اللعنات العشر (الجزء الثاني من مغامرات إلى عالم الأساطير)

السادس والعشرون

سيف: يعنى لولا الشخص دا كنا هنشرب قهوة على روحكم
سليم: وأنت مالك مبسوط كدا ليه
سيف بضحك: لا مفيش بس مش متخيل منظركم حقيقى
مروان: سيبكم منه هو اليومين دول اللعنة بتاعته عملاله شغل حلو فى عقله
سيف: متغلطش طيب
آدم: المهم دلوقتى الراجل اللى بيقول هيساعدنا دا هنلاقيه فين؟
مروان: هنروحله على العنوان اللى فى الرسالة بس الاول لازم رعد يكون معانا

لم يكد ينهى جملته حتى رن هاتف آسيا
آسيا: ألو ... جين! خير فى حاجه
انتفضت من مكانها وصرخت: رعد!
جلست على الأريكة ووضعت يدها على فمها ونزل خطين من الدموع على وجنتيها
إسراء بخوف: خير يا آسيا حصل ايه
آسيا بإرتجاف: رعد... رعد فاق
سليم: يوووه أنتم الستات مشاعركم غريبة تزعلوا تعيطوا تفرحوا تعيطوا فى ايه
دعاء وهى تحتضنها: اسكت أنت دى دموع الفرحة
سليم: فرحة ايه بس دا انتوا غاويين نكد
دعاء: ماشى بعدين
مروان: الحمد لله كدا نقدر نتجمع
آسيا وهى تمسح دموعها: هكلم الدكتور وأطمن على حالته وهروحله على أول طيارة
إسراء: خير إن شاء الله

"بدأت المواضيع تتحسن حتى لو كان تحسن طفيف يبقى هناك أمل"

مر أسبوع لم يمل الكتاب من محاولة تدمير ما تبقى من حياتهم فيفشل حينا وينجح أحيانا ولكن تبقى الإرادة لديهم هي الدافع الوحيد للمتابعة والمضي قُدماً مهما حدث
عاد رعد من اليابان برفقة آسيا ولكن كان على كرسي متحرك وأخبرها الطبيب أنه سيعاني صعوبة فى التحدث والسير لبعض الوقت حتى يتعافى تماما من أثر الصدمة التى حدثت للمخ نتيجة انسحاب الدم المفاجئ

تجمعوا فى قصر سيف وبعودة رعد أصبح الوقت المناسب للذهاب إلى عنوان هذا الشخص لمعرفة ما لديه من معلومات

سيف: لازم نفضل مع بعض ونبقى هاديين احنا مش عارفين ايه اللى هنواجه هناك
مروان: أيا يكن مش هيبقى أكتر من اللى اتعرضناله
سيف: تمام هنروح فى عربيات خاصة أنا وسليم وآدم وأدهم فى عربية ومروان مع إسراء وآسيا ورعد ودعاء فى عربية ونتوكل على الله

ركبوا السيارتين منطلقين إلى وجهتهم
استغرق الطريق ساعة كاملة حتى وصلوا إلى غابة قديمة أشجارها مخيفة منها المشجر ومنها المـيت مجرد قطعة خشب بشكل مخيف
ترجلوا من السيارة وأكملوا على أقدامهم إلى داخل الغابة وآسيا تدفع بكرسي رعد
ساروا بداخلها قليلا حتى وصلوا إلى منزل مهترء ومهجور يبدوا أنه قد بُني منذ سنوات طوال

اقتربوا منه وتقدم سيف وبجانبه مروان
فتح سيف الباب الخشبي القديم فأصدر صوت أزيز يدل على أنه لم يُفتح منذ وقت طويل
دخلوا فى ثنائيات منتهيين بأدهم الذى ما إن دخل حتى أُغلق الباب من خلفهم
انفزعوا من هذا وصرخت الفتيات

نظروا حولهم ليستكشفوا المكان
كانوا فى غرفة واسعة مظلمة تملئها الأتربة وخيوط العنكبوت المنتشرة فى زواياها
أرضيتها الخشبية بها كسور وتبين أنه يوجد سلم طويل أمامهم
توقفوا حيث هم ولم يتجرأوا على المضي قُدماً