بعد ماصلو العيال وابوهم ورجعو للبيت والفطور كان جاهز والبنات وامهم يسولفون
جلسو العيال وابوهم
ابو عبدالله : عبدالله خلصت اغراض عرسك ؟
عبدالله : الا يبه ان شاءالله بعد يومين كل شي جاهز
ابو عبدالله : وانتو يالباقين ترا العرس بعد اسبوع
البنات شهقو بصدمه
منيره : يبه ماجهزنا شي
نوره : اي يبه مافيه وقت
ابو عبدالله : الا قدامكم اسبوع كامل يمديكم تخلصون
منيره : طيب متى نطلع السوق ونشتري اغراضنا
نايف : بطلعكم انا اليوم عشان تخلصون
ابوعبدالله : اذا طلعتو تخلصون كل شي مب اذا رجعتو تقولون نسينا ذا ولا ذا والله معد تروحون غير اليوم فاهمين
البنات وامهم : ابشر
في بيت ابوعبدالرحمن
ام عبدالرحمن : درريتو ساره عرسها بعد اسبوع
ريم : مسررع العرس قريب واحنا ماجهزنا شي
ام عبدالرحمن لفت على ابو عبدالرحمن : نبي نروح اليوم نخلص اغراض العرس
ابو عبدالرحمن : زين روحو بس ساره من الي ماخذها
ام عبدالرحمن : عبدالله ولد ابو عبدالله
ابو عبدالرحمن صد بضيق : اجل خلاص منتب حاضرين
ام عبدالرحمن : ليه يابو عبدالله ساره بنت صديقتي واختي وامها بتزعل علي لو ماحضرت
ريم : اي يبه تكفى ساره حبيبه وطيبه وملزمه علي انا وامي نحضر
عبدالرحمن : يبه انا وياك مارح نحضر بس امي وريم في خاطرهم خلهم يروحون
ابوعبدالرحمن : زين بس لاتحكون معهم
ام عبدالرحمن بضيقه : زين
طلعو ريم وامها للسوق
واول ماطلعو شافو نايف وخواته يمشون متجهين للسوق
نايف الي اول ماشاف ريم طلعت من بيتهم جلس يناظرها وماشال عيونه عنها
منيره ضربته على كتفه : انت وش تناظر
نايف لف عليها : ا ا مااناظر شي
نوره : وش تسوون انتو امشوو بسرعه
ريم الي كانت تناظر نظرات نايف لها وكانت منحرجه ومستحييه مره
وصلو السوق ونايف وخواته راحو لمحل وريم وامها راحو لمحل ثاني بس نايف ماشال عيونه من ريم
دخل ناصر المحل وشاف نايف
ناصر : هلااا نايف شخبارك
نايف : ا ا هلا والله الحمدلله انت وشخبارك
منيره الي كانت تناظر ناصر وقالت : نوره ذا من
نوره : وانا شدراني
نوره : ليه تسألين وش عليتس منه
منيره : لا بس وجهه مب غريب علي
العنود : اتوقع ذا ناصر ولد ابو حميد
منيره بصوت عالي بدون ماتحس بنفسها : اااييييي عرفته
والكل ناظرها واولهم ناصر وانحرجت منيره
نايف قرب عندها : وش عندتس انتي تصارخين كل السوق سمعتس
منيره : معليش والله نسيت اني في السوق
نوره : يوووه لو ابوي ولا محمد معنا وش بيسوون فيتس
نايف : والله ان يكفخونها لين تهجد
ضحكو البنات بصوت خفيف ورجع نايف لناصر وقال : معليش والله
ناصر : وش دعوه ياخي اهلك مثل اهلي مانب غريب
نايف ناظره بطرف عين : وش تقصد
ناصر : اقصد آنك اخوي وصديقي وخواتك خواتي بعد
نايف : ياحبيبي والله ياناصر ان......
ماامداه يمل كلامه الا ويشوف رجال غريب يمشي ورا ريم
نايف : شوي واجيك
راح نايف بسرعه يبي يلحق وراهم ويشوف من ذا الرجال
