إنتقام شرس

بدايه عشق

في مرة غريب قالي : خدي يا بنتي اللي بيحبك وإوعي تاخدي اللي بتحبيه أنا دلوقتي عايزه أقوله إني عملت بنصيحته وخسرت اللي بحبه وخسرت كمان اللي بيحبني وفوق دا كله خسرت الثقه في الحب 💔
_________________________________________

في قصر زين

نزلت أسيل وقعدت على السفرة

أسيل : أومال زين فين يا دادة

الدادة بضحك : إيه مش هتعرفي تاكلي من غيره

أسيل بكذب : لا أنا كنت بسأل علشان أعرف أكل براحتي

الدادة بشك : مع إني مش مصدقاكي بس هو في مكتبه

أسيل : اوكيه

مشت الدادة

أسيل : أنا بسأل عليه ليه ما يكون منين ما يكون أنا مال أهلي مش فاهمه

بدأت أسيل تاكل وزين طلع من المكتب وشافها وراح ناحيتها

زين : طب مش تناديني أجي أكل معاكي

تجاهلته أسيل وقعد زين ياكل معاها وتليفونه رن ولما طلعه من جيبه أسيل شافت إسم المتصل

أسيل بزعيق : مها بترن عليك ليه

زين ببرود : إحنا قولنا إيه بخصوص الصوت العالي

رسمت أسيل ضحكه مزيفه على شفايفها وبصتله بحب مزيف

أسيل : مها بترن عليك ليه

زين بضحكه : مش عارف يا روحي والله

سرحت أسيل في جمال ضحكته

أسيل بإعجاب : يلهوووي على ضحكته يا جدعان

ضحك زين أكتر

زين : دا أنا بتشقط على كدا

أسيل بصدمه : يا نهااار إسود هو أنا كنت بفكر بصوت عالي

إبتسم لها زين وبص في الأكل وبدأ ياكل لما لاحظ إنها إتحرجت

أسيل بحزن فى نفسها : يارب ليه لساني فالت يارب ولع فيا يارب

رن تليفون زين تاني و أسيل مسكت التليفون بسرعه من على السفرة وفتحت على مها وفتحت كمان الأسبيكر

زين : لو حركه شبه دي إتكررت تاني مش هتعرفي إيه اللي هيحصلك

تجاهلته أسيل

أسيل بعصبيه : خير يا مها

مسمعتش صوت مها بس سمعت مروة بتتكلم

مروة بعياط : أنا هتصل ب زين أبلغه

الجده سماح : إوعي يا مروة لو عرف هياخد أسيل وهيمشي

مازن : مروة شكلك متعرفيش زين مستحيل شوية بهايم شبه دول يقدروا عليه

مروة بغضب : إنتوا إزاي هادين كدا دول ممكن يقتلوا إنتوا متخيلين مدى خطورة اللي إحنا فيه ولا لا