الوشم

الحلقة 39

الحلقة 39 :

.....بعد ماراح مستر اكس و صقر ...
----- خرجت من الشركة عدات علا الريسطو جابت النيميرو تاع ماماها و راحت لدار ...
وصلت حلت الباب و دخلت ....راحت لبيتو قعدت في فراشو مفاقتش بروحها غير وهي ناعسة .
.
خلص الاجتماع خرج ..... لقاه في نص الطريق ...طلعلو الزبل ...راح عندو .
صقر : لوكان نشوفك برك دور وين هي متلوم غير روحك
راح وخلاه .
ركب فطاكسي ديالو وقلع لدار.....حل الباب ودخل ...حس انو الدار فارغة ...ستغرب

صقر : مازال مرجعتش ؟ ... طلع للبيت الي دارهالها ملقاهاش ...هز پورطابلو وعيطلها ....صونا صونا ...بلا رد ....تنارڤا ..وين راهي هادي ؟؟
راح لبيتو حل الباب ودخل .....حبس ...وهو يشوف معاها ...شعرها طايح مغطي وجها ..شفايفها حمر منفخين .....باين من وجها عيانة ...عينيها منفوخين عرفها كانت تبكي ...قدم ليها ...قعد جنبها ، حطلها راسها علا صدرو ونعس .

________ وصلو للقرية هبطت وهبط معاها....
ايمان : شحال توحشتها ...
ادم : ممم .ديجا ؟
ايمان : ايه ...
.
خ.رابح كان يمشي لقاهم راح عندهم .
خ.رابح : بنتي ايمان ؟
دورت عندو ...ضحكت
ايمان : خالي راك بيان ؟؟ واش حوالها خالتي .
خ.رابح : رانا ملاح بنتي نتي واش راكي .
ايمان : حمدالله.
خ.رابح : سمعت انو مراكيش هنا وين رحتي ؟
ايمان : راني عند وحدة صحبتي ...وهذا خوها ادم جا وصلني نسيت حوايج هنا .
.
مدلو يدو يخمس عليه . بعد ماحط يدو في يدو ....جبد روحو بزربة ...حط يدو علا صدرو يتنفس بسيف .
شافت معاه بخوف و هدرت

ايمان : ادم راك مليح ؟؟؟واش صرا ؟؟واش يوجعك .
خ.رابح : بني ؟؟ راك مليح ؟
ادم : يهدر بسيف. ا اييه ايه .ايمان هيا ازربي . حكمها من يدها و حصرها ..كان رايح جيهة الطاكسي ديالو اما حبستو و قالت .
ايمان : ادخل لدار ادخل .خالي سامحنا ... .
خ.رابح : سماح بنتي سماح .
ايمان : سالي على خالتي .
.... تبسم معاها وراح .
.
مزال حاط يدو علا صدرو .
دخلتو لدار وهي تحكي .
ايمان : واش يوجع فيك ؟؟؟

..نحا تريكو تاعو بزربة وشاف مع الوشم ...الي سعات يرووح سعات يظهر ...
ايمان : و علاه راه يروح ؟؟؟؟ راك تتوجع ؟ اما انا متوجعتش،؟
ادم : م مرانيش . ع عارف . جامي صرات .

بعد مدة رتاح .ورجع وشمو نوغمال ....شاف معاها وهدر .
ادم : بعدي عليه
ايمان : شكون
ادم : الراجل تاع بكري .
ايمان : راك تحكي علا خالي رابح ؟؟ اما انا منحس بحتا حاجة ...
ادم : اما انا حسيت ...منيش عارف واش هاذ الاحساس ...اما بيه حاجة .حاجة سپيسيال بزاف

___________
عند نزيم ...بعد مخلصو من الشهود و غلقو القضية رجعوها سرية ...راح مع هيثم لكل بلاصة فيها كاميرا ....اما ملقا حتا وحدة تمشي فيهم .

نزيم : افففف من زهري ...مكان حتا وحدة تصلح .
هيثم : ايه ...حبيت نشوف بعيني واش راهم يحكو .
نزيم : معليش روح ادي العينات للمخبر ...و نشوفو واش يخرج منهم .
هيثم : اوكي ...تبقا هنا نتا ؟؟؟
نزيم : ايه نشوف اذا كاين عباد قدرو يوصفو الطفلة .
هيثم : ممم اوكي سلاام.
نزيم : صحاا...
.
بقاا يدور في كل الزوايا ويسقسي فالناس ....فجأةً شاف في زاوية تاع محل صغيير ...كاميرا مشافهاش من قبل ...راح بزربة وهو يدعي انو يلقا حاجة ...صح راهي بعيدة شويا على مسرح الجريمة اما اكيد تبين الي صرا . ....وصل للمحل دخل .
نزيم : السلام عليكم .
صاحب المحل : وعليكم السلام .
نزيم خرج بطاقتو وهدر : معاك الشرطة ...رانا حابين نعرفو لكان الكاميرا تمشي .
صاحب المحل : ايه تمشي ..
نزيم : اديني نشوف تسجيلاتها .
صاحب المحل : اكيد تفضل ....
بعد مدخل معاه لغرفة فيها بزاف شاشات .... قال لصاحب المحل
نزيم : تقدر تخرج .
ص.المحل : حاضر .
.....خرج وخلاه وحدو ...يشوف في كل لقطة صغيرة و كبيرة اما مالقا حتا شي ......بقا يشوف حتا وصل لدقيقة .......حل عينيه من الي يشوف فيه و قال .
نزيم : واااش هذا ؟؟؟؟شكون هاذو ؟؟؟

ادم💕