في المدينه تحديداً في بيت ابو شيخه
ابو شيخه : يييلا ياشيخه نادي امك بنتأخر
شيخه : يبه ترا بدري تونا العصر
ابو شيخه : متأخرين ترا الحين الديره بعيده شوي
شيخه : انا خالصه بس باقي امي
طلعت ام شيخه : يالله جهزت
ابو شيخه قام : يلا امشو السياره
——————*—————-
في الديره في بيت ابوعبدالله
في غرفة البنات
ملاك : غزل تعالي اسوي شعرك بسرعه!
غزل : خلصي نفسك اول
ملاك : اذا خلصت بطلع اساعدهم وبخليك
غزل : طيب تونييي ماخلصت المكياج
ملاك : طيب منيره تبين اسوي شعرك تعالي
منيره : دقيقه بس بحط الروج
نوره وهي تسوي شعرها : لاتكثرين انتي وياها مكياج
لفت منيره عليها : انا ومن
نوره : انتي وغزل
غزل لفت عليها وهي رافعه حواجبها : لا والله ليه؟
نوره : عشانكم بزران
ضحكت ملاك : ههههههه صادقه
منيره : اقول اسكتي انتي وياها بس ترا مابينا الا سنتين
ملاك : تعالي اسوي شعرك بسرعه
منيره جات عند ملاك وبدت تسوي شعرها
دخلت ريم عليهم وهي بعبايتها
نوره : بسم الله وشفيتس
ريم فكت العبايه وكان معها فستان وقالت : رحت البيت اجيب لبسي ومكياجي
العنود دخلت : ماخلصتو للحين؟
الهنوف وهي جايه : بعدييي انتي انا ماخلصت
ملاك : وينك فيه انتي؟
الهنوف : كنت اتروش
العنود : اخلصو الحين
منيره : العنود خلصت وبتقعد تزعجنا
طلعت العنود منهم
ملاك : ماشاءالله عليها العنود ماشفتها حتى وهي تتجهز وشكلها طالع حلو
نوره : اي هي ماتتجهز معنا نروح غرفة امي عشان تخلص بسرعه
غزل: يعني انتم الي تأخرونها
منيره : لا ياحبيبتي بس هي خلاص تعودت واذا سوت شكلها هنا تتأخر
ملاك : لا ياقلبي انتو الي تأخرونها
ريم وهي لابسه الفستان : ها كيف ذا حلو ؟
ملاك : الله يجننننن عليييك!
الهنوف وهي تنشف شعرها بالاستشوار: واووووو حبييتتت ناعم مره!
نوره : يهبلللل عجبنيي
منيره : ريم احس لو افتح دولابها بشوفه مليان ملابس وكلها كشخه
نوره : صادقه فساتينتس تهبللل
ابتسمت ريم : ياحبي لكم والله ولو تبون من فساتيني ابشرو بس قولو لي
ملاك : ياحلوك بس
منيره : كفو مطنوخه
ملاك : منيييره خلاص اهجدي ماعرفت اسويه
——————*—————-
في المخيم حق الرجال
طلعو العيال يجهزون ويرتبون المخيم
نايف : ياسعود تقدر تجيب الزل "الفرشه"الي في البيت
سعود : يلا بروح اجيبها
محمد : للا اجلس بجيبهااا انا وبلبس ثوبي مره وحده
سعود :انا حتى بخلي ملاك تطلع ثوبي وبجيببهااا مره وحده
محمد : انت رح لعماني شف وش ناقصهم وانا بجيب اغراضنا كلنا حتى العيال بشوف وش يبون من البيت وبجيبه
العم محمد : ياااسعووود
سعود : لبييييه
العم محمد : تعااال ياولد
اتجهه سعود لأبوه : لبيه يبه
العم محمد : رح شف عمك سعيد وينه
سعود : وييينه فيه هو؟
العم محمد : اخذ عبدالرحمن ولا واحد من العيال ورح دور عليه لاتجي الا وهو معك
سعود : ابشر
