- အထက်တန်းဒုတိယနှစ် -
အထက်တန်းဒုတိယနှစ်ရောက်တော့ သူတို့အားကစားအဖွဲ့ကိုယ်စီဝင်ကြရသည်။ ဆောင်းဟွန်းက ရေခဲပြင်စကိတ်ကစားသမားဖြစ်တဲ့အပြင် နိုင်ငံကိုယ်စားပြုဆိုတော့ အထွေအထူးဝင်စရာမလိုပေမဲ့ သူကတော့ ဟိုလိုလို၊ ဒီလိုလိုနဲ့ ဘက်စကက်ဘောအဖွဲ့ထဲ ရောက်သွားခဲ့လေ၏။
ပြိုင်ပွဲရှိတဲ့ကာလတွေဆို ဆောင်းဟွန်းက သံပြိုင်အဖွဲ့ပါခေါ်လို့ သံချပ်တွေ တစီစီညံအောင်အော်ပြီး သူ့ကိုအားပေးစေသည်။ သူ့ကောင်လေးဟာ တစ်ခါတစ်ခါအဲ့ဒီလို ကလေးရုပ်နဲ့ ဖိုက်တာလုပ်တဲ့ကျောင်းလူမိုက်ကလေးလည်း ဖြစ်ပြန်သေးတယ်။ သူကတော့ နေမြင့်လေ၊ အရူးရင့်လေပါပဲ။
တွဲလာပြီးမှ သိရတာတစ်ခုက ဆောင်းဟွန်းက သူ့အသုံးအဆောင်တွေကို သဘောကျတယ်ဆိုတာကိုပင်။ အထူးသဖြင့် သူ့ရဲ့ဂျာစီအင်္ကျီ ကိုယ်ပေါ်ရှိနေတဲ့အချိန်မျိုးဆို ပိုသိသာသည်။ သူကတော့ ဘယ်စကက်ဘောအပြင်းအထန်ဆော့ထားသည့်အခါမျိုးဆိုချွေးနံ့တွေစွဲနေလောက်သည်မို့ မပေးချင်ပေမဲ့ သဘောကျတဲ့သူက တောင်းဆိုလာတော့လည်း အလိုတော်အတိုင်းပေါ့။
"ဂျေးရား...ဒီခံစားချက်ကိုလေ ငါတအားသဘောကျတာပဲကွာ။ ဘယ်လိုပြောရမလဲ...ပတ်ဂျုံဆောင်းရဲ့ အငွေ့အသက်။ မင်းကငါ့ဘေးနားမှာအတူရှိနေသလိုမျိုး"
ပုံမှန်ဆို အရှက်သည်းတတ်တဲ့ကောင်လေးက တစ်ခါတလေ သူမတူအောင် ချစ်စကားတွေပြောထွက်လာလျှင် အင်မတန်မျက်နှာပူရပါသည်။ အဲ့လိုအခါများဆို သူကတော့ ဆောင်းဟွန်းရဲ့ ဖြူနုနုလည်တိုင်မှာ တိုးဝှေ့လို့ မျက်နှာကိုဖွက်ထားရတော့တာပဲ။
လေ့ကျင့်ချိန်နောက်ကျတဲ့ရက်များဆို အဲ့ဒီကောင်လေးက ပွဲကြည့်စင်ဘက်မှာ ငြိမ်ငြိမ်သက်သက်ကလေး။ သူ့ဂျာကင်အင်္ကျီခပ်ပွပွထဲမှာ မြုပ်နေတဲ့ နွားနို့ခဲလေး။ ချစ်လို့မဆုံး၊ မြတ်နိုးလို့မဆုံးပါပဲ။ ပတ်ဆောင်းဟွန်းဟာ ဂျေးတစ်သက်တာ ငေးမောကြည့်ချင်တဲ့ မြူမှောင်ဝေကင်းအမျိုးသားလေးသာ ဖြစ်တယ်။
YOU ARE READING
A story named 𝑪𝒂𝒎𝒆𝒍𝒍𝒊𝒂
Fanfictionအတိတ်စာမျက်နှာတွေကို ပြန်လှန်ကြည့်တဲ့အခါ.. -JAYHOON Fanfiction -Written in Burmese (Unicode Only)