الحلقة 49 :
هز روحو طيااارة ليهااا .....كل الي دارو راح يروح هكيك .....كلشي عملو علاجالها راح ..يروووح ...ملازمش يخليها تقرب منو ملازمش،.....عيط لهيثم .
هيثم : الو ؟
نزيم : هيثم تهز حوايجك وتروح لداري بزربااا .
هيثم : خير نشاالله نيهان بيها حاجة ؟
نزيم : دير الي قتلك عليه .
.....كوپا عليه وكمل طريقو .....عينيه رايحين يخرجو من الزعاف ....
نزيم : وعلاه يا نيهان وعلاه .....
.
كانت برا تمشي راجعة للعيادة ...حبستها .
هنا : شكون نتي ؟؟؟و واش راكي ديري حدا حبيبي .
نيهان : حبيبك هههههه .
خلاتها وكملت تمشي ....
هنا : اي ...اسمعي ...حكمتها من يدها ....وقالت .
هنا : شوفي منيش ناقصة ق*** كيفك ...تهزي روحك و طيري ...
نيهان : كون منطيرش واش ديري ؟؟؟
هنا : تحبي تشوفي ؟؟؟نقتلك .
نيهان : هههه والله ارواحي مالا ...
بدات تضرب فيها وتكركر فيها من الشعر ....وهي تهدر ...راكي تقولي حبيبك ياك ...درك نشوف حبيبك فيك .....ياو هذاك تاعي ...تاعي انا ....
..... سمع لعياط برا خرج يجري ....لقا هناء و نيهان يضاربو ....
راح يجري يفرق بيناتهم ...مع شافتو دارت روحها تبكي .
هناء : ايمن ....قتلتني ...ايمن شكون هادي المتوحشة ...شوف واش دارتلي ...
جات تسوطي عليها ..اما حكمها من يدها ...طاحت عينها في عينو ....عينيه هكذا ....يخوفوها .
نزيم : ارواحي معايااااا درك ...هزي حوايجك و لدار.
نيهان : اما ....
نزيم : ازربيييي
عيط عليها بكل صوتو ....ايمن جا يحكي شاف معاه نزيم وهدر ...نتا بدات متهدر والو ....معندك حتا دخل .
راحت تجري للعيادة وتدعي في ربي انو معرفش ....
نيهان : يا ربي خليني قريبة ليه ..برك ...يا ربي
.
ركبها فطاكسي وديمارا ....طريق كاملة وهو ساكت ....وصل لدار خرج ...وخرجها ...حكمها من يدها و يكركر فيها .
نيهان : نزييم ...اي ..راك توجع فيا ...
طبطب، فالباب حلتلو يماه ....شافت حالتهم تخلعت .
م.حنان : واش كاين واش صرا ؟؟؟؟علاه عيطت لهيثم ؟؟؟
شافت معاها وزادت معاه وهدرت .
نيهان : هيثم ؟؟؟؟لالا. ...لالا نزيم تعيش خويا لاااا .
باقي ساكت وهي تخبط في روحها و تبكي ....ومها تبكي معاها .....
حنان : يا بني اطلقها ...خليها ...مكفاش واش صرا فيها ....اطلقها نزيم ...
....وصل لبيتها طيشها فوق السرير وعيط لهيثم .
نزيم : هيثم ....جيب لبيكورا وارواح .
هبطت تجري من سريرها تحضن فيه وتبكي لالا خويا تعيش مانيش حايبة ...والله ماراني مهبولة راني بعقلي ...علاش ديرلي هكا .
نزيم : انا كنت حاط في بالي بريتي منو ....اما كنت غالط ....مخليتش طبيب ديتك عندووو ...فيقيييي مراهوش حب هذاك راهو هوس ....
نيهان : لالا ....نزيم نحبو والله نحبوووو..خلاص منزيدش نعاود واش درتلكم ...منزيدش ..اما خليني بحداه ...تعيش خويا منقدرش نتنفس بلا بيه .....
قفل عليها الباب بالمفتاح وخلاها تخبط في روحها و تكسر فالدنيا ....سند راسو علا الباب وامو تبكي قدامو ....هدر ...
نزيم : سامحيني نيهان ...اما الحب الي يخليك قداه من مرة تحبي تقتلي روحك ...قداه من مرة نلقاك في دمك غارقة ....الحب الي ميحبكش ...ماش حب ...عذاب ...
م.حنان : كنت عارفة انو هو كنت عارفة ...لما سمعت اسمو عرفت ....تعرف انو آخر طبيب عدات عليه ...آخر مرحلة عدات عليها ...برات منو ...قال الطبيب ...مبروك بنتك راهي بيان برات منو خلاص ماراهوش كاين في عقلها ....رحت عندها خبرتها .....خلاص ابنتي ...خلاص من اليوم مكانش هبال ....مكانش دم مكانش بكا ...من اليوم واحد مراح يحبسك في بيت ويربطك بسناسل ...غير باش متقتليش روحك ..من اليوم بريتي .
تعرف واش قاتلي ؟؟؟ قالت : منيش عارفة نفرح ...ول نروح نقلو راني بريت منك !!!!
شفت عينيها ....عرفت انها خلاص،...مستحيل تبرااا 4 سنين من سبيطار لسبيطار ...عام فسبيطار لمهابل ...ولدرك مزالت مهبولة بيه ....كملت كلامها ب بكية ....بكات علا بنتها الي حبت ....حبت واحد مراهوش عارفها اصلا .....
...
طلع هيثم لقاهم يبكو .....هبطت دمعة من خدو ...عارف مليح صاحبو بواش عدا ....عارف مليح انو كيقفل عليها ول يحب يداويها ...علا جال مصلحتها ....خاطر هي معرفتش ....معرفتش كيفاش تحب ....
نطق بصوت مبحاح
نزيم : ادخل عندها ...مدلها البيكورا ..خليها تهدا ..نخاف لتقتل روحها ...
دخل عندها لقاها في نص البيت ....راسها بين رجليها ...وترعش ....كانت كلمة وحدة تخرج من فمها ...نحبوو ...نحبووو ...
دخل وراه ..شاف حالت ختو ...قدم ليها حضنها ...
كملت تحكي : نحبووو ...والله غير نحبوووو ...متقدروش ..متقدروش تنحوه من راسي ومن قلبي ....ولات تبكي وتعيط ....
تحرك هيثم ودربلها بيكورا ....تكلم بصوت خفيف ....
خلاص راهي نعست .
.
هزها وهو يشوف فيها ....عينيها لمنفخين ..دموعها ....شعرها الي تبربش .....هاذ الحالة الي كان و مزال خايف منها ....مراهوش عارف لكان الي دارو صح ....كبعدها خير ؟؟؟ حطها فوق سريرها باسها وخرج .
نزيم : يما عسيها بيان ....هيثم ارواح معاي .
..... دخلت لبيتها. ...لقاتها ناعسة ..كيف البيبي الصغير ...قعدت بحداها تعس فيها ...
_________
بعد ساعة ناضت .....راسها يوجع ...كلشي يوجع فيها ....دمعو عينيها وبدات تبكي ....وتقول .
نيهان : علاش ...علاش مراكمش حاسين بيا ؟؟علاش ...
شافت مها دخلت .....
قعدت بحداها عرفتها هدات .......حطت يدها علا خدها تمسحلها دموعها
نيهان💔
