‘Suzy Ramirez The Female Protagonist’
‘End of Chapter’
@yvonne
“Ano‘ng nangyari?”
@clark
“Bakit nag-iba?”
@james
“May ilang beses ko na ‘tong binasa pero bakit naging ganito?”
@kyla
“Hindi kaya pinalitan ng author ang plot?”
@yana
“Pinalitan? Nabago lahat sa isang araw lang? ”
@mikko
“Ano‘ng ginawa ni 782?
@chelsea mentioned @mikko in comment
“ ‘sinisisi mo ba ang author? Baka naman may nangyari lang.
@anna
“Tama, hintayin na lang natin si 782
~~
“Ano‘ng nangyari? Bakit ganito? Tsaka nasa‘n ako? Bakit hindi na ako ang nasa libro? May pumalit sa ‘kin? Sino?”
“Gusto mo bang sagutin ko ang mga tanong na ‘yan?”
Napalingon si Suzy sa likod nang may magsalita, halata sa tinig nito ang katandaan. Nakasuot ng salamin, itim na pants, t-shirt na pinatungan ng vest. Kung titingnan, mukha siyang magician.
“Sino ka?”
Tumawa ang matanda at na-meywang. “Valencia—apelyedo lang ang me‘ron ako.”
“Po?”
“Ehem... Hindi ba gusto mong masagot ang mga katanungan mo?”
“Opo.”
Nakatingin lamang si Suzy kay Mr. Valencia ang humahawak sa Fairies Shop—ang book publishing, o mas tamang sabihin na, ang nag-aasikaso sa mga fictional character.
“Ano‘ng nangyari? Hiniling ng babae na makapasok sa libro mo—at nangyari nga. Siya ang gumampan sa buhay mo—at ikaw ang gagampan sa buhay niya kaya, nandito ka sa totoong mundo.”
“Po?”
“Isa lang ng paraan para maayos ang lahat—well, hindi lang dahil sa hiling ng babae, kun‘di dahil na rin sa author mo.”
“Hindi ko po maintindihan.” Umiling si Suzy nang sabihin ‘yon.
Mahinhin ang kan‘yang boses, Mahinahon, Magaan at Malambing.
“Nasa totoong mundo ka Suzy, alam kong alam mong hindi ka tao.”
“Hindi ako tao?”
“Oh, ang ibig kong sabihin, tao ka—pero imahinasyon lamang. Hindi ka tunay, mali rin ako dahil akala ko alam mo na.” Tumikhim si Mr. Valencia, aminin nating medyo komedyante ang matanda. “Ang paraan lamang para bumalik sa lahat ang dati ay hanapin ang author mo at sabihin sa kan‘yang ibalik sa dati ang plot.”
“Dahil kung hindi, mawawala ka Suzy, mawawala ang lahat nang sa ‘yo na parang hindi nag-e-exist.” Mataman lamang na nakikinig si Suzy.
“Naiintindihan ko na po.”
“Malalaman mo pa ang ibang kasagutan sa author mo.”
“Kung gano‘n,... sino po siya?”
VOCÊ ESTÁ LENDO
The Pulsation Of Heartbeat
RomanceLorence Garcia is a college student, he's smart and excellent in science and history. He is admired by many people and is also a famous author, but only his friends know about it. He was cold and didn't care around. And the day came, he met Suzy Ram...
