အထက်တန်းပြီးနေ့ရက်တွေက သာမန်ရိုးကျနည်းနဲ့ လည်ပတ်လျက်ပဲ။ တစ်နေ့တစ်နေ့ မရိုးနိုင်တဲ့ အကြောင်းပြချက်မျိုးစုံနဲ့တွေ့လို့ အီထယ်ဝန်ရဲ့ လမ်းတွေပေါ်မှာ အချိန်ဖြုန်းတယ်။ မလုပ်ဖူးတဲ့ အသစ်အဆန်းတွေ စုံအောင်လုပ်ရင်း ဗရုတ်ကျကြတယ်။
ဆိုဂျူနဲ့မက်ဂျူကို စမ်းပြီးရောသောက်မိတဲ့အခါ အိမ်ပြန်လမ်းပျောက်နေတာမျိုး၊ ကလပ်သွားတဲ့အခါ မူးမူးနဲ့ကွေးနေအောင်ကရင်း ရန်ပွဲထဲရောက်သွားတာမျိုး၊ အဒေါ်ကြီးရှင်းရဲ့ဆိုင်မှာ သုံးထပ်သားတွေအားရပါးရစားပြီးကာမှ ပိုက်ဆံမပါလို့ သူ့လက်ကိုဆွဲပြီး ထွက်ပြေးတာမျိုးတွေပေါ့။ အီထယ်ဝန်ရဲ့ ညစျေးတန်းတစ်လျှောက်မှာ သူတို့နှစ်ယောက်ရယ်သံတွေနဲ့ပြည့်လို့။
ရုပ်ရှင်ရုံသွားတဲ့အခါ ရုံထဲကလေအေးပေးစက်ကိုအကြောင်းပြလို့ လက်ဖျားလေးတွေကိုဆုပ်ကိုင်ရတာက ရင်ခုန်မှုဖြစ်သလို အနမ်းဇာတ်ဝင်ခန်းတွေလာတဲ့အခါ ရဲတက်လာတဲ့ ဆောင်းဟွန်းရဲ့ပါးနုနုကို ဂျေးနှုတ်ခမ်းပါးပါးနဲ့ တို့ထိကျီစယ်ရတာကလည်း နိဗ္ဗာန်ပါပဲ။
---------
သာသာယာယာနေ့ရက်တွေရဲ့ ပျက်စီးကိန်းအစက မာမီ သူစိမ်းယောက်ျားတစ်ယောက်ကို အိမ်ခေါ်လာတဲ့နေ့က ဖြစ်သည်။ ဒယ်ဒီနဲ့မာမီရဲ့အိမ်ထောင်ရေးအဆင်မပြေတာသိပေမဲ့လည်း သူအဲ့လောက်ထိတော့ မထင်ထားခဲ့ပေ။ ဂျေးကို ချစ်လွန်းတဲ့ဒယ်ဒီကတော့ ရွေးချယ်ခွင့်ပေးခဲ့သည်။ အမေရိကန်ကိုပြန်လာမလား။ မာမီနဲ့အတူ ကိုရီးယားမှာ ဆက်နေမလားပေါ့။
မာမီ့ရဲ့ နောက်အိမ်ထောင်ဟာ ဂျေးထက်ငါးနှစ်ငယ်တဲ့ ညီမလေးတစ်ယောက်နဲ့။ ပျော်ရွှင်စရာမိသားစုကလေးတည်ဆောက်မဲ့မာမီ့အစား ဂျေးကတော့ ဒယ်ဒီ့ကိုရွေးချယ်ခဲ့တယ်။
----------
အချိန်တွေက လျင်လျင်မြန်မြန်ပဲကုန်ဆုံးတယ်။ အသက်မွေးဝမ်းကျောင်းအလုပ်ကို အနုပညာရှင်လုပ်ဖို့ ကတိတွေအတူထားခဲ့ဖူးပေမဲ့လည်း ဂျေးက ဆေးကျောင်းကိုရွေးချယ်ခဲ့ရပြီး ဆောင်းဟွန်းကတော့ စီးပွားရေးကျောင်းသားဖြစ်လာခဲ့တယ်။
YOU ARE READING
A story named 𝑪𝒂𝒎𝒆𝒍𝒍𝒊𝒂
Fanfictionအတိတ်စာမျက်နှာတွေကို ပြန်လှန်ကြည့်တဲ့အခါ.. -JAYHOON Fanfiction -Written in Burmese (Unicode Only)
