unicode •
" အဟမ်း "
ယွန်းဂီ မကြားတကြားချောင်းတစ်ချက် ဟန့်လိုက်
သည့်တိုင် ကြားစေချင်သူက မကြား။ အရိပ်အကဲပဲ
မသိလေသလား တမင် မကြားချင်ယောင်ဆောင်
နေသည်လား။ ထိုမြေခွေးပေါက်လေးက တတ်လည်း
တတ်နိုင်လွန်းပါသည်။
" မင်းကိုပြောနေတာ "
ဒဲ့တိုးပြောမှ သူ့ဆီအလှည့်ကျလာသည့်
မျက်ဝန်းတိမ်တွေ။ နှုတ်ခမ်းစုံကြားက လွင့်ထွက်သွား
သည့် စီးကရက်ငွေ့များနှင့် ရီဝေဝေမျက်ဝန်းတစ်စုံဟာ
တစ်စုံတစ်ဦး၏ သေခြင်းရှင်ခြင်းကိုတောင်
ချုပ်ကိုင်နိုင်လောက်သည်အထိ။
" အဲကွန်းဖွင့်ထားရင် ဆေးလိပ်မသောက်နဲ့လေကွာ "
ပြောရုံနှင့် နားထောင်ကာ ဆေးလိပ်မီးသတ်
လိုက်ခြင်းကို ကျေးဇူးတင်ရမည်ထင်၏။ တစ်ခါ
တစ်ရံကျပြန်တော့လည်း ခပ်ဆိုးဆိုး ကောင်လေး
ငယ်ဟာ လိမ္မာနေတတ်ပြန်သေးသည်လေ။
" မင်းနဲ့ပတ်သက်ခဲ့တဲ့ ၁၀နှစ်ကျော်အတွင်း
ပထမဆုံး ငါ့စကားနားထောင်ခဲ့တာပဲထင်တယ် "
ခပ်သဲ့သဲ့ ခနဲ့လိုက်တော့ ကောင်လေး၏
မျက်ဝန်းတွေက မကျေနပ်သလိုလိုဟန်ဖြင့်။
" သူများရုံးခန်းထဲ မိန့်မိန့်ကြီးထိုင်ပြီး လုပ်ချင်တာ
လုပ်လောက်တဲ့အထိ ငါမရိုင်းသေးဘူး "
ရန်တွေ့သလိုလိုနှင့် ပြောလာပြန်တော့ Yoongi
မထိန်းနိုင်ဘဲ ရယ်လိုက်မိသည်။ ထိပ်တန်း
လုပ်ငန်းရှင်နှစ်ဦး၏ စကားဝိုင်းမှာ ရန်ထောင်
ရန်တွေ့ဟန်များနှင့် တန်ဆာဆင်ပါမည်ဟု
မည်သူက တွေးမိပါမည်နည်း။
" ဥက္ကဌရောက်လာပါပြီ "
အတွင်းရေးမှူးမလေးမှာ ရေးကြီးသုပ်ပြာနှင့်
လာအသိပေးကာမှ နှစ်ယောက်သား စကားဝိုင်း
ပျက်ကာ အသင့်နေရာယူရသည်။ ရင်းနှီးမြုပ်နှံမည့်
လုပ်ငန်းရှင်တစ်ဦးက နှစ်ယောက်လုံးနှင့် ဆုံတွေ့
ချင်ပါသည်ဟု ချိန်းဆိုထားရာကြောင့် ယနေ့
ယခုချိန်၌ Jimin ထိုရုံးခန်းထဲ ထိုင်နေခြင်းဖြစ်သည်။
" တွေ့ရတာဝမ်းသာပါတယ် "
" ကြိုဆိုပါတယ် ဥက္ကဌကြီး "
YOU ARE READING
ʟᴇᴛ's ɴᴏᴛ ғᴀʟʟ ɪɴ ʟᴏᴠᴇ ᴀɢᴀɪɴ||𝚈𝙼
Fanfiction" ငါတို့ ထပ်ပြီးမချစ်မိဘဲ နေကြရအောင် ငါတို့အချစ်တွေက အန္တရာယ်များလွန်းတာမို့ " " ငါတို႔ ထပ္ၿပီးမခ်စ္မိဘဲ ေနၾကရေအာင္ ငါတို႔အခ်စ္ေတြက အႏၲရာယ္မ်ားလြန္းတာမို႔ " •𝟐𝟓𝐭𝐡 𝐎𝐜𝐭𝐨𝐛𝐞𝐫, 𝟐𝟎𝟐𝟏
