جريت الكرسي وكعدت و كبال روانا
زهره : ها ييمه مو كلتلي اريد اطلع حتى ما صبيتلك
دحام : ماعرف احس جعت و موجوده بت عمي و تكوم تصبلي
روانا : رفعت راسي و أشرت ع نفسي اني.؟!
دحام : موجوده بت عم اهنا غيرج؟
زهره : كومي يعمه بعد عمري صبيله
روانا : بداخلي اوف لو ما عمتي جان والله ما صبيتلك ، كمت و طبيت للمطبخ شلت الكدر من الطباخ ويجوي حطيته ع كاونتر و بديت اصب صبيت المرك و احجي بداخلي اصبله سم كون يزهرم بي و يموت ، طفر ع ايدي المرك و حار يفور احس روحي طلعت صرخت ااااخ
اجه دحام يركض لزم ايدي بسلا تاذيتي؟ و ينفخ عليها
روانا : نصدمت هاذه شبي احس هوه الي نجوه مو اني فد مهتم و ينفخ عليها ، سحبت ايدي من ايده ، حجيت لا عادي ما تأذيت كلش
دحام : بداخلي اني شسويت؟ شبيه ما سيطرت ع روحي ليش خفت عليها راح تفكر مهتم بيها وهيه اخر همي
راح كعد ع كرسي ، ورجعت اصب اخذتهن وحطيتهن يمه الصحون و رجعت كعدت اتعشه
زهره : خوما نجويتي كلش يعمه
روانا : لا مجرد لسعتني الحراره
زهره : الحمدالله
روانا : مادري شبيه بعد مالي نفس اكل عفت الكل و كلتلهم بالعافيه شبعت
زهره : يا ولج عمه ما اكلتي شني معدت عصفور
روانا : لا اكلت هواي و شبعت هم
موسى : اكعدي يعمي ما اكلتي شي باعي ماعونج بعده ما خالص
روانا : عمميي
موسى : براحتج براحتج
روانا : صعدت للغرفه و شغلت التلفزيون و طفيت الضوه
شويه و اجت انفال ، هم كعدنه نسولف و نضحك ب11 و راحت تنام ضليت وحدي اكلب بالموبايل و اباوع بالتلفزيون
باوعت ع ساعه صارت ب 3 الفجر ، و احس جوعانه كلش
كمت ع كيف طلعت بره و البيت أظلم طبيت للمطبخ و شغلت الضوه دورت ع اندومي ماكو ، شنو ذوله ما ياكلون اندومي اووف
حسيت اكو صوت خطوات وراي ، درت وجهي و شفت دحام لابس كيمونه سوده و شورت قصير و يدخن بجكارته و يباوعلي ، ااوف هاذه بكل لحضه يطلعلي ياخي خليني براحتي
روانا : شكو شبيك لاحكني لكل مكان اروحله؟
..اخذ نفس من جكارته و طلعها نفخ الدخان لفوك و شمر الجكاره بسله النفايات ، تقدم ناحيتي و يباوعلي بنظرات غريبه و تخوف
دحام : شبيج جاي اشوف الخوف بعيونج؟
روانا : رفعت اصبعي و كلت اياني و إياك تتقرب اكثر
