اللعنات العشر (الجزء الثاني من مغامرات إلى عالم الأساطير)

الرابع

الحارس: ادخلو أيها اللصوص
رعد بغضب:  احنا مش لصوص
الحارس: اصمت ايها الغريب
أدخلهم الى السجن جميعا ثم أغلق الباب
سيف: هنعمل ايه دلوقتى؟
مروان وهو يجلس: ولا اى حاجه هنستنى
رعد بغضب: انت ازاى بالبرود دا
إسراء بقلق: مروان انت كويس؟ انت عمرك ما كنت كدا
مروان: كدا ازاى يعنى
إسراء: مش مهتم باللي بيحصل ومش همك بقيت... بقيت بارد اوى
مروان وهو يستند بظهره على الحائط: وايه يعنى... بصى يا حبيبتى فى حاجات كدا الواحد لازم يسيبها تمشى براحتها ويستمتع بيها واللي احنا فى دا واحد منها
إسراء بإستنكار: انت حصلك ايه؟
لم يجيبها بل شبك يده خلف رأسه وأغمض عينيه لينام بعمق
آسيا: هو فى ايه؟
إسراء بحزن: مش عارفه انا مبقتش فاهمه حاجه
سيف: هو ممكن يكون دا تأثير الكتاب؟
إسراء وهى تضع يدها على أذنيها: معرفش معرفش
دعاء وهى تحتضنها: خلاص يا جماعة الأفضل اننا نرتاح دلوقتى *ثم وجهت حديثها الى إسراء* وانتى كمان يلا

أخذتها وجلسا فى أحد الجوانب وقد سمحت لها بوضع رأسها على كتفها لتنام براحه
ابتسمت آسيا لهذا ثم وجدت رعد يجذبها من يدها ثم جلس على الأرض وأجلسها فوق قدمه واحتضنها

آسيا بضحك: حتى هنا
رعد: مبقتش أعرف أنام غير كدا
ضمها اليه وثبتها فى حضنه فابتسمت ووضعت رأسها على صدره وناما متناسين اين هما او ماذا حدث منذ قليل

سليم بضحك: اهم عصافير الحب نامو
سيف: هتحسدهم اسكت
سليم: أحسد مين يا ابنى بس انا عايز كتكوته انا كمان
ضحك سيف وهو يتمدد على الأرض: لما نرجع ابقى هاتلك واحده بس خلى بالك لتموت تانى يوم
سليم بعدم فهم: وهى هتموت تانى يوم ليه؟
ثم فهم انه يسخر منه فصرخ قائلا: انت.... انت بتستهزء بيا
ضحك سيف بصوت عالٍ حتى قام الحارس بضرب الباب من الخارج ليصمتو فوضع يده على فمه ومازال يضحك بصمت... نظر اليه سليم شذراً وأولاه ظهره وحاول النوم هو أيضا

*معلومة تاريخية*

معبد حتشبسوت أو المعبد الجنائزي لحتشبسوت هو معبد من الأسرة الثامنة عشر المصرية، وأحسن ما بقي من معابد بُنيت منذ نحو 3500 سنة في الدير البحري بمصر.... بنته الملكة حتشبسوت على الضفة الغربية للنيل المقابلة لطيبة (عاصمة مصر القديمة) (الأقصر اليوم).
يتميز معبد حتشبسوت بتصميمه المعماري الخاص المنفرد بمقارنته بالمعابد المصرية التي كانت تُبنى على الضفة الشرقية من النيل في طيبة.
يتكون المعبد من ثلاثة طوابق متتابعة على شرفات مفتوحة.... بُني المعبد من الحجر الجيري، ونُصبت أمام أعمدة الطابق الثاني تماثيل من الحجر الجيري لأوزوريس وللملكة حتشبسوت في توزيع جميل.
لقد بُني معبد حتشبسوت في فترة تصل إلى 15 عام من فترة حكم الملكة حتشبسوت فقد استمر بنائه إلى السنة 22 التي كانت تحكم فيه.
........

*فى اليوم التالى *

فُتح باب السجن ودخل قائد الحرس وهو يصيح بهم قائلا: استيقظو ايها اللصوص
سليم بضيق: ايه ياعم حد يصحى حد كدا
قائد الحرس: ماذا تقول انت... هيا انهضو ستقابلون الملكة

استفاقو وأخذهم الحراس الى غرفة واسعة يوجد بها عرش الملكة وكان عبارة عن كرسى من الذهب تزينه الأحجار الكريمة
أجلسوهم على الارض وانتظرو دخول الملكة حتشبسوت