- خلي أخذه يم الحجيه اني ما اعرفله ، كمت و نزلت وهوه يلعب بيده و يناغي ، طبيت لغرفة عمتي
- جانت كاعده على الجربايه و لابسه شيلتها و تقره قرآن باوعتلي طبكت القرآن وخلته ع صفحه كالت تعاي يمه
- كعدت على الجربايه بصفها وهيه اخذت الطفل مني باسته و عدلتله الكماط كالت يمه خطيه رضعي من صدرج
- استحيت و كلت ، لا أخاف
- ضحكت و كالت ، يا يمه منين تخافين طفل صغير تره ما ياكله ، وهسه علساس ابو ما واصل يمه
- خجلت حيل ، يا ربي شكد فشله هاي شلون تعرف بس لا دحام يحجيلها ؟؟؟؟!
خلته بحضني و كالت يله يمه رضعي خطيه جوعان
أخذته و صعدت للغرفه قفلت الباب و كعدت ارضعه لحد ما غفه
بعد مرور 3اسابيع
كعدت من النوم :- اسبح و بدلت نزلت جوه ساعدت كريمه بالريوك و كعدنه سوه تريكنه
دحام : اليوم نروح لـ انفال و ناخذ اهيم ويانه
روانا : كلت بفرح ، صدكككك؟؟؟! والله مشتاقتلها
زهره : بس يمه مايصير تاخذ ابنك
كال بدون ما يوجه نظره :- يصير
زهره : ما طلع الأربعين حتى مريتك مو زين عليها
دحام : كلت يصير و راح أخذها و اخذه
- سكتت ورجعت تاكل :- لان تعرفه اذا كال أخذه يعني ياخذه
شويه سمعت ابني يبجي رحت اركض ، جان مطلع ايده من الكماط ، هاي شنو ولك شهل وكاحه مو عمتي كمطتك تكمط
شلته و بست ادياته و خده نزلت جوه اخذه عمي مني و يلعب ويا و يبوس بي و اني شلت الماعين وغسلتهن
- طب دحام حضني و باس كتفي كال ، اغسلهن عنك خاف تعبان
- اي تعال اغسلهن؟ :- وخرت وشبكت ايدي خنشوف كلامه صدك لو يضحك عليه ؟؟؟!
- رفع أكمام ايده اخذ الجلافه و يفرك بالماعون شلون ما جان و يحطه ع صفحه و يشيل الماعون الثاني و يجلفه
- وكفت اباوعله و حابسه ضحكتي وهوه ولا مهتملي عيونه ع الماعين
- وخر حبيبي وخر اشاقه وياك
- باوعلي صفح و كال خليني بشغلي ولا دوخيني
- غسلهن و كال ...
بعد عندج شي يتعبج خلي اسوي انه الج- حضنته و كلت ، احبك والله
:- اعشكنج ، يله بويه جهزي نفسج حتى نطلع
- وخرت عنه و هزيت راسي ، طلع من المطبخ رحت يم الماعين جانن بعدهن مو نضيفات كلش ضحكت و رجعت غسلتهن و صعدت بدلت و نزلت يم عمتي شفتها شمحتاجه