إنتقام شرس

خداع

إنت متخيل إنك دمرت قلب كان مكسور
وفكرك منقذه 🖤
_________________________________________

أسيل بخضه : تيته

الجدة سماح : اه تيته ياروح أمك

مازن بضحك : دا إنت هتدلع

أسيل بصوت واطي : يا ابن الجزمه يا مازن يا ابن الجزمه

مازن : بتقولي حاجه يا حياتي

أسيل بزعيق : وحياة أمي لاوريك

مازن : أمي إنتي ساكتالها ليه إمسكي المكنسة أهي

الجده سماح : هات

دخلت أسيل تجري في الشقه والجده سماح بتجري وراها

أسيل وهي بتنهج : إستني بس يا تيته هفهمك والنبي إستني إلحقوووني

نزلت منال تجري على الصوت

منال بفزع : يلهووي في إيه

مازن بضحك : ولا حاجه أسيل هتتقتل بس

منال : خلاص يا ماما معلش سامحيها المره دي

الجده سماح : كل يومين تطلعيلي بمشكله أعمل فيكي إيه ها أعمل فيكي إيهههه مش هتبطلي عمايلك دي

أسيل : يا تيته هما اللي بيعصبوني أسكت

مازن : لا طبعا متسكتيش

أسيل : إنت تخرس خالص

منال : خلاص يا ماما روحي إنتي إرتاحي وأنا هاخد أسيل تبات عندي النهاردة

مازن بحزن : لي بس كدا يا منال ما تسيبيها لجدتها
يا ستي هي هتقتلها يعني

أسيل : مازن

مازن : نعم يا روحي

أسيل : لو مطلعتش إنخمدت جمب مراتك في شقتك هرتكب فيك جريمه

الجده سماح : روحي يا منال نامي وإنت يا مازن يلا روح نام الوقت إتأخر وإنتي يا أستاذه إدخلي إنخمدي يلااا

مازن : إيه دا خلاص كدا أنا كنت لسه هقلعلك الحزام تضربي بيه

أسيل بغضب : يا رب صبرني معرفش مراته نايمه وسايباه يرازي فينا ليه م تروح تنخمد جمبها ياخي

منال : يلا يا مازن نطلع تصبحوا على خير

وطلعت منال شقتها ومازن راح شقته

☆☆☆☆☆☆☆☆☆☆☆☆☆☆

في شركه زين الصاوي

زين بهدوء عاصف : أحمد أنا بقالي سنين برسم في الخطه دي ف مش عايزك تتدخل علشان متزعلش مني

أحمد : إنت قتلت الراجل ومراته وعياله الأربعه ومفضلش غير بنته دي سيبها تعيش حياتها كفايه إنها هتعيش الباقي من عمرها من غير أهلها دا لوحده كفايه