إنتقام شرس

تحول مفاجئ

كنت أتمني تطلع غيرهم وقد ثقتي فيك إنت فعلا طلعت غيرهم هما كانوا مجرد جروح في حياتي إنما إنت كنت الكسر اللي مش بيتصلح 🥺🍂
_________________________________________

وفجأة النور قطع وأسيل خافت

أسيل بخوف : زين

إحتار زين بين إنه يبعد عنها ويسيبها فى خوفها ولا يقرب منها و يطمنها

أسيل بدموع : زين إنت هنا

قرب زين منها وأول ما هي حست إن فيه حد حواليها إتخضت

زين : إهدي دا أنا

قربت أسيل منه وحضنته جامد ودفنت راسها فى رقبته وبدون وعي منها بدأت تستنشق ريحته الرجوليه وتمسك فى قميصه أكتر ف شالها زين ونايمها على السرير وكان هيبعد عنها بس هي شدته ليها

أسيل بخوف : زين خليك هنا

نام زين جمبها على السرير وأخدها فى حضنه

زين فى سره : مش دا اللي لازم يحصل يا زين

أسيل : زين

زين : خير يا أسيل

بدأت أسيل تحرك إيدها على جسم زين وتقرب منه أكتر علشان تثيره وتستدرجه في الكلام

أسيل بهمس : مش ناوي تقولي بتنتقم مني ليه

خطة أسيل نجحت وزين بدأت ضربات قلبه تزيد

زين : أسيل

أسيل بمياعه : امممم

زين : قولتلك لسه مجاش الوقت المناسب

النور جه وزين كان لسه هيقوم ويمشي علشان لو قعد فتره أطول مش هيعرف يتماسك أكتر من كدا ولما حست أسيل إنه بيحاول يقوم رفعت راسها من على صدره وبصتله وكانت شفايفهم قريبه أووي من بعض

أسيل بثقه : مش خايف في رحلة إنتقامك مني تحبني

وقربت أسيل أكتر من شفايفه

زين بضحكه موجعه : الأمر دا منتهي من زمان يا قطتي

أسيل بعدم فهم : يعني إيه

مسك زين رقبتها وقرب شفايفه من شفايفها وبدأ يحرك شفايفه على شفايفها بس من غير ما يبوسها أسيل للحظه مكنتش عايزة تبعد بس إستوعبت اللي بيحصل و بعدت وشها عن زين بس زين لف وشها ناحيته وباسها بقبله ساحره وبعمق شديد وإيده التانيه بيحركها على جسمها وأسيل كالصنم مش بتتحرك ومش بتبادله بس كانت مستمتعه بقبلته ومش عايزاه يبعد بدأ زين يبقا عنيف فى القبله وأسيل من غير ما تحس فتحت بوقها أكتر وعطته فرصه يتعمق أكتر بعد زين عنها لما حس بطعم الدم في بوقه

زين وهو بينهج : بعدين هتعرفي وأنصحك تبطلي الحركات اللي كنتي بتعمليها من شويه مبتاكلش معايا