ليه انا عيني تشوف وماتشوف الا بهاكِ

بارت 23

في بيت ابوعبدالله
بالمطبخ عند البنات ملاك شهقت : الله ياخذني انا الي سمعت كلامه
ريم : اها انتي الي مضبطه لهم الوضع يعني
ملاك : ابيهم يتسامحون لكن الحمدلله بس ربي ستر
لفت على الهنوف وقالت : بعدين صدق هو ليش قريب منك؟؟؟!!
الهنوف : عشاني كنت بروح مسكني من يدي بس لاتكبرون الموضوع !
ريم : تستهبلين ! مب محرم لتس ترا
الهنوف عصبت : تستهبلين انتي وياها ترا انا مو راضيه وبسرعه فكيته ورحت شفيكم!!!
ملاك : خلاص بنات سكرو الموضوع ..
الهنوف : بروح انام انا

-

جاو ملاك وريم عند البنات بالدكه وقالت منيره : واخيرا جيتو وين كنتو انتو؟
ريم : جينا وخلاص
نوره : باركوو لشيخه انخطبت
البنات : مبرووك
شيخه : للحين افكر يمكن مااوافق
نوره : اقول السوري قوليلها تجربتس بالزواج
ساره : الصدق يوم خطبتي بعبدالله صح اني كنت اعرفه واعرف اهله وخواته لكن خفت بس اني استخرت وارتحت ووافقت والحمدلله مبسوطه معه
ريم : منهو الي خطبتس؟
شيخه : تعرفون صالح ابوعبدالعزيز
شهقت ريم ونوره ومنيره وهم يناظرون بعض
شيخه : يمه شفيكم؟؟
منيره لفت عليها : عبدالعزيز الي خطبتتتس!؟؟؟
شيخه : لا لا مو هو ولد عمه
منيره: اشوا احسبه هو
ملاك : واذا هو شفيها ؟
ريم همست لها : ذا الي خطبني
ملاك : اماا
ريم : قسم خفت احسبها بتاخذه
ملاك : واذا بتاخذه ليه للحين تبينه؟
ريم دفتها من كتفها بخفه وقالت : ياحلوه لو ابيه وافقت وبعدين انا قصدي اكيد صارت مشاكل بين ابوي وابوه وتعرفين ان ابوي وابو شيخه نفس الاخوان
ملاك : اها فهمت احسبك تبينه
جاتهم ام عبدالله وقالت : يويلي للحين مارقدتو انتووو!!
قامو البنات كلهم بغرفتهم عشان ينامون ..

-

يوم جديد
في المخيم عند العيال
دخل عليهم العم محمد وقال : ياعييال قومو!
دخل ابوعبدالله وراه وقال : لا ذولي ماينفع معهم الا كذا
ضربهم بعصاه وفزو كلهم
ضحك العم محمد وقال : ماينفع معهم الا انت
دخل عليهم ابو شيخه وقال : صبحكم الله بالخير
العم محمد وابوعبدالله : صبحك الله بالنور
ابوعبدالله : وينك انت امس
ابو شيخه : حطيت اهلي عندكم ورحت اخلص كم شغله وهذاني جيت
دخل عبدالله عليهم وقال : وش فيكم واقفين اجلسو
جلسو كلهم ومن بين السوالف قال ابوعبدالله : وش رايكم نطلع المزرعه
فز خالد : ايييه تكفى ياعم اشتقت لكايد
ابو شيخه : منهو كايد ؟
خالد : هذا الله يسلمك الخييل حقي
ابو شيخه : ماشاءالله
العم محمد: هجل نروح اليوم؟
العم سلطان : اي خلونا نغير جو
ابوعبدالله : تم
ابوعبدالرحمن : رح ياعبدالرحمن للنسوان علمهم يجهزون
عبدالرحمن : ابشر
-

في بيت ابوعبدالله
كانو البنات كلهم بالمطبخ ويسولفون مع بعض ويجهزون الفطور
ودخلت عليهم غزل وهي متكتفه : انتم وينكم ماخلصتو للحين جعنا
منيره رفعت حواجبها : لااا والله تتأمر بعد هي وجهها
غزل ابتسمت بغرور : ايه اتأمررر وش عندك
ملاك : اقول تعالي ساعدينا ولايكثر
غزل : تبوني اساعدكم وانتو ذا كثركم
نوره : وجع اذكري ربتس
ضحكت غزل : اقول بس احمدو ربكم عمه هيا "ام عبدالله "كانت بتقوم وجيت بدالها
ريم : قصرتي صراحه
غزل طيرت عيونها وطلعت برا المطبخ
منيره : ياويلي على من يمسكها وينتف شوشتها
العنود :صراحه هي اكثر وحده تساعد بس ماتلاحظون
شيخه : اي امس ملاحظه اكثر وحده مشتطه فيكم هي
ملاك : الله يخلف علينا بس
ضحكو كلهم ودخلت ام عبدالله ووراها غزل متخصره وقالت : تسولفون والعرب جويعين!
نوره طلعت بالصينيه الي بيدها : خلاص هذا الفطور وجاا
منيره : شكل السوسه الي ورا معبيه راستس يمه
ام عبدالله : اقول خلي الهرج عنتس وجيبي القهوه
قاطعهم صوت عبدالرحمن الي ينادي من برا
ام ريم : هذا عبدالرحمن؟
نوره : مدري
طلعت ام ريم وهي حاطه شيلتها على وجهها وقالت : من ؟
عبدالرحمن : انا يمه
ام عبدالرحمن : لبيه ياامي وش تبي
عبدالرحمن : ابوي وعماني يقولون اجهزو بنطلع المزرعه اليوم
ام عبدالرحمن : زين

دخلت ام عبدالرحمن وجات عندها ام عبدالله وقالت : وش صاير؟
ام عبدالرحمن : بنطلع للمزرعه
ابتسمت ام عبدالله ودخلت للبنات تعلمهم وكلهم انبسطو ماعدا شيخه الي قالت : شفيكم انبسطتو؟
ملاك : هذي المزرعه فيها كل ذكرياتنا وخيولنا نحبهااا مره واشتقت لها من زمان مارحنا لها
شيخه : اها حلو
منيره دخلت وهي معصبه : نوره يابزر ويين بلوزتي الزرقاء؟!!!!
ام عبدالله : لا والله ناويه تلبسين بلايز انتي ووجهتس!
منيره : يمه الله يرضى عليتس كيف تبيني اركب الخيل
ام عبدالله : اقول استحي على وجهتس عيال عمانتس كلهم في المزرعه !
منيره تأففت : ياربي صبرني
نوره : حسستيني تعرفين تركبين الخيل يعني
منيره : اقول انتي اسكتي لا اعطيتي بكوعي على وجهتس
نوره : اقول اسكتي بس لا...
ام عبدالله عصبت :خلااص!!
بدو يجهزون والكل كان مبسوط ومتحمس ..

-
ركبو كلهم بالسيارات
اول سياره سيارة نايف كان فيها الجده نوره الي راكبه جنبه والهنوف وملاك وريم ونوره الي كانو ورا
السياره الثانيه سياره عبدالله كان راكب جنبه ام عبدالله ووراها نوال ام سعود وفاطمه ام فيصل وام شيخه وشيخه وساره
السياره الثالثه سيارة سعود وكان جنبه العم محمد و وراه غزل ومنيره والعنود
والسياره الرابعه سيارة عبدالرحمن الي كان راكب جنبه ابوه ووراه خالد وفيصل
السياره الاخيره هي سياره محمد الي كان راكب جنبه ابوعبدالله والعم سلطان

في سيارة نايف
ملاك : انا وش خلاني اجي معكم!
الهنوف : اقول احمدي ربك كان الحين مع غزل ومنيره
ملاك : على الاقل مع اخوي
الهنوف : اجل كان طسيتي معه
نايف : افا ياملاك ماتبين تجين معي
ملاك : لا لكن ذولي الثنتين ازعجوني
نايف الي كان حاس بهدوء ريم : من الثنتين؟
ملاك : مين يعني الي مناشبيني بكل مكان الهنوف وريم
ريم دفتها من كتفها : ترا الود ودي كان راكبه مع اخوي ومخليتكم لكن العيال معه
نوره : اقول اسكتي بس وشغل اغنيه يانيوف
الهنوف : اي والله ازعجتنا ذي خلنا نروق
نايف : ابشرو
شغل اغنيه " يامنى روحي وقلبي تعبت اداري فِ اشتياقي"
              " زحمة حولي ومني لاقي وقت وفرصه للتلاقي "
ريم كانت تناظر من الشباك ومتجاهله تماماً نظراته لها ..

-
وصلو للمزرعه ونزلت منيره تركض مشتاقه للخيول
ركض خالد وراها ووراهم غزل
محمد وهو يصوت لهم بحده : يابزران اعقلو!
دخلت منيره للاسطبل الي كانت فيه الخيول ودخل وراها خالد وغزل بسرعه ولفت عليهم وقالت : خير شتبون!
خالد : طسي انتي وياها خيلي محد بياخذه
غزل : على كيفك انت متى صار خيلك!
خالد : خيلي غصباً عنكم
منيره : اقول طس انت ولايكثر
خالد وهو يطلع " كايد"الخيل : اقول انقلعي انتي وياها جايين عند خيلي ويتشرطون
منيره : هين ياخويلد اوريك
غزل : خلود امانه بركب
خالد : انقلعو بس

كانو العيال منشغلين ينزلون الاغراض وابوعبدالله وابوعبدالرحمن واقفين عندهم

دخلو البنات للبيت وكانو مشتاقيين له لأن اخر مره تجمعو فيه تقريبا قبل 8 سنين ..

.
.
.
.
للي يسألون متى انزل " كل اسبوع "