحبوه يحبنا ...قوليلي جربتي رحتي عندو خبرتيه بواش تحسي ؟
نيهان : لالا .نخاف .
نزيم : متخافيش ...الحب حاجة تطلعك لفوق ...حاجة تفرحك ..تشوفيه يضحك تضحكي ...تشوفيه فرحان تفرحي ...تشوفيه مع وحدة اخرى تتعدبي اما متموتيش ....كاين عباد فالدنيا هادي يحبوك ...نتي الي جبدتي روحك لتحت خلاص ...ماش حبك ليه ...
نيهان : عارفة ..اما كقررت نقدم منو ...جبدتني نزيم ...نتا الي جبدتني لتحت .
نزيم : توعديني ..توعديني لوكان يصرا شي ...مراحش نزيد نلقاك عملتي لروحك شي ؟
شافت معاه مسحت دموعها و قالت .
نيهان : وعد ....
نزيم : نوضي مالا وروحي عندو ...
ناضت بجريا ....اما رجعت حضنت خوها وقالت .
نيهان : نحبو صح ..نعشق فيه ....اما نتا وماما كلشي في حياتي ..
حضنها وردلها .
نزيم : ومتنسايش ليوم تنعسي معايا .
نيهان : هههه داكوغ .
.
بعد مراحت تغسل وجها ..هدر مع روحو .
نزيم : راح نمدلك فرصة يا نيهان ..اما لوكان شفتك تتعذبي ...نرجعو للأول
ايمان💕
