တီမောလ်ဂျင်းနီ (Completed)

Chapter 5

Spelling what? What vocabulary?

(Unicode)

လုယွင်ဖေး အေးအေးစက်စက် ပြန်ဖြေလိုက်တယ်။ “ဒီမေးခွန်းကခက်ခဲလွန်းပါတယ်။ ဖြေဆိုဖို့အားနည်းနေပါတယ်။”

ပျမ်းကျင်းယွမ်က အံ့ဩသွားရသော်လည်း မကြာခင်မှာပဲ ထို Tmall genie တွင် စနိုးဝှိုက်ကို အင်္ဂလိပ်လို သိမ်းဆည်းထားခြင်းမရှိသည် ဖြစ်နိုင်ကြောင်း တွေးမိသွားသည်။

“အဲ့ဒါဆို အင်္ဂလိပ်သီချင်းတစ်ပုဒ်ဆိုရင် ဘယ်လိုလဲ”

လုယွင်ဖေး: “… ဒီမေးခွန်းက ခက်ခဲလွန်းပါတယ်။ ဖြေဆိုဖို့အားနည်းနေပါတယ်”

ပျမ်းကျင်းယွမ်က သီချင်းတစ်ပုဒ်တစ်နာမည်ကို တိတိကျကျပြောရန် လိုသည်ဟု ထင်မိသောကြောင့် ခဏတွေးလိုက်ကာ ပြောလိုက်သည်။ “[[Mary Had a Little Lamb]] ကို ဖွင့်ပါ”

Lu YunFei တည်ငြိမ်စွာနဲ့ သူ့ပါးစပ်ကို ဖွင့်လိုက်တယ်။

{မယ်ရီဆီက သိုးကလေးတစ်ကောင်မှာ}

{နှင်းလိုဖြူဖွေးတဲ့ သိုးမွေးတွေရှိခဲ့တာ}

{မယ်ရီဘယ်ကိုသွားမလဲ}

{သိုးကလေးကတော့ နောက်ကလိုက်မှာပဲ}

ပျမ်းကျင်းယွမ်: …

လုယွင်ဖေး သူ့ရဲ့ ပြောစရာစကားပျောက်နေတဲ့ ပုံစံကိုတွေ့ပြီး ကျေနပ်သွားရသည်။

ဟမ့် မင်းမှာလည်းအကြံအစည်ရှိတာမဟုတ်ဘူး။ ငါ့မှာလည်း ရှိတာပေါ့။ အင်္ဂလိပ်ကို တရုတ်လိုပြန်ထားတာရှိတာပဲ။ သိပြီလား။

ပျမ်းကျင်းယွမ်က ထို Tmall genie ကို ထုတ်လုပ်ခဲ့စဉ်အခါက အင်္ဂလိပ်စာစွမ်းရည်မထည့်သွင်းခဲ့သည်မှာဖြစ်နိုင်သည်ဟု တွေးမိသည်။ ထို့ကြောင့် အင်္ဂလိပ်သီချင်းကို မန်ဒရင်းလိုဆိုသွားခြင်းဖြစ်နိုင်သည်။ ထို့ကြောင့်လည်း က ထိုလူလုပ်အရာဝတ္ထုဖြစ်သော်လည်း အသိဉာဏ်မရှိသည့် Tmall genie ကို မကြိုက်၍ သူ့အား ပေးခြင်းဖြစ်လိမ့်မည်။

သေချာပြောရလျှင် ပျမ်းကျင်းယွမ်သည် Tmall genie က ဘာမှန်းသေချာမသိခဲ့ပေ။ သူ့ပတ်ဝန်းကျင်အခြေအနေက သူထိုကဲ့သို့အရာများအပေါ် အချိန်ရောပိုက်ဆံပါ မဖြုန်းတီးနိုင်စေရန် ဖိနှိပ်ထားသည်။ ဆိုင်တွင် လျိုမို့က အထုပ်တစ်ထုပ်ကို လက်ခံရရှိကာ ထိုအနီရောင်လေးထောင့်သေတ္တာနှင့် ကစားနေသည့် အချိန်မှသာ သူထိုအရာကို သတိပြုမိခဲ့ခြင်းပင်။