كمل وخر عني و رجع المشط بالمجر راد يطلع من الغرفه
كمت و كلت شوكت نروح للمحكمه؟
- التفت الي و كال ، عبالج راح نطلك؟ يعني انتي متأكده؟
- اي نطلك ، و اذا ما تقبل راح ارجع ويه ابوي حتى لو بدون طلاك
- انه رايح اسئل ابوج و اشوفه يقبل بنته تروح ويا بدون موافقة رجلها؟
:- رحت يمه و كلت لا عليك الله شتريد مني خليني اروح
حط كفوف ايده ع خدي و كال ، يا صمامات كلبي احبنج
روانا : اذا تحبني صدك خليني ارجع ويا خليني عفيه والله حتى إذا ابنك تريده راح انطي الك
- منو كلج ما خليج ترحين ويا علمود ابني؟ بابه افهمي احبج !
- بس اني اكرهك و اكره عيشتي وياك ولا تفكر اذا خليتني اضل يمك راح احبك او انطيك حقك تدري كل مشاعر اتجاهك ماعندي شعوري اتجاهك هو الكره و بس
دحام : كولي هاذه الكلام وانتي تباوعين بعيوني؟ يله كولي احجججيييي
روانا : جنت ما أكدر لان اعرف اذا باوعت بعيونه راح اكول الحقيقه ، جنت واكعه بنارين بنار حبي لدحام و حبي لأبوي و بيئتي و حياتي
- احججججيييي ليش ساكته؟؟؟!
روانا : كلتلك كل الكلام ماكو شي ثاني احجي واني اباوع بعيونك .!
دحام : هاهيه اذا هيج الموضوع و كرهج الي روحي روحي ويه ابوج ، وهسه طلعي من الغرفه ماريد اشوف وجهج
روانا : طلعت و ركع الباب وراي حيل
دحام : كسرت كلشي بالغرفه و ادفر كلشي كدامي سويت الغرفه خرابه اله كعدت و ورثت جكاره حطيت راسي بين ايدي
روانا : كعدت بالصاله و عمتي جانت بغرفتها كاضيتها تسمع قرآن و تصلي و منعزله بالغرفه اذا كلش تطلع تذبلها بس الحجايه الحلوه و ترجع لغرفتها يعني حيل تغيرت وره موت انفال
- جنت اسمع اصوات شي يتكسر بالغرفه احس حيل خفت كمت دخلت للاستقبال جان ابوي جاي يصلي كعدت يمه كمل صلاته و التفتلي تقرب يمي حبني ع راسي و كال شبيج بابه
هزيت راسي بـ ماكو شي
- شكال رجلج قبل بالطلاك؟
- بجيت و كلت لا ما قبل
- حقه يا بابه انتي هسه حتى حامل منه يعني المفروض تضلين اهنا ما الج غير بيت رجلج و اني ما دايم الج
رديت بخوف ، اسم الله عليك انشالله يومي قبل يومك
كاظم : هيه هاي سنة الحياة ومحد دايم وكل نفس ذائقه الموت و ما لازم نخاف منه و اشوف احسن الج و لابنج تبقين
روانا : كافي بويه كلت اريد ارجع وياك ، سكت وكال هاهيه بكيفج
صبو الغده و كعدنه سوه تغدينه بس دحام ما موجود
