ذيبة اصهب

' البـارت الاربعون '

صاَير ماتحن كَلش هل أيام

وحيَل تِغيرت بيك ألمَوده

تَجر گَلبي وتحبسةَ بطَرف ألرمَوش

لا عِينَك تُشبگه ولا تَهده

رَد كّلمن يحَبُك ):

*****************************************

اصهـب ; واگف وكاظ تلفون وايدي وكلشي بية يرجف وانة اسمع الصوتيات ، نار وجت بية من شفت ڪلامها وصورها ورسايلها للـزلم المصيبة مو هنا المصيبة انو مصاحبة بڪل برنامج اثنين وتلاثة ، ڪعدت بالڪاع افـرڪ بوجهي اڪيد هـذا شي جذب ماڪو وحدة تڪدر تسوي وي رجلها هيج دڪيت على صدري بضربات متڪررة احاول اسيطر على نفسي وجسمي ....

- اسألة ابالي هواي لَيش معقوله انة مقصر عليها بشي عصرت مخي بقوة ادورلها عذر ماڪو ، رفعـت راسي ابوي واخواني مدنڪين يمكن مثلي هم ما مصدڪين بلعت ريڪ واني ارجف همست بفشلة وغصة واضحة بصوتي ; يـمة تدرين بهذا الحجي ؟

* دنـڪت تبجي بدون صوت عدت سوال عليها ، يمةة تدرين بهذا الحجي مو ؟ ما جاوبت مستمرة تبجي بقوة .

" درت على هدى واني مستحي دنڪت وحجيت ; خوية صيحي رسل بسرعة

هدى ; ي صـار

رسل ; ڪاعدة ولازمة تلفوني ودموعي تنزل بحرڪة من ورة اصهب ما متوقعتة يطلڪ خاتون ابداً معقولة الحب الجان بينهم جذب او فعلاً مثل ما ڪال عباس هوا ما حابها لـ خاتون مجرد اعجاب اطلع فيديوهات خطوبتهم واشهڪ بالبجي البعض يڪول ردة فعلج مبالغ بيها بس والله ما جاي اتقبل فڪرة انو بعد ما اشوفها اڪيد اهلها راح يقطعون علاقتهم بينة دنڪت حاظنة مخدتي بقوة وشاهڪة بالبجي ڪلة بسبب اصهب هوا دمرنا ودمر نفسة همين ، فزيت على صوت دڪت الباب مسحت ادموعي على السريع وڪمت فتحت الباب صارت بوجهي هدى همست بصوت مشرح ; هاا هدى

هدى ' حجت بقهر وهيا تشوف وجها ودموعها ; اصهب يريدج جوة .

رسل ' ڪولي الهم تريد تنام

هدى ' بس أنـتـي ما تردين تنامين أنـتـي تردين تبقين هنا حابسة نفسج وشاردة من الواقع

رسل ' درت وجهي شاهڪة ودموعي تنزل همست من بين شهڪاتي / جا شترديني اسوي هـا اني اصهب مو طايقة اشوفة بعد السواه ولا اريد التقي بي دمرنة ودمر نفسة ، قطع العلاقة البيناتنة تتوقعين عمي او خالتي ام خاتون انو راح يجون النة مثل قبل وحتى لْـۆ صار هـذا شي صحيح احنة شلون راح نرفع عيونة بوجهم واحنة مطلڪين بتهم و ڪلش زين نعـرف المطلقة بنظر المجتمع سواء كان ذكر او انثى شلون يباوعولها الڪل هـا ، هسا هوا عود يستنڪف واحد يڪلة مرتڪ جانت مخطوفة بس ما يستنڪف من عمايل مرتة الاولى ، نهيت ڪلامي واني ارجف ; روحي هدى ڪولي الة ما انزل لٱ تنڪلب الدنيا .