ذيبة اصهب

' البـارت الواحد والاربعون '

- من باچر اتغير بعَد
لٱ تعَتذر مانصحَك
مَو دوُم أضل ميِت بچي
وحضرة جنَابك تضحكَ
شحصلت منك ؟ مختنگ
و من يمته ما ضاحك صدگ ؟
والله راح ابقه أحترگ
منا لحد ما اجرحك .

********************************************

| تـذكيـر من البارت السابق .

اصهب ; رحت للعيادة عندي هواي مراجعين واغلبهم كبار بالسن لان قلبية ، كعدت على الكرسي بـ اريحية من خلصو باوعت لـساعة صارت بـ 8 ونص بليل كمت نزعت صدرية ماخذة غراضي وسويج وطالع گبل بوجهي للبيت سجاد نزلت من سيارة دگيت الباب دقايق وطلع باوعتلة وحجيت

اصهب ; الـسلام ؏ـليكم

سجاد ; وعليـكم السـلام تفضل

اصهب ; زاد فضلك ; دخلت وكعدت جابلي ماي وخلاا گبالي شوية ودخلت ام سجاد كمت الها على السريع بست ايدها وراسها ، شلونج حجية ان شاءلله زينة

ام سجاد ; الله يسلمك الحمدلله انتة شلونك يمة ؟

اصهب ; باوعتلها وحجيت بتعب ; على ألله زين

ام سجاد ; دكت على ايدي بحركات متكررة وهمست ; الغلط اذا ندري بي غلط ونسكت والسويتة انتة وجاي تسوي غلط اتذكر انو رب العالمين مراح يوفقك ما دام نيتك مو صافية صفي نيتك سيد وراح تنحل مشاكلك وتنزاح همومك .

اصهب ; عافتني وطلعت وانة واكف بمكاني افكر بكلامها ، شنو الغلط الجاي اسوي ؟
درت على سجاد وسألتة ; شقصدها امك سجاد

سجاد ; رد بلا مبالاة ; قصدها واضح سيد ، عوف هذا الموضوع اكو سالفة تخصك ومهمة كلش سيد

اصهب ; باوعتلة برفعة حاجب وحجيت / صرت سيد هسا مو ؟

سجاد ; ي وسد هـذا الموضوع يرحم اهلك اكعد خل نسولف

اصهب ; خوش يلة خل كعدت سولف

سجاد ; طلع جكارة وشعلها خلاها بحلكها سحب منها دخان وحجة وهوا يزفر الدخان من خشمة ; تذكر من كتلك اذا طلكت خاتون راح تندم

اصهب ; ما فهمت

سجاد ; باليوم الي رجعت بي واجيت وكلت راح اطلك مرتي تذكر مو ؟

اصهب ; ي اكيد

سجاد ; واجة هـذا الوكت الي راح اندمك بي

اصهب ; شجاي تحجي شبيك انتة شعليك تندمي

سجاد ; طلع تلفونة وحجة بـ ابتسامة مستفزة وگال ; اسمع وانتة تحكم

اصهب ; فتح التسجيل وبديت اسمع نفسي ضأگ الهوا انكطع ايدي ترجف وانة واسمع كل حرف ينطقة ، انتفضنت صاارخ بقوة ; شششجججااااييي يصييررر فهممنننييي ؟!!!!!!

شـنو سـرچ ؟ ليـش مـِـن دون الردتـهِن
حتى مـِن تختفين أحبـچ !

اصهب ; شغل التلفون على تسجيل مكالمة وبدا يحجي وي حمزة  ...