ذيبة اصهب

' الـبارت الرابع عشر '

سـلام يحلوين ' بارت اليـوم هوا هدية الكم بمناسبة العيد ' طبعاً شغل وخطار وهوسة وعلستهم وبقيت اكتب بالبارت هـذا ، وومن غير رزايل الوالدة واني مغلسةة كلة على مودكم 😂😂

تنوية ' اعتذر اذا جاي تصير اخطاء املائية 

" احبكم دادة " ❤️

شمل مـڼـڱ ؟
يجنك سالفة شياب
يجنك كل قصيدة غزل للنواب
ي ريحة رشة الحيطان
يبو عيون الفشل تنعاب .

***

رسل ' خاتون حبيبتي بيج شي
هزت راسها نافيةة

بقينا واكفين ربع ساعةة واجة بابا واهل خاتون
عمو ابو خاتون اتقرب من خاتون وكال

ابو خاتون ' باباتي راح ترحين وي عمج فترة وترجعين هسا اريد ترتاح نفسيتج هناك خوش بويةة

هزت راسها اتقرب باس راسها وحضنها والولد وعمتي نفس الشي وهيا جانت ردت فعلها باردة
مابادلتهم ولا حضنت ولا سوت اي شي
حركاتها وهدوئها تخوف الواحد ،

اتقدمت لزمت ايدها وعمي وعمتي يوصوني عليهاا
طلعنة وصعدنا بسيارة كعدنة اني وياها ورا وبابا يسوق ...

تحركت سيارتنة تحت انظار اهلها
شعور صعب من تحس نفسك غريب وانتة بين اهلك ' خاتون هيج جان وضعهاا انكسرت من اقرب الناس الهةة ' يمكن بسبب ثقتها الزايدة باختها خلتها تنصدم وما تتقبل هـذا الموضوع !؟

° اتوجهنا للعمارة و الاسئلةة بالي مالهم جواب

- شلون خاتون راح تكمل ؟
- راح تكدر تتخطا هذه الصدمة او لٱ ؟!
- شلون راح تتعامل وي الناس واهلها بعد هـذا الموضوع ؟

• الموضوع اخذ تفكيري وصلنةة للعمارة وخاتون طول الطريق صافنة على الشباك واحسها فاصلةة
وكفت السيارة مقابل بابنة نزلنةة واني كلي خوف خاف يسألوني وماعرف شجاوب دگينة الباب ودخلنةة '

° استقبلونة اهلي بدون ما يسألون اي شي يمكن بابا محذرهم او كايل الهم الموضوع ماعررف بعد

بقينا كاعدين وخاتون الي يسأل بس تهز راسها اهلي من شافوها هيج كامو ما يسألون

شوي وهمستلي ' اريد ارتاح

رسل ' يي يلة كومي

* گمنا اني وياها وصعدت لغرفتي لكيت مرتبين الغرفة وحاطين سرير ثاني هيا بد دخلت راحت تمددت وبقت صافنة تباوع على السگف تنهدت
وطلعت الها كلبية مالبستها
ودخلت حظرت الحمام رجعت الها ' لگيتها على صفنتها كتلها

رسل ' خاتونة دادة كومي سبحي حظرت حمامج وخليت الج كلبية ما لابستها والله

هزت راسها وكامت طلعت اني هم اخذ ملابس الي ونزلت سبحت جوة لاگني بابا