ذيبة اصهب

' الـبارت الثاني والاربعون "

#فقرة_اليوم_فكرية ... 💛
برأيكم ماهو سبب كثرة الأفكار و الأشخاص الوهميين او المزيفين وقلة الشخصيات الحقيقية الي تحافظ على نفسها بدون اقنعة؟!

**********************************************

تذكير من البارت السابق .

( . قبل اشوي جنت احجي وي سلمان وما سمعت بس الصريخ وانسد التلفون

رسل ; باوعتلھٰـا بصفنة وعصبية دموعي تجري بحركة بقيت ارجع لـ خلف واهمس بكلمات ; لاا جذب ماكو هيج ؟
هـذا مو اصهب ؟ تجذبين أنـتـي ؟!
اخوي ميعوفنة وميعوف خاتونتة ؟. راح يرجع علمودها علمود يرجعها أنـتـي تجذبين علينة ؟!!

- ركضت لمروة وحجيت بتلگء واضح بصوتي ، مروة احجي شي أنـتـي ؟ شجاي تگول هاي اكيد تجذب علينة مو ! احجي مروة لَيش ساكتة شبيج !؟..

- اباوعلها بس تبجي ومترد دفعتها وحجيت بعصبية ، ادبسزززز مو صوجج صوجي انيي
وخرت منها ورحت لـ صالة واني مفحمة شدا يحجن ذن تقربت لـ امي ودفعت النسوان منها باوعتلها وحجيت بهمس ودموع ; شبيج يمة لَيش تبجين ؟
شبيج صدكتي اصهب يعوفنة ؟ والله مابـي شي هسا شوي ويخابرونة يكولون اصهب مابـي شي ويطلع والله العظيم يعني أنـتـي متوقعة اصهب يروح وبعد منشوفة لٱ يمة اكيد لٱ والله ما يعوفنة وراح تشوفين بس لٱ تبجين ََ؟

# بلقيس

امي ; بجي وحرگـة ; ولج يمةة خابروني يكولون اخوج موات شني ما يعوفنة اووويلليي علليكك يمةة مارتاحيت بحياتك من يوم الصرت .

رسل ; جاوبتني بكـلام ما جنت متخيلتة خلت كل جسمي يرجف وخرت منها مخلية ايدي على حلگي هزيت راسي بجنون وخوف همست لاا مستحيلل ؟!
دموعي اخذو مجراهم بالنزول ، الصريخ هز اركان البيت بصورة مرعبة من بعد كلام امي واني احس نفسي مشلولة من هول الموقف والصدمة ، صدمتي وعدم قبولي للجاي يصير سبب صداع نازل على عيوني شل حركتي تماماً افتح واغمض بقوة وحركات متكررة .

- خـوف .
- كسرة .
- خذلان .
- عدم تقبل .
- مستحيل اتقبل هـذا الفكرة .
- دموع الحار التنزل وتجوي خدي .
- كلام امي وهدى الي مجاي اكدر انسا

-* فركت راسي من قوة الالم الجتاح راسي ودمعتي المستمرة بالنزول ، وكعت بالگـاع لان ماكدرت اوگف اكثر ..

' صعب اوصف الشعور بكلام واكدر اعبر عنة الصار بية اكثر من مصيبة زلزلت وهدمتنا من جذورنا ، صرخات امي ودمعتها وحالها الجنوني الي يخطف النفاس ، شهكات البنات المتعالية ، دخول الجيران للبيت وصفنتهم بـ اشكالنة المرعبة ، وصول اخواتي بخبر مفزع مما سبب الها صدمة مفاجئة ، ضجة والاصوات المرعبة لي تخلي كل انش بجسمي يهتز من الرعب اباوع عليهم بس ماعندي طاقة لـ اي حركة بدون كلام گمت بهدوء اخذت عباية واكعة بالكاع ماعرف المن ولـ منو تسللت بهدوء خليتها على راسي وركضت بلا حجاب وبس عباية على راسي كذلتي على نازلة على وجهي وشعري طالع بس احس فاقدة القدرة على اي حركة طلعت من البيت استوقفني وجود رياجيل بس ما اهتميت ركضت بشارع بدون اهتمام دنيا ليل والجو رغم وجود الناس والضجة البي بس مخيف ، اركض بشارع بدون ما اندل او اعـرف وي وجهتي ولـمن ساعة كاملة واني بهذا حالي وكفت گبال مستشفى **** دخلت واني بهذا حالي اشهك واحجي الناس كلها تباوع اكيد مصدومين عبالهم مجنونة ، ما اهتميت لان جان كول همي اصهب رحت لـ سستر ركض وحجيت برجفة ودموع ' فدوة اكو ولد جابو اسمة اصهب *****