إنتقام شرس

عشق لا نهاية له

أكتر حاجه قوتني وبقيت بسببها جبروت هي خيانته ليا أنا مش حزينه لأنه خاني أنا حزينه على قلبي اللي فقدته معاه 💪🏻💔
_________________________________________

فى قصر زين

لما أسيل فاقت كان زين نايم ف باسته أسيل من خده وقررت تنزل تقعد مع مروة شويه ف لبست فستان فى غاية الجمال ونزلتلها بس قابلت الممرضة ف سمحتلها أسيل تشوف جرحها بلغتها الممرضه إن الجرح ملتهب ومحتاج إهتمام فنادت أسيل على الدادة علشان توصل الممرضه للباب فى الوقت دا أسيل بتدور على مروة بس هي مش شايفاها نهائي

أسيل : دادة هي مروة فين

الدادة : فى الجنينه

أسيل : تمام

راحت أسيل لمروة بس شافتها بتعيط ف قربت منها

أسيل : متقلقيش هيرجعلك إنتوا ملكوش غير بعض

مروة : دا شئ ميخصكيش

أسيل : ممكن أفهم ليه بتعامليني كدا مش دي طريقة مروة معايا

مروة بغضب : علشان إنتي السبب إنتي سبب كل اللي بيحصلي

أسيل : أنا

مروة : أيوا إنتي

أسيل : طب أنا مالي مش فاهمه حاجه

مروة : طول الوقت مازن بيفكر فيكي ولما بتتقابلوا بتكونوا قريبين من بعض بطريقه مش كويسه أسيل دا جوزي أنا ومش من حقك تقربي منه بالطريقه دي

أسيل : مش مصدقه إن إنتي اللي بتقولي كدا إنتي أكتر واحده عارفة إن علاقتي ب مازن علاقة إخوة ليه فكرتي كدا

مروة : إبعدي عني يا أسيل مش عايزة أشوف وشك تاني

زعلت أسيل أوي بسبب شك مروة فيها وإنها كمان السبب فى طلاقهم ف طلعت أسيل أوضتها وقعدت تعيط صحا زين على صوت عياطها

زين : أسيل بتعيطي ليه مالك

أسيل : مفيش حاجه

زين : إحكيلي يا أسيل إيه اللي مزعلك

أسيل بدموع : يعني كدا أنا السبب فى طلاق مروة

زين فهم إن أكيد مروة اللي قالت لأسيل كلام زعلها ف أخدها زين فى حضنه

زين : عندي ليكي مفاجأة

أسيل بدموع : بجد

زين : بجد يلا بقا قومي إجهزي

أسيل : هنخرج

زين : أيوا

أسيل بفرحه : أنا بعشقك

وباسته أسيل من خده وطلعت تجري علشان تلبس فستان مناسب للخروج دخل زين أخد شاور ولبس كاجوال ويلهووي على جماله وأناقته نزل زين يستنا أسيل تحت وقرر ميتكلمش مع مروة المرة دي ويعديهالها علشان هي أكيد مجروحه نزلت أسيل وكانت أميرة بفستانها مقدرش زين يبعد عينه عنها