إنتقام شرس

شرارة الحب

رغم خوفي من كل اللي حواليا قربت منك ويارتني ما قربت ياريتني ما شوفت عينيك وقتها ياريتني ما رديت على أول مسدج منك ياريتك فضلت غريب 🖤
_________________________________________

زين : شكلك نسيت إتكلمنا فى إيه يوم الفرح يا مازن

إفتكر مازن تهديد زين له وإن لو حد عرف حاجه عن الماضي هيقتلها ف بدأ مازن يكسر أي حاجه قدامه ويصرخ بصوت عالي جدا كأنه إتجنن

أسيل بدموع : مازن بتعمل إيه فيك إيه فهمني

وبدأت أسيل تقرب من مازن أكتر وأول ما مازن لف وشافها بدأ يعيط وراح عندها وأخدها فى حضنه زين مبقاش شايف قدامه من كتر عصبيته ف راح ناحية أسيل وشدها من شعرها وأسيل صوتت بصوت عالي ف ضربها زين بالقلم تحت صدمة الكل فقرب مازن منهم

زين بعصبيه : لو قربت مش هكتفي بقلم واحد وهقتلها قدامكم

الجده سماح : إنت إتجننت

جرت أسيل على أوضتها وطلعت السلم بصعوبه من كتر الدموع اللي فى عينيها

زين بصوت عالي : يلا براااااا

مازن بزعيق : ليه بتعمل فيها كدا فهمني

زين : إطلعوا برا

مها : مكنتش أتمنى أقول كدا بس برأيي اللي متحترمش جوزها وتروح تحضن حد تاني تستاهل اللي يحصل فيها

مروة : لا والحد التاني دا متجوز ومراته واقفه ونعمة الأخلاق بصراحه

مازن : مروة

مروة بغضب : مقولتش حاجه غلط دي الحقيقه

مازن : إنتي طالق

الكل إتصدم من اللي مازن قاله بس زين كان متوقع إنه هيعمل كدا بعد اللي أخته قالته على أسيل رغم إن زين بيتعصب جدا من تصرفات مازن مع أسيل وقربه منها لكن هو فاهم إنهم بيعتبروا بعض إخوات مش أكتر ومع ذلك مبيقدرش يسيطر على نفسه لما بيشوف مراته فى حضن حد تاني غيره

مروة بعياط : إنت بتطلقني علشان واحده زي دي

زين بحدة : مروة أنا فاهم اللي إنتي فيه بس أنا بحذرك من قبل ما تتكلمي لو هتقولي كلمة غلط على أسيل أنصحك تخليها جواكي علشان منخسرش بعض

مروة بصدمه : حتى إنت

مازن : أنا عايز أسيل يا زين مستعد أعمل كل اللي إنت عايزه بس تبعت أسيل معايا

زين : هعمل نفسي مسمعتش اللي إنت قولته ويلا من هنا

الجده سماح بعياط : بدعى عليك من قلب واحده قلبها واجعها على حفيدتها ربنا يحرمك من أكتر حاجه بتحبها

زين بإبتسامه حزينه : دي الدعوة الوحيده اللي واثق إنها هتتحقق

منال : يلا يا ماما لا الكلام ولا قاعدتنا هنا ليهم لازمه