في بيت ابو عبدالرحمن ابوعبدالله وابوعبدالرحمن وعيالهم جالسين بالمجلس ويسولفون وهم مبسووووطين برجعة علاقتهم نفس قبل
نايف الي رجع للبيت وهو ووده يممووت ولا يسمع ان ريم لاحد ثاني
شافته امه واستغربت من حاله
ام عبدالله : نايف بشررر ياولدي وش صار
نايف طالعها وباين على وجهه القهر : ماصار شي
ام عبدالله مسكته : وش فيك؟
نايف بغصه : يقولون ريم مخطووبه
ام عبدالله : وشوو كيف واحنا ماسمعنا
تركها نايف وراح يدور محمد بالبيت مثل المجننوووون
منيره : هلااا بعريسنا وش صار بشر
ناظرها نايف بكسر : وين محمد
منيره باستغراب : وش صار؟؟
نايف بصوت عالي : ووين محمدد!
منيره : في المزرعه
طلع نايف بسرعه يبي يروح للمزرعه لكن مامعه سياره وهنا مسك راسه وهو وده ينفجررر من الي يصير له
عبدالرحمن كان يعرف ان نايف يبي ريم ومتعلق فيها وطلع من المجلس عشان يروح يشوف وش صار له يوم عرف ان ريم بتاخذ واحد ثاني
اتجه عبدالرحمن لنايف وشافه ماسك راسه وجالس قدام باب بيتهم
عبدالرحمن : نايف عسى ماشر
نايف : شررر شر ياعبدالرحمن
عبدالرحمن : عشان ريم؟
نايف بقهر : انت تدري اني ابيها وبسهوله عمي يعطيها احد ثاني ليييه لييه
عبدالرحمن : ياخوي استهدي بالله معليك مب ماخذها وانا بعارض ابوي فالموضوع ذا
نايف بغصه : ياخوك عمي عنيييد واذا حط في راسه شي بيسويه
عبدالرحمن حط يده على كتفه : انا معك وكلنا معك انت لاتشيل هم
نايف : طلبتك ياخوي تروح تعرف منهو الخسيس الي خاطبها
عبدالرحمن بارتباك : عبدالعزيز
نايف : لاتجيب طاري ذا الواطي انا اقولك منهو الي خاطبهاا
عبدالرحمن : الي خاطب ريم عبدالعزيز ولد العم صالح
نايف الي ماستوعب كلام عبدالرحمك وقال بصراخ : وش تقول انت كيف يخطبها كيييييف !!
عبدالرحمن : والله اني حتى انا مستغرب
مشى نايف بالسرعه متوجه لبيت ابوعبدالعزيز ومسكه عبدالرحمن : انت وين بتروووح؟
نايف بقهر الدنيياا : بروح اشوف الواطي ذاه وش يبي من ريم
عبدالرحمن : ااهجد يانايف
نايف : انت بتجي معي ولا اروح لحالي
عبدالرحمن : بجي معك بس عاني اقولك من الحين الموضوع ماينحل بالضرب
——————*—————-
في بيت ابوعبدالرحمن
نزلت ريم بالبيت وسمعت صوت عمها وابوها بالمجلس وجاتها امها من وراها
ام ريم : ماتدريين ؟
ريم لفت عليها ودموعها بعيونها : يمه ابوووي للحين ماغير رأيه
ام ريم : يابنت انتي مهبوووله الزواج مهب لعبه والرجال خاطبتس على سنة الله ورسوله
ريم بصوت عالي : بس انااا مابييييه يمه مابيييه !
مسكتها ام ريم من يدها وسحبتها : انتيي وش فيتس تصارخين وانتي تدرين ان عمتس وابوتس هناا
ريم وهي تبكي : تكفين يمه سوي شي مابي اخذه
ام ريم : انا مابيدي شي وانا امتس العلم كله عند ابوتس
راحت ريم عند جوال البيت عشان تتصل على حصه ومسكتها امها : انتي ماتدرين وش الي صار
ريم : مايهم
ام ريم : ابوتس وعمتس حسين تصالحوو
ريم بصدمه : وشوووووو كيف تصالحو ؟
ام ريم : والله جاني عبدالرحمن وعلمني كل شي وقال ان نايف جا وخطبتس مع ابوتس بس ابوتس قال انتس مخطوبه وعاد عمتس وابوتس تفاهمو بينهم وتصالحو
ريم بصدمه : دقيقه دقيقه كيفف نايف خطببببني ؟
ام ريم : ايه خطبتس
ريم بقهر: ولييييييييه يرفض ابوي بدون لايسألنني!!
ام ريم باستغراب : ليه لايكونتس تبين نايف
ريم وهي تبكي وبصوت عالي : ييييمه انا مابي اتززووووج افهموني تكفون
